سى السيد مش عجباه الست امينة!!!!

[hossamtw]

السلام عليكم:
ما ان اشاهد فلم بين القصرين حتى اقول الله يرحمك يا ست امينة .انت فين مش كنت اتجوز واحدة زيك ؟يا سلام على كلمة حاضر جميلة اوى .وانذاك وجدت كمية من الاسئلة تنهال على ولا اسئلة الثانوية العامة فى صعوبتها وهى :
1-هو سى السيد مش عجباه امينة ليه؟ 2-طب بيخونها ليه مع انها مش منكدة عليه حياته وبتسمع كلامه ؟
3-هى الست امينة نقصها ايه ؟ 3-طب مش يحمد ربنا ويتقى الله فيها هو لازم يقرفها يعنى ؟
5-هوالواحد عايز اكتر من كدا ايه زوجة بتحبه و بتحترمة وتسمع كلامه ومش نكدية وبتربى العيال ؟
6-طب ليه الست امينة فشلت فى حياتها مع جوزها وخانها ؟
7-هل هى مقصرة بالرغم من انها شمعة تحترق لتضئ له الطريق؟ 8-ماذا يريد الرجل سمعا وطاعة ولا ندية ؟
9-ما الموقف قيما لو كان سى السيد عايش معانا دلوقتى واتجوز واحدة نكدية دائما تقول لا لتثبت ذاتها وحفاظا على كرامتها والندية سبيلها فى الحياة ودايما عايزة تتفسح بصرف النظر عن ظروفك !!!؟؟؟؟
11-طب لو سمع رامز جلال وهو بيقول عيزانى اخس اخس كل كلامك يمشى لو عايزانى منمش انا هفضل صاحى على طول او الجسمى وهو بيقول بحبك وانت مطلعة عينى كان عمل ايه مش كان يحمد ربنا على امينة ويلم نفسه ؟؟
12-طب انا احب اتجوز واحدة زى الست امينة و لا لا ؟؟؟
وانتهيت الى ان سى السيد كان مفترى مكنش عارف قيمة الجوهرة اللى معاه وهى كمان كانت سلبية والرجل يحب المراة التى تشاركه فى الحياة ويكون لها راى بس خالى من الاهواء والنرجسية والاستبداد ويكون هدفها مصلحة الاسرة فحسب
ورجعت وقلت لا الست امينة مكنتش احب اتجوزها ولقتنى صرخت بصوت عالى هو انت عايز ايه يا حسام ؟؟
فلقيت مراتى جايه وبتقول فى حاجة؟؟؟ قلت لا يا حبيبتى كنت بقول عايز تفسح حبيبتك فين النهاردة يا حسام!!
والموقف عدى بسلام والحمد لله والفلم دبسنى فى فسحة ولقتنى قلت تانى تحب نبدل يا سى السيد تدينى امينة وتاخد زوجة من الزمان دا . الله يرحمك يا ست امينة خسارتك فى سى السيد والله لوانا جوزك لشيلك فوق راسى وافسحك من غير ما الحسين ما يجيلك فى المنام !!!!بس قلت الكلام دا فى سرى خلينا نربى الواد
الى لقاء مستنى الرد على الاسئلة hossamtw@hotmail.com

[dopdo]

زمن الست امينة خلاص انتهي بقي من العصر الحجري مينفعش الكلام في الموضوع دة في الزمن اللي احنا فية

[hossamtw]

عزيزى انا لم اتكلم عن زمن الست امينة فانت لم تفهمنى بعد
فانا اطرح موضوع ماذا يريد الرجل ؟
ولم امتدح الست امينة بل قلت انها اخطات وانه يجب المشاركة وانا لا احب ان اتزوجها
برجاء اعادة القراءة مرة اخرى

[hossammero]

كلامك جميل وربنا معك