|
--الوصول السريع للأقسام--
دردش مع اصحاب كول و اتعرف على احلى بنات و شباب الان!!!!
|
 احدث الفيديو كليب العربى و الاجنبى / احلى اهداف كرة القدم / تحميل المسلسلات / اغانى سعودية |
|
|
|
|||||||
 |
|
|
أدوات الموضوع | طرق عرض الموضوع |
|
#1
09-16-2007, 07:50 PM
|
||||
|
||||
حوار ساخر مع رجل المستحيل(ادهم صبري)
حوار ساخر مع أدهم صبري   طبعا كلنا عارفين أدهم صبري بطل سلسلة روايات (رجل المستحيل ) أكثر الكتب مبيعا بين الشباب رجل المستحيل , ضابط المخابرات المصري إللي عمل ما يزيد عن 150 مغامرة دوّخ فيها اجهزة مخابرات العالم و يطلع كل مرة زي الشعرة من العجين ضابط المخابرات المصري إللي خلى جيمس بوند راحت عليه خلاص رجل المستحيل إللي بيجيد جميع اللغات الحية والميتة و يجيد جميع رياضات الدفاع عن النفس واستخدام جميع أنواع الأسلحة و يجيد قيادة جميع أنواع المركبات.. كلناعارفينه طبعا و بنتابع رواياته بكل فخر و انتماء و عشان قراءنا الأعزاء قوي قررنا نعمل معاه حوار , من موقع الحدث أثناء أحد مغامراته ********* المكان: أحد ابقاع النائية في العالم الموقف: سبعة جيوش من دول مختلفة تطارد أدهم صبري.. النيران و القذائف تحيطه من كل جانب , و القناصة و المدرعات و الطائرات تطارده ومهمتهم الوحيدة هي القضاء عليه لأنه عامل لهم وجع دماغ زيادة عن اللزوم أدهم صبري يحتمي بجدار شبه متهدم و يعيد حشو (الآر بي جي) الخاص به.. في هذه اللحظه جاءت فرصتي لإجراء حوار انفرادي معه أنا: بنرحب بيك يا أستاذ أدهم أدهم: أهلا بيك أنا: قصصك في معرض الكتاب بتحقق مبيعات هايلة بين الشباب.. تفتكر ليه ؟ أدهم: يمكن عشان بيحبوا يعيشوا العالم ده.. لكن أنا نفسي مش عارف ليه بصراحة أنا: لما بتروح معرض الكتاب بتشتري ايه ؟ أدهم: اي حاجة غير القصص بتاعتي أنا: إنت مصري صميم و بتكلمني دلوقتي بالعامية.. أمال ليه بتتكلم باللغة العربية الفصحي في قصصك ؟ أدهم: أنا باتكلم بالعامية طبعا لكن باتكلم بالفصحى عشان شغل قصص بقى.. مانت فاهم أنا: ما هي هواياتك ؟ أدهم: إني اطارد عملاء الموساد و أبوظ عملياتهم.. واعكنن على أجهزة المخابرات المعادية.. و المهم طبعا إني أبسط القراء..عن إذنك و انحنى ليتفادى طلقة مدفع و انهال بوابل من الرصاص لينسف دبابة و يعود لحشو الكلاشينكوف الخاص به أنا: ماذا تفعل في وقت فراغك؟ أدهم: ماظنش إن كان عندي وقت فراغ أساسا.. إنت مش شايف ؟؟ أنا: ماهي أكلتك المفضلة ؟ المنسف ؟ أدهم: لأ.. باحب الفول و الطعمية أنا: طيب.. من هو مطربك المفضل ؟ أدهم: عاجباني جدا أغنية ( ماتقولش إيه و ازاي وليه؟) بتاعة فيلم مافيا, إللي غناها مدحت صالح.. لأنها بنتطبق على كل حاجه بتحصل عندنا.. مش هاتفهم حاجة أنا: يقال انك ماتجوزتش لحد دلوقتي عشان لسه بتجهز نفسك زي الشباب المصري.. ماذا تقول ؟ أدهم: لأ الموضوع مش كده خالص.. كل الموضوع إني لسه باسد الخروم بتاعة الرصاص إللي في جسمي أنا: بيجيلك ايميلات من المعجبات؟ وبترد عليها ازاي؟ أدهم: عندي ايميل فعلا.. و بيجيلي ايميلات كتير من المعجبات.. لكن باحاول أفوّقهم و اقول لهم إني مش شخصية حقيقية و إني شخصية روائية وأقنعهم نهم صعب يلاقوا حد بالشكل ده..كانت منى أشطر أنا: لما تعمل فرحك على (منى) هاتعزم مين؟ أدهم: هاعزم قدري خبير التزييف صاحبي.. لكن المهم أعزم سونيا جراهام إللي بتحبني عشان أغيظها أنا: بتروح فين في الاجازة ؟ أدهم: أنهي أجازة ؟ أنا: من الملاحظ إن إنت دايما لابس بدلة زرقاء مع كرافته حمراء.. ليه ؟ و مافكرتش تلبس كاجوال ؟ أدهم: بالبس كاجوال طبعا.. لكن الرسام مش بيرسمني بيها أنا: بتخرج فين مع شلتك ؟؟ أدهم: ماليش شلة.. هم منى و قدري ماليش صحاب غيرهم.. باروح معاهم مغامرة مثلا.. نطارد حد.. نهرب من مطاردة حد.. هي دي التسلية بتاعتنا أنا: ايه نوع الموبايل بتاعك ؟ أدهم: مش باستخدم موبايل لكن باستخدم أجهزة أكثر تطورا.. لو استخدمت موبايل مش هاعرف أشتغل من كتر ( الميسد كولز ) اللي هاتجيلي.. تخيل كده واحد الموساد تديله (ميسد كول) ؟ ماينفعش طبعا أنا: إيه علاقتك بمؤلفك د. نبيل فاروق ؟ أدهم: أعرفه من بعيد, لكن باقرا إسمه على القصص بتاعتي.. بيحصل بيننا مشاكل كتير طبعا لأنه كل شوية يموّتني و يدوخني.. ممرمطني معاه و الله الراجل ده أنا: جبت كام في الثانوية العامة ؟ أدهم: بيني و بينك ماجبتش مجموع طب ولا هندسة بصراحة أنا: نصيحتك إيه للشباب اللي عايز يبقى ضابط مخابرات جامد زيك ؟ أدهم: أكتر حاجة بتضحكني لما بيجيلي شاب صغير يقوللي: عايز أكون ضابط مخابرات ! دي عملية صعبة جداً.. أهم حاجة انك تركز تكون انسان ناجح أنا: تعرف رأفت الهجان و جمعة الشوان (كزملاء مهنة) و بتقعدوا عالقهوة مع بعض و كده؟ أدهم: دول مش زملاء مهنة دول تلاميذ مهنة.. لأنهم عملاء بس مش ضباط مخابرات محترفين.. عملوا خدمات جليلة للوطن طبعا لكن مش زملاء مهنة.. مش ضباط مخابرات أنا: هل هاتستمر و لا لأ ؟ أدهم: فيه عقبات بتواجهني حاليا لكن مش عارف هاستمر و لا لأ.. أنا ناوي لكن مش عارف الحياة ناوية و لا لأ أنا: هل لديك أقوال أخرى ؟ أدهم: أقر بكل ما جاء في هذا التحقيق أنا: شكرا يا أستاذ أدهم ابتسم ابتسامة واثقة و أجاب: العفو و استدار على عقبيه في مرونة فائقة ليلكم أحد المقاتلين في وجهه.. و اعتدل ليواجه الجيوش وحده في بسالة
لأنه الرجل رجل المستحيل.. رمز:
منقول
__________________
تحية طيبه لاسرتنا القديمة في قسم الشباب والبنات  
|
| 2010 | |
|
|
|
#2
09-16-2007, 10:05 PM
|
||||
|
||||
حلو جدا الحوار دا يا ادهم انا قريته من كذا سنه وهو من الكتابات الى بحب كل فترة اقراها عشان انا مش بحب شخصية ادهم صبرى اوى مع انه معشوق كل الى بيقروا الروايات دى
|
|
#3
09-17-2007, 12:06 AM
|
||||
|
||||
|
[AdMiN.Mr.NiCoLaS]
اقتباس:
زعلتني منك يا احمد فيه حد مابيحبش ادهم صبري غرببه انا نفسي من اشد المعجبين بادهم صبري وباعمال د-نبيل فاروق كافه نورتيني يا ابوحميد وشرف ليا انك تنور موضوع من مواضيعي
__________________
تحية طيبه لاسرتنا القديمة في قسم الشباب والبنات
|
|
#4
09-17-2007, 01:57 AM
|
||||
|
||||
|
يااااااااه فكرتني يا ادهم بالايام دي
انا كان عندي كل اعداده بس بحب ملف المستقبل اكتر وكتبر برضه بحب فلاش هههههههه فاكرها وكل اعداد ميكي ههههههههه بعشق كتابات نبيل فاروق
|
|
#6
09-17-2007, 02:51 AM
|
||||
|
||||
|
مشكووووووووور على المقال
أدهم صبرى<<<<<< قصة رائعة تحياتي
__________________
  
|
|
#7
09-17-2007, 06:46 AM
|
||||
|
||||
|
انا بقه من اشد المعجبين بشخصيه وكتبات ادهم صبرى
تسلم ايدك يا ادهم
|
|
#8
09-17-2007, 08:49 AM
|
||||
|
||||
|
أنا معجب جدا بنبيل فاروق وكتابته وبطله المفضل أدهم صبري
__________________
أدخل ومش هتندم بس إدخل وشوف http://www.shbab1.com/2minutes.htm مع تحيات @واحد من الناس@
|
|
#9
09-17-2007, 05:00 PM
|
||||
|
||||
|
شكراا يا أدهم .. الحوار لزيز أوي
|
|
#10
09-17-2007, 07:27 PM
|
||||
|
||||
|
شاعر مشاعر اقتباس:
شكرا اخي شاعر علي المرور الجميل اتفق معك في رايك دونا اقتباس:
لك الحق وكل الفخر ففي رايي ان رويات ادهم صبري بالتحديد اثرت في اجيال كامله من الشباب وهذا ما لم يحدث من قبل مع اي كاتب ممكن بقي تسلفيني العدد الاخير   dodo_star اقتباس:
ههههههههههههه
بصراحه انا بحب رجل المستحيل اكتر من اي شيء ميكي ممكن بس فلاش عمري ماحبتها بحسها ساذجه اوي يا بخت جني هاتلاقي كل الاعداد جاهزة للقراءة قدامها بدون ماتقعد تحوش زينا
__________________
تحية طيبه لاسرتنا القديمة في قسم الشباب والبنات
|
|
| أدوات الموضوع | |
| طرق عرض الموضوع | |
|
|
Tags:-افلام,اغانى,تحميل اغانى,تحميل افلام,تحميل فيلم,تحميل اغنية,الجديد,مشاهدة,تحميل البوم,طرب,صور,تنزيل فيلم,العاب,لعبة,تحميل لعبة,برنامج,تحميل برنامج,رقص,فيديو كليب,تحميل مجانا,تحميل فيديو,بلوتوث,فضائح,فضيحة,صور 2010
| نكت مضحكة | مواقع افلام | رسائل | بنات | صور | تحميل العاب بنات | مواقع اغانى | كاس العالم | افلام عربية |
| 2010 | الدليل | صور | برامج | مواقع العاب | فيديو | مواقع شات | دليل مواقع | افلام اجنبية |
 |
Powered by vBulletin V3.8.5. Copyright ©2000 - 2010 Jelsoft Enterprises Limited
العرض العادي
