"يوميات اتنين مخطوبين" جامده جداااااااااااا

[nonna_k]

حلو اوى اوى اوى وانا بجد كنت بدور عليه لانى لقيت الجزء التانى ومكنتش لاقيه الاولانى اللى هو ده
هههههههههههههههههههههههه
ميرسي اوى

[kitty88]

ربنا يخليكى يا nonna_k
معلش بقى و عشان اللخبطه انا هانقل الجزء التانى هنا و اكمل باقى الاجزاء هنا برضه عشان محدش يتوه احنا مش ناقصين ههههههههههههههه

[kitty88]

السلام عليكم
النهاردة هاكمل اليوميات اللى بدأتها امبارح رغم ان الردود كانت مش كتير و ياريت بقى تشجعونى المره دى

الحلقه الثانيه :

الخميس المنتظر قد حان وتوتري أصبح لا حدود له وإن كان مصحوبا (بلسعة سعادة)...

فهي ليست سعادة بالمعنى الكامل، ولكني متحمسة للموقف واهو على رأي "نبيلة السيد" "عريس يا اماااي".

ليس من عادتي استخدام الماكياج وفكرت لفترة أن أستخدمه هذه الليلة، ولكني تراجعت, فليرني كما أنا، وإن ماكانش عاجبه يبقى أنا خسارة فيه!! لكني قمت بعمل عدة ماسكات لبشرتي من باب رفع معنوياتي لا أكثر ولا أقل, تحدثت تليفونيا مع "أنتيمتي" وظلت تنصحني بما أفعله عند اللقاء المرتقب, مثل أن أدخل وعيني معلقة بالسجادة وعلى وجهي يرتسم الحياء، وأن أجلس على طرف المقعد ولا "أنجعص" مثل الأولاد مثلما أفعل دائما ، وكنت أضحك على ما تقوله وأعدها بأن أفعل العكس, فهذا العريس عليه أن يعرفني كما أنا بلا تزويق, فأنا عصبية ولا أطيق تحكمات الرجال و.... و....

كنت أتحدث مع صديقتي كل ساعة ووالدتي لم تحاول تأنيبي على كثرة استخدامي للتليفون كعادتها، حيث يبدو أنها كانت تقدر توتري واحتياجي للمكالمات معها.

وجاء وقت الغذاء ولم أستطع الأكل من شدة التوتر. للحق كنت أحاول أن أبدو طبيعية أمام الجميع وكأن الموضوع لا يهمني، ولكن معدتي الخائنة فضحتني عندما أصبت بالحموضة من شدة التوتر وظللت أشرب في "سفن أب" وأشتم نفسي في سري

وجاءت الساعة السابعة والنصف مساء وأصبح يفصلني عن لقاء العريس المرتقب دقائق "ربنا يستر"..

ساره
ــــــــــــــــــــــــــــــــــــــــ

جاء الخميس بسرعة معتدلة نسبيا فقد كنت أترقب رؤية العروس التي أخبرتني والدتي أني رأيتها من قبل، ولكني لم أستطع تذكرها، وكذلك كنت خا........... قلقا من الموضوع.

كنت أتساءل هل سأرتاح إليها فور رؤيتها؟ هل هي جميلة و"رخمة"، أم تكون خفيفة الدم و... "وحشة"؟. هل يمكن أن أعجب بها ولا تعجب بي أو العكس؟ أعصابي مشدودة ولا أستطيع حتى ربط الكرافتة ونحن نستعد للذهاب

دخل أبي الحبيب حجرتي وربط لي الكرافتة، ورأيت الدموع تلمع في عينيه فقلت له "إيه يا أبو عمر ده أنا لسه رايح أتقدم مش رايح أكتب كتاب ولا أدخل"، فرد عليّ بأنه لا يصدق بأن الله قد أكرمه ومد في عمره ليرى ابنه البكري يذهب ليخطب، وأني سأعرف شعوره يوم أن أذهب مع ابني لأخطب له

ضحكت كثيرا, فأبي يتحدث عن ابني وأنا لم أرَ العروس بعد. خفف حديثي مع أبي قليلا من توتري حيث إنه ظل يحدثني عما يجب أن أبحث عنه في العروس، ثم دعا لي فارتاح قلبي وأكملت ارتداء البذلة.

نزلنا من المنزل وقمت أنا بقيادة سيارة أبي، حيث كان لا يقودها ليلا، وشغلت شريط "أم كلثوم" ليطرب أبي وكذلك لهدف آخر خبيث وهو أن ينشغل أبي وأمي بسماع "أغدا ألقاك" حتى لا يتحدثا معي لأني لم أكن في حالة تسمح لي بالحديث.. و"ربنا يستر"..

عمر
ـــــــــــــــــــــــــــــــ


جرس الباب:
ترررررررن
(من داخل المنزل)
"أنا مش عايزة أشوف عرسان.. ودخلت إلى غرفتي...

سارة
ــــــــــــــــــــــــــــــــ

(من خارج المنزل)
"يا رب الأرض تنشق وتبلعني.. أنا إيه اللي خلاني أفكر في الجواز؟..."



عمر
ـــــــــــــــــــــــــــــ

يدخل "عمر" مطأطأ الرأس ويسلم على حمى وحماة المستقبل و.......
دعونا من التفاصيل ولنقفز للحظة الحاسمة مع دخول "سارة"

دخلت الصالون وقد تعلقت عيناي بالسجادة وحاولت استجماع شجاعتي لأبدو طبيعية إلا أني كنت في أسوأ حالات خجلي "الذى لم أعهده من قبل". لمحت لون بذلته البيج وحذائه البني، ثم قادتني أمي فسلمت على والديه ورفعت رأسي لأحييه وأخييييرا رأيته.

أول ما لفت نظري كان عينيه وابتسامته، أو بالأحرى مشروع ابتسامة.. يبدو أنه كان غارقا في الخجل هو الآخر فلم يكن يعرف هل يبتسم أم يبدو جادا، أما عيناه......... فكانتا صافيتين! وكان نظره لا يستقر على شيء حتى أني ظننت أنه ربما يكون أحول، وكادت الفكرة تجعلني أضحك, وفجأة احمر وجهه و... و....... وكان وسيما حتى في خجله هذا, فابتسمت وجلست ولاحظت أنه يتمتم بشيء ما، أو لعله "يبلع ريقه" فقد مد يده بعد ذلك وتناول كأس العصير ليشرب منه.

سارة
ــــــــــــــــــــــــــــ

جلست على كرسي منفرد في الصالون، بينما احتل والداي الكنبة، وجلس والد العروس على الكرسي المجاور لجهة أبي, بينما ذهبت والدتها لغرفة داخلية ثم خرجت تتبعها "سارة"............................
ورأيتها جميلة.....

وكأني رأيت هذا الجمال من قبل وأعرفه, وذهب عني توتري في لحظة وانشرح قلبي لها. لا أقول إنه حب من أول نظرة، ولكن شيئا ما جعلني أشعر أني لن أتركها لأحد غيري. لم أستطع منع نفسي من التمتمة بـ"الحمد لله"، ونظرت إليها فظننت أنها تغالب ضحكة تكاد تخرج منها فعاد إليّ توتري لظني أنها رأت شيئا بي يثير الضحك، إلا أنها ابتسمت وجلست فحمدت الله ثانية وتناولت كوب العصير من أمامي فقد جف "ريقى".



عمر
ـــــــــــــــــــــــــــــــــ
كدا خلص الجزء التانى اتمنى يعجبكو و ياريت مش تقروا و تمشوا الا انا تعبت فيه اوى عشان انزله فى احسن صوره

[blue sea]

تسلم ايدك ياجميل على الموضوع

[kitty88]

المشاركة الأصلية كتبت بواسطة blue sea

تسلم ايدك ياجميل على الموضوع

ربنا يخليكى يا جميل و الله
و استنى الجزء التالت قريب ان شاااااااء الله

[بنت عسوووله]

ههههههههههههههههههههه
لا بجد زي العسل بس بسررررررررررررعه عاوزه اعرف ايه هيحصل بعد كده
خليكي عسوله بقي ونزلي حلقتين في اليوم
وانا يا سكرتي ثبته عشان يبقي اسهل في متابعته لينا وليكي
تسلم ايدك يا سكرتي

[mamiyaمامية]

بجد جااامد جداا يا كيتي ههههههههه لغاية دلوقتي كله تمام وماقدرتش امسك نفسي من الضحك ههههههههه
يا لا يابنتي ماتكونيش بخيلة ونزلنا الحلقة التالتة بقااا بسرررررعة.
عايزين نعرف ايه الي حصل يا قمري.
و يارب تكوني فاكراني بقا احنا اتعرفنا على بعض في النادي بتاع المنتدى.
و تسلم ايديك يا عسل على الحلقات التحفة دي.

[kitty88]

المشاركة الأصلية كتبت بواسطة بنت عسوووله

ههههههههههههههههههههه
لا بجد زي العسل بس بسررررررررررررعه عاوزه اعرف ايه هيحصل بعد كده
خليكي عسوله بقي ونزلي حلقتين في اليوم
وانا يا سكرتي ثبته عشان يبقي اسهل في متابعته لينا وليكي
تسلم ايدك يا سكرتي

شكرا يا قمرتى بجد على التثبيت دا اولا
و بجد مش عارفه اقولك ايه لأنى فرحاااااااانه جدااااااا انه عجبك يا عسوووله يا قمر انت
و ثانيا بقى هاحاول انزل الحلقات كل يوم حلقه انما صعب كل يوم حلقتين لأنى بتعب اوى فى تجهيزه
و ربنا يخليكوا ليا يا احلى منتدى

[kitty88]

المشاركة الأصلية كتبت بواسطة mamiyaمامية

بجد جااامد جداا يا كيتي ههههههههه لغاية دلوقتي كله تمام وماقدرتش امسك نفسي من الضحك ههههههههه
يا لا يابنتي ماتكونيش بخيلة ونزلنا الحلقة التالتة بقااا بسرررررعة.
عايزين نعرف ايه الي حصل يا قمري.
و يارب تكوني فاكراني بقا احنا اتعرفنا على بعض في النادي بتاع المنتدى.
و تسلم ايديك يا عسل على الحلقات التحفة دي.

و انا برضه اقدر انساكى يا ماميه يا قمر انتى لألألألأ هو انا اقدر
و كويس انه ضحكك و عجبك
و اتمنى الحلقات الجايه تعجبك برضه

[kitty88]

ياااااااا اجمد منتدى
انا فعلا فرحانه جدا بالردود و الاهتمام بالموضوع بتاعى
و عشان كدا و خصوصا عشان تثبيت الموضوع انا هانزل النهاردة حلقتين ورا بعض
بس ماتتعودوش على الدلع بقى