حسام حبيب بيحكى قصته مع عمرو دياب وموضوع ان عمرو كاتبله شكر خاص فى الالبوم الـجديد

[vodo_2675506]

حسام حبيب انهارده كان فى برنامج اجمد سبعه الساعه سبعه مع المذيعه جيهان عبدالله


امبارح كلنا قرينا فى البوم عمرو شكر للفنان حسام حبيب ودى تعتبر وسام على صدرك وشهاده تعتز بيها ؟
انا مش عارف اقول ايه انا مصدوم مش مصدق يعنى وانا فى العربيه جاى بفكر اما اتسأل السؤال ده هاقول ايه
مش قادر اقولك اد ايه الناس اللى هنتنى بالشكر ده
انا مش عارف هو بيشكرنى انى حضرت معاه واتعلمت منه ولا ايه

استفدت من عمرو ازاى؟
انا بالنسبه لى عمرو دياب يعنى عمرو دياب
لقيته انسان جميل جدا عايش فى دنيته بجد مالوش اى حاجه غير شغله
يقعد ادام الكمبيوتر يشتغل ممكن يقعد بالعشرين ساعه مينامش شغال فى ربع اغنيه عايز يخلصها
حد بيتعب فى شغله جدا اتعلمت منه ازاى اسخر كل طاقتى فى الحاجه اللى انا بحبها
كنت بقعد ادامه اكنى تلميذ فى مدرسه اكنى صحفى صغيراوى اوى و بيتعلم من صحفى كبير زى هيكل كده ..
من كتر ما كنت بروح قولت يمكن يتضايق اكيد اى حد بيبشتعل بيبقى مش عايز حد يسمع مزيكته
بس بالعكس هو كان بيقوللى تعالى وكان فرحان بالناس الكتير
كنت ببقى قاعد معاه اكنى فى فصل وبتعلم منه حاجات

فى الفتره اللى انت قعدتها معاه مفكرتش انك تقلده او تعمل زيه؟
عمرو تركيبه متعرفيش تسرقيها او تقلديها متعرفيش تعملى زيه

تقول ايه للناس اللى بيقلدوه عشان دول بقو كتير اوى؟
والله دول صعبانين عليا وبعدين اللى يفكر انه يقلده وان هو بكده ممكن يوصل للى هو فيه غلطان
يعنى عمرو دياب مبقاش عبدالحليم بقى عمرو دياب مقلدش حد
مينفعش حد يقلده دلوقتى
اللى حايجى مش هايبقى عمرو دياب
ومعتقدش فى الزمن اللى احنا فيه ده هيبقى فى عمرو دياب تانى
وبعدين عمرو دياب تانى ليه ماهو موجود و على القمه

طب حافظ ايه لعمرو دياب تغنيهلنا ؟
قوليلى مش حافظ ايه انا حافظ كل حاجه
غنيلنا حاجه من الجديد
حاغنى حته انا بحبها اوى من اغنيه
وغنى اول كوبليه من حكايات

عمرو علق على الالبوم بتاعك قاللك ايه كان ايه رأيه ونصحك بأيه ؟
قاللى رأيه بصراحه مجاملنيش وقاللى ايه الأغانى اللى عجباه والاغانى اللى مش عجباه وعجبته جدا "اجمل قصة حب"
قالتله غنهالك قاللها اه هو كل اما يتكلم على اغنيه يدندلى منها حته
قالتله بتحس انها حاجه تانيه مش كده
قاللها اه انا قولت عمرو دياب متابع و بيسمعنا
وبعدين هو صحيح فى دنيتى لوحده بس اما اغنيه بتعجبه بتعلق معاه
وبعدين ماشاءالله هو فى حاجه اول ما تقوليلو اللحن من اول مره خلاص يعلق معاه ....
_________________

وفعلا يا جماعه استغربت انا لموضوع الشكر اللى مكتوب لحسام على البوستر بس انا افتكرت ان كان فى اغنيه عمرو مصطفى عاملها لحسام حبيب مثلا وعمرو دياب خدها وحسام اتنازله عنها يعنى ..
بس واضح ان الموضوع كله ان عمرو دياب بيقولنا خدو بالكو من حسام حبيب وواضح كمان من اهتمام عمرو بيه وانه بيسمعله انه بيحبه وعجباه البوماته وشكل مزيكته ..

فعلا حسام حبيب فنان محترم جدا شخصيا وفنيا ..

وهوا دا الكينج يا جماعه يعنى الكبير ومش هقول اى كلام تانى ..

[lylyhany]

واو بموووووووووووووووووت اصلا في حسام حبيب بليز فودو لو عندك سايت او ايميل لحسام حبيب عرفني بيه واكون شاكره اوي وميرسيه علي الحوار الجامد ده

[vodo_2675506]

ميرسى يا ليلى عالمرور ..

بس يا قمر حسام حبيب ملوش لسه موقع بس هوا بجد فنان جامد جدا جدا وعسول اوى وشخصيه محترمه جدا ..

وعلى فكره اغنيته الجديده بتاعت فيلم تيمور وشفيقه ( انت معايا ) جامده جدا جدا جدا ..

[omaroig]

تسلم ايديك على الجمال ده

بس حسام حبيب مش متواجد دايما على الساحة الفنية مش عارف مشاكل مع الانتاج ولا مع الشعراء ولا ايه؟

مشكووووووووووووووووووووووووووور

[vodo_2675506]

المشاركة الأصلية كتبت بواسطة omaroig

تسلم ايديك على الجمال ده

بس حسام حبيب مش متواجد دايما على الساحة الفنية مش عارف مشاكل مع الانتاج ولا مع الشعراء ولا ايه؟

مشكووووووووووووووووووووووووووور

ميرسى عالمرور يا حبى ..

وفعلا حسام ظهوره قليل ودى طبيعته وهوا اكيد شايف انه مبيحبش يعمل شغل كتير ويحرق نفسه فاكتر من حاجه .
بس انا شايف ان البومه الاخير جامد جدا ونقله فمنطقه حلوه جدا وادى لحسام شكل جديد وعلاه جدا عند الناس .

[حمودي ستار]

شكرا على الموضوع أحمد وحسام حبيب يستحق كل خير وهو فعلا أظهر في ألبوم أجمل قصة حب إنه فنان حقيقي

[vodo_2675506]

ميرسى عالمرور يا حمودى ومنور يا حبى ..

[srbsica2050]

تمام يااحمد على موضوعك وحسام حبيب فعلا انسان محترم انا عجبنى صوتة اوى فى اغنية قلبى سألنى علية بجد صوتة فيها لية لمسة حنان ولية حق الكينج يهتم بية

[mohammed_gado92]

مشكوور وحسام حبيب صوتة حلو ويستاهل كل خير

[ahmed_gado92]

شكراااااااااااااا علي مو ضوعك فودو