منتديات اصحاب كول 2014  

 --الوصول السريع للأقسام--

الاغـانى والفيديو كليب تحـميل افـلام للبنــات فـقـط تحميل العـاب فضـائح فـنـيـه
تعارف و صداقات مقاطع بلوتوث
حوادث وجرائم وعنف الهكرز والإختراق اخبار الرياضة مـصـارعـة
مقاطع فيديو طب و صـحـه اسـلامـيـات كل ما يخص الموبايل اخبار الفنانين

دردش مع اصحاب كول و اتعرف على اروش صـبـايـا و شباب الان !!

 

 

 هام :- لايمكنكم رؤية المواضيع الا بعد الإشتراك بالمنتدي/ للإشتراك اضغط هنا / من فقد عضويتة

Missing Plug-in  هام : جهازك لا يمكنه تشغيل و مشاهدة الأفلام والفيديو بجودة عالية HD
X

العودة   منتديات اصحاب كول 2014 > =----> ( الاغانى والصور ) <----= > احدث اخبار الفنانين و اخبار الاغانى الالبومات الجديدة

Notices

رد
 
أدوات الموضوع طرق عرض الموضوع
  #1  
قديم 12-16-2007, 08:00 PM
+
خالد عبد الناصر خالد عبد الناصر غير متصل
كول متميز
 
تاريخ التسجيل: Aug 2007
الإقامة: egypt
المشاركات: 225
37 واخيرا وبعد طول انتظار..اجنده عمرو دياب 2007!!!!!!!!

انشر الصفحة على الفيس بوك
السلام عليكم
اولا كل سنه وكل الامه الاسلاميه والاعضاء بخير وسلام بمناسبه قرب عيد الاضحي المبارك
نبدأ خطوة خطوة مع الحكاية اللي اسمها عمرو دياب ف 2007 حكايه اتكلم عليها الصغير قبل الكبير .. سنه سعيدة جميله عليك ياعمرو واكيد بتنعكس علي محبيك .. السنه دي ناشئين جدد دخلو ف صفوف محبيك وبقو بيهتفو اكتر واكتر بوجود واحد عتيد زيك .. ومصممين انك المطرب الشاب المدلل الافضل عندهم .. وبيقولولك انت تغني واحنا معاك .. لان متعتهم ف سماع الاغاني بتيجي من خلال صوتك انت لانك المميز والقادر علي امتاع الجميع ف أي وقت


ااسف ع المقدمه وتعالو نشوف الملك ف 2007 عمل ايه ونبدأ طريق الهضبه خطوة بخطوة واتمنا اني ااقدر اغطي اعمال نجم كبير شفنا منه سنوات طويلة من الابداع والتميز .. الكلام محسوب ومدروس لاننا بصدد الدخول ف عالم نجم كبير مفيش أي كلام يقدر يستوعب نجوميته



نبدأ من شهر واحد والحفلات المقربه والمفضله ل قلب عمرو دياب وهيا حفلات دبي
الجميع ف حاله ترقب سكان القاهرة ومحبي عمرو ف كل مكان ومحبي دوله دبي الجميع بيسأل الحفله هتكون مذاعه .. لان عمرو كان ف حاله خصام وصيام عن الحفلات مباشرة ع الهواء اخر حفله ياعمرو كانت هلا فبراير 2006 وبعد كده تم اختفاءه عن شاشات التليفويون . وف الاخر جه الخبر المحزن ان الحفله غير مذاعه .. بس الحزن مسيطرش كتير ع الناس لان فى ناس ف كل حته بتغطي دياب لو ظهر صدفه ف أي حته هتعرف تصوره . وفعلا الناس الجميله غطت الحدث .



النجم كان متألق كالعادة كان شبه الاسد اللي بقاله فتره غايب عن عرينه وهو مسرحه .. ااسف لو هقاطع التقرير بكلمه للموزع الكبير طارق مدكور قال انا مش ببقا مصدق ان اللي بيكون ع المسرح ده عمرو بيكون غير اللي انا اعرفه بيكون غول ع المسرح .. وفعلا عمرو كان غول متألق ادائه لا يعرف الملل .. اغنيه وماله كانت متميزة ف الحفله دي استمتاعه بيها كان واضح ف طبقات صوته .. مكنش باين علي عمرو تأثره بالغياب عن ملعبه .. وفعلا قدم حفله هزت اركان دبي ل يخرج حفل اخر ف رصيد نجاحات عمرو دياب المتتاليه


وبعدين سكون الالبوم ابتدي يدخل ف مراحله الجادة وابتدي عمرو كعادته يعمل تسريب مقصود لشد الحماس الديابي وانتزاع الاهات بدري بدري قبل صدور الالبوم وكان من خلال .. ضحكت .. خليك معايا .. قالتلي قول .. عمرو كان واضح انه قرر ان الاغاني دي تكون ف كوفر البومه والكل بقا مستعد لالبوم من نوع خاص
وفجأه وبدون مقدمات اعلان وجود عمرو ف قائمه المشاركين ف حفل هلا فبراير . وبعدها تأكيد من عمرو دياب رسميا وجوده ف الحفله .. وفرحه تملي كل قلوب محبين الهضبه .. مش مصدقين ان عمرو هيكون ف حفله مذاعه ع الهواء بعد خصام سنه عن الظهور تليفونيا

ويبدأ العد التنازلي لحفله هلا فبراير 2007 .. يوم الحفله كان شبه استعدادي من الناس .. كانت المطربه ميريام فارس مباشرة والجميع يتمنو الوقت يجري عشان يقف وياخدنا للنجم .. الجميع كان ف تساؤلات ع اللوك ياتري هيغني ايه هيقول جديد ولا لآ .. وكان في رأي عام يخيم على كل الموجودين كله انه ياريت عمرو ما يسمعناش جديد لان عايزين الصدمه تكون مفأجاة ف الالبوم وكأن عمرو سمعنا .. نرجع تاني لحفلنا



تقديم ولا اروع من نجمه قنوات روتانا للنجم الكبير جومانا .. ويبدأ محركات الفرقه ف الاحتراق لضخ الاداء الممتع لصعود الهضبه .. بداية غير متوقعه بهيتس قمرين .. واشيفين ع الدارمز محل المرحوم اشرف فؤاد احمد ربيع
ويبدأ صعود الهضبه كالعاده ثابت وجميل ومعادله الكلاسيك والجينز ف مظهر واحد .. بعد اداء عمرو لقمرين اكتشفنا حاجه هتكون عقبه لعمرو طول حفلته .. هو احمد ربيع الدرامير .. عمرو دياب نها الاغنيه بعد ما بص لاحمد ربيع وقاله خلاص ااقفل ياربيع الاغنيه .. هو مقلوش حرفيا انما بالعين

نيجي لبيت القصيد .. عمرو بقاله قد ايه غايب عن الحفلات مده كبيرة مش كده .. محتاج اكتر من مظهر وصوت عشان يقول للجميع اان هنا ومتألق مش كده ..؟؟!!.. وفعلا اللي اتمناه عمرو جاله علي طبق من دهب .. يمين المسرح خالص بعد تقديم عمرو لاغنيه قمرين الكل قال .. بص شوف عمرو بيعمل ايه .. اثناء الهتافات دي عمرو كان بيقول انه سعيد بوجوده قطع كلمته وخلي الجميع يهتفو نفس الهتاف وحياهم تحيه خاصة .. عمرو سكت متعمد عشان يقول للجميع ع الهواء مباشرة اننا موجود اننا لسه بيتهتفلي والناس مستمتعه

وبعدها فاصل من اغاني عمرو .. ونيجي لاجمل اغنيه من وجهه نظري ف الحفله .. ايام وبنعيشها .. الحضور اول ما سمع اول كلمه فا لاغنيه قال اهات واهات .. وعمرو مكدبش خبر قالها بشكل احترافي وحزين بشع .. ووصله من الاغاني لعمرو .. ونيجي للحدث الاهم والاجمل .. عمرو الانسان .. لما غنا لاحدي ذوي الاحتياجات الخاصه اغنيه سحر كسوفها .. عمرو مبينش ف عنيه أي نظر حزن وهو بيغنيلها بالعكس غنهالها وعنيه كلها فرحه عشان ما تحسش ان عمرو بيغنيلها كعطف منه .. بس عمرو مقدرش يخبي تأثره بعد ما خلص الاغنيه بان عليه قوي تأثره وفعلا كبير ياعمرو
وتنتهي الحفله وتنتهي معاها ليله الكويت وارجع يعمرو علي مصر عشان في مهمه تانيه مستنياك

مهمه اخري ف تاريخ نجوميته حفلات خارجيه ف كل مكان الجاليات عايزاه عايزه تستمتع بفنه وجوله سريعه من الملك وامتاع اخر ف مكان تاني .. والعودة الجميله لمصر


يالا بينا والعد التنازلي نحو حدث العام .. معكسرات شبه حربيه علي حكاية جيله والاجيال اللي بعديه .. الصحافه تطارده ف كل مكان من اجل بابا نويل الكاسيت العربي وقرب نزوله الاسواق .. تصريحت عمرو ولعت الساحه خلت الجميع ف حاله ترقب لاهم البوم ف العام وهو البوم عمرو دياب صاحب الاسم اللي بيعمل خضه للمطربين
بانت الملامح بان الكلام ان الالبوم هيكون ف شهر سبعه .. الراجل متفائل الالبوم بدل ف الصيف يبقا الصيف صيفك ياعم مين قدك

وبدون سابق انذار السمبلز نزلت .. والكل عايز يعرف حاله الالبوم ايه .. الثواني اللي نزلت اصبحت محط احاديث الجميع ايه رأيك ف دي طب الغنوة الفلانيه .. وكل واحد اختار اغاني معنيه يفضل يحلم بتكملتها وفودافون بالسمبلز خلت الجميع يقول يحيا 010 لانها عطتنا جرعات هدوء لحين صدور الالبوم

بعدها فاصل من المسرحيه الهزليه اللي بنشوفها كل عام مع روتانا وهيا ورود اخبار عن تسريب الالبوم بالكامل وطرحه قريبا علي شبكه الانترنت .. وبعدها ب حوالي يومين او تلاته سمعنا قالتلي قول عند نهايه الكوبليه الاول .. واتاكدلى فعلا ان في حاجه غلط زي كل سنه وكان جوايا يقين ان كلها كام يوم والالبوم هيكون ع النت .. فين روتانا ..؟؟!! نايمه ومحدش هيصحيها خلينا احنا ف حاله القلق( N)

نيجي من الحوادث الطريفه السنه دي .. واحد جه بالليل وقال انه شاف بوستر الالبوم بعينه متعلق علي كوبري مدينه نصر تقريبا وعمرو مش لابس في حاجه .. ساعتها قلت وبعدين بقا احنا مش ناقصين اختراعات الفكره ف حد ذاتها جريئه ومحدش يتوقعها ولا يصدقها .. اعتقد ساعتها الموضوع اتقفل .. بعدها ب كام ساعه برده نفس الكلام .. وكل الناس اتمنت تكون من سكان مدينه نصر عشان تتاكد



لحد ما جت لحظه الحسم واحد صور البوستر ونزله وكان في اريال لذيذ كده اصبح اهميته من اهميه البوستر لان كله فكر ف حلول جذريه ازاي يتشال عشان نشوف الصورة بشكل واضح عن كده .. وجميع الناس جالهم ذهول تام من اول مفأجات عمرو ف البومه البوستر اللي كان واضح انه هيكون محل جدال كبير ف فترة لا تحتمل الجدال ..!! ولكن ده عمرو دياب محدش عارف دماغه بيدور فيها ايه عايز يخلي الصيف صيف علي حق بدون شك .. عايز يقول لجيل الشباب انا جنبكم واستفزاز مقصود من عمرو انا لسه شباب ومحدش هيعرف يقلدني او يفكر ف فكرة جريئه زي دي


الكلام كتر ان الالبوم اتسرب وفعلا .. الالبوم بقا بين ايدين كل الناس والكل بيستمع ليه واللي زاد ان محلات الكاسيت عملت سي ديهات وكاسيت عشان الكل يسمع بمزاج بقا .. هتافات محبين عمرو زادت وقالت حرام شغل سنه ونصف يروح كده يوم ورا التاني والالبوم بيتحفظ ومش حيكون في أي نيه لشراء الالبوم لو اتاخر عن كده .. واخير بعد تعصب دياب علي شركته تم تقديم ميعاد النزول وفعلا الالبوم اصبح ف الاسواق بعد حدوث الهزله بحوالي اربع ايام لاسبوع .. وواجب من كل محب لعرو دياب بشراء البومه .. والمبيعات ف طريق الزيادة محدش ما يقدرش يعرف ان البوم عمرو فا لاسواق وما يجبهوش .. عمرو دياب حالة خاصة واحدة بس موجوده ومفيش زيها تاني

ناس شكرت ف الالبوم ناس قالت عليه مش ده اللي مستنيينه كتر الكلام ما بين مؤيد ومعارض خدنا وقتنا وبعدها حكمنا حوكمنا .. من الواضح ان عمرو مكنش عايز اي حزن يخيم علي الالبوم زي كأنها حفله زفاف ومش عايز غير الرومانسية والاغاني الهيتس هيا اللي تكون شغاله .. بالاضافه لكده ان الالبوم نازل ف صيف والصيف كله انطلاق محدش فاضي يحزن الكل عايز يفرح


عرسان الالبوم ونجوم دخلو التاريخ ف الالبوم ده




ساحر الكلمه المعديه والمسموعه والمحبوبه .. ايمن بهجت قمر رقم واحد حاليا مفيش كلام اسمه ع الاغنيه تريد مارك تخليك تعدي أي اغنيه عشان توصل لاغنيته .. صنع ف الالبوم تالت ابداعات من نوع خاص علي رأسهم . الليلادي .. بالاضافه الي نقول ايه .. وخليك معايا
صراحتا بقدمله التحيه علي خليك معايا بشكل خاص .. تلات مرات كتابه علي لحن واحد ..!! . مش هقولك غير انك مبدع


الجديد والرايق واللي عنده كتير .. محمد يحيي .. خليك معايا هتكلم عليها بشكل منفرد لانها فعلا لحن للتاريخ لحن اتعمل عشان يتحب عليه .. فعلا رومانسيه واحساس بكلمه وصل الاغنيه لحته بعيدة محطوطه ف مكانه خاصه عند الجميع .. ومتوقع من يحيي كتير ف البومات عمرو القادمه ان شاء الله


المظلوم فهد .. الراجل حظه كان عاثر بجد اتحكم عليه بتلات اغاني مقسوم زي كأن واحد واقف ف ركن واتحكم عليه ما يطلعش منه ده اللي حصل مع فهد .. وبرغم كده قدم اجمل مقسوم من وجهه نظري قدمه عمرو دياب هيا غنوة ضحكت .. كانت من نوع خاص الكوبليه التاني كان كارثه لكل المقاييس .. الواحد منين ما يسمع الاغنيه دي بيستنا الكوبليه التاني بفارغ الصبر من جماله واداء عمرو واللي فهد خلاه شبه فوكاليز عشان يمتعنا بعمرو اكتر واكتر




بهاء الدين محمد .. بستنا منه دايما حاجه جديده حاجه جميله حاجه متميزة لانه شاعر من طراز فريد جداا اسلوب معروف وشكل قلمه متميز دائما بس اول ما يكونش نجم تأليف البوم عمرو الاول


صاحب الجدل الواسع والغريب .. عمرو مصطفي مفيش كلام الليلادي ونقول ايه جديد ف جديد .. بس كلامك ونبره غرورك بتزعلنا وبتقلل اعمالك عندنا .. كلمه لعمرو مصطفي عمرو دياب ممكن ينجح بأي حد انما عمرو مصطفي مش هينجح بنطاق اوسع واكبر وسمعي ف كل الدنيا غير بعمرو دياب

خالد تاج الدين .. تذكير بسيط لخالد تاج الدين .. وماله قدام عيونك قصاد عيني قلت ايه ليلي نهاري .. ده خالد ودي اعماله .. ودي وفهمت عنيك مش هعقب ياتري الاعمال دي زي وفهمت عنيك . عشان نفسي افهمها


عريس الليله الكبير الشاب صاحب ال 25 عام الدراس توزيع الهاوس ف امريكا ... حسن الشافعي
قدم نوع خاص وشكل جديد وعمرو خلاه شكل زي منهج هيكون معاه كل سنه عمرو تألق ف الريتم ده جداا واكب سرعه الاغنيه بشكل احترافي فذ .. الشافعي خلاص بقا ركيزة اساسيه ف كل البوم


ده الالبوم ودي ايامه وده نجاحه ودي ابرز نجومه .. واجازة راحه لعمرو دياب بعد عناء قارب ع السنتين والذهاب الي امريكا وضرب عصفورين حجر واحد غرض الاجازة وغرض تصوير كليب الالبوم نقول ايه .. وتأكيد صريح من عمرو ان الالبوم يحمل طابع الفرحه





ويرجع عمرو ومعاه الكليب ونفس سيناريو بوستر الالبوم يحصل تاني بس ف الكليب .. واحد صاحبى قالى انه شاف الكليب ف التليفزيون المصري ..وان عمرو كان لابس ايس كاب علي نص كم .. قلت هيا ناقصه حيرة ياجدعان احنا فينا اللي مكفينا .. وكام واحد أأكدلى انه شاف الكليب .. .... لحد ما خير الله اجعله خير لقينا كليب تصوير موبايل نازل ساعتها قلت اوووووووووووووبا يعني اللي قلته مكنش خيال ... وبعدها بكام يوم روتانا تذيعه . بس الفرحه الاكبر لعاشق عمرو كانت من خلال البيت بيتك وتقديم احمد شوبير للكليب ولعمرو بشكل جميل ومكالمه هاتفيه لنجم العام


نيجي للكليب .. الكليب جه صيفي ساخن للغايه في كل حاجه ..اتقدم بشكل احترافي رضا نسبيا كل جماهير الهضبه .. وعمرو كان منطلق كعادته وممتع ف ادائه بس معاه المره دي موديل من نوع خاص تحس انه مصريه ميه ف الميه بس بأداء اوروبي .. هيا وعمرو قدمو كليب راقص جميل عشان يمتعو بيه الناس
ويضيفوه لقايمه فرحه دياب 2007




الالبوم الظاهر كل مدي بيزيد انتشاره مفيش البوم قدر يتنفس جنب البوم
الليلادي والظاهر ان السيط وصل لجمال مبارك لانه قام بدعوة عمرو دياب لاحياء حفل زفافه ف شرم الشيخ مين قدك ياعمرو صيطك عدي الحدود .. وف استضافه جمل مبارك ف القاهره اليوم اشاد بنجوميه عمرو وانه نجم مشرفنا ف كل حته


ندخل ف الحدث الاهم بالنسبه لمحبين عمرو ندخل ف الحدث التاريخي للمدن الساحليه .. ندخل ف الزحف من كل المحافظات .. ندخل علي حفله ال 20 سنه فاتت .. و10 سنين جايه .. حفله العمر لدياب ولينا .. حفله الصيف الرهيبه المؤرخه باسم دياب العنيف . حفله مارينا 2007
النجم نجم ده شعار الحفله .. احتشاد ما يقارب ال 30000 من كل مكان لرؤيه نجم الشباك ف البوم الليلادي وانتقاء عمرو لمدينه مارينا وتحديدا ف شاطىء لابلاج كمكان لاحتفاليته الخاصة بالالبوم
الناس اللي راحت وكان ليا الشرف اني اكون واحد منهم اليوم ده عندهم ما يتنسيش محفور ف ذاكرتهم كيوم جميل مش هيتكرر .. كلنا كنا ف حالة تساؤلات بس كان عندي احساس ان عمرو مش هيخلي دقيقة واحدة تعدي كده ف الحفله كنا الساعه اربعه هناك ف مكان الاحتفاليه وكلنا بنتفرج علي استعدات الناس لاستقبال نجم مفيش مسرح يقدر يستوعب محبيه


ابتدت الساعه بتمر ببطء غريب لحد ما حانت اللحظه فتح ابواب الدخول لاستقبال عشاق الهضبه .. ومناوشات ومداعبات من الجمهوروهتافهم لمحمد يحيي وحسام حبيب وتوما ولفرقه عمرو دياب فرد فرد بالاضافه للادمن الجميل وليد مصطفي .. حانت لحظه الصفر الفرقه كلها ف مكانها واول لحظه اشعال الالاف من البيركشن احمد الناصر والدرامير احمد ربيع ..وزئير الاسد ف الخارج بيشعل حماس الجميع .. وجت لحظه خروج الهضبه من دائرة الكواليس لمكانه المفضل مسرحه .. وتحيه شبه جنونيه وفرحة لا توصف بالنجم المدلل عمرو دياب .. وفرحه عمرو هتنط من وشه مش مصدق الحشود اللي قدامه .... عمرو بيعمل حركات عفويه وتنطيط وتصقيف فرحان بمحبيه قوي وتحيتهم ليه .. وهو طول الحفله مقصرش مفيش حاجه قلنا عليها ما اتغنتش داعبنا كتير وشاورلنا اكتر .. كان يوم عمرو دياب مفيش كلام غنا كل اغاني البومه ما عدا وفهمت عنيك


وتنتهي حفله العمر وينتهي صوتي معاها وقعدت عشر ايام كاملين مش بكلم بسبب التفاعل الشديد واللي عمرو بيخليك تتفاعل غصب عنك معاه


بعدها راحه نسبية وبعدها حدث مكانش لا عالبال ولا عالخاطر..... وهو احياء عمرو لحفله العيد الماسي للقوات الجويه .. ومهمة تقيله لعمرو الحفله قدام الريس .. الحفله مذاعه ع القنوات المحليه والفضائيه يعني مسئوليه مالهاش مخرج غير ان عمرو دياب يأدي كعادته ادائه السلس والممتع .. وفعلا عمرو غنا ف حدود جو الحفله علي استحياء حقه وعذرينه الموضوع مش سهل ولا شوية .. ومصافحه عمرو للريس اخر الحفله وحرمه كان ليه تأثير جميل عندى ان عمرو اصبح انجم ف كل وسط وف كل حته


ومع اجواء كل عام ونغمه كل عام الميوزيك اورد الكل اشاد ان الليلادي كان نجم مبيعات السنه دي .. يعني بكل الحسابات الموجوده والصح ان عمرو يستحق الجايزه كأكتر مبيعات ف الشرق الاوسط .. سمعنا ان الجايزة هتروح لفلان او علان لحد م الجايزة راحت ف مكانها الصحيح اللي المفروض تروحله كل سنه عمرو دياب .. وفعلا اعلان عمرو رسميا كفائز بجايزة الميوزيك اورد


عمرو كان شرف وسفير الاغنيه العربيه محدش يقدر يخرج مزيكا او اداء بالشكل ده الواحد بيتفرج ويقول مين يقدر يكون زي الراجل ده .. عدي ال 45 سنه ولسه ما زهقش من النجاح لسه بيتعب قوي وموسوس قوي عشان يخرج الشغل بأنسب شكل وشك يرضيه شخصيا ولمحبيه عامتا .. ناتالي كانت نقطه تحول ف الشوو الخاص بالاغنيه بتردد علي ما قدر تقدر كلام الاغنيه ما خلاص مين يقدر يقاوم الدبابه دي .. البدله السودا كانت جامدة اخر حاجه ف الكاجوال محدش قادر عليه وف الكلاسيك معلم كبير
رزان كانت قمرايه .. وقدمت عمرو كمطرب عالمي وكلمات عمرو بعد الشوو جت ف ثقه كبيره بهرت الجميع
نقفل اجندة السنه ونلم ورقنا واريح الكيبورد واريح عنيكم وندخل ف اخر تصور شخصي لاخر العام




كلمه اخيرة بقولها واحنا ف ختام اجنده عمرو ف 2007

علمت مطربين اليوم ان عمرو دياب مش مجرد مطرب فات عليه جيلين وهو زعيمهم .. عمرو دياب ده حكايته حكايه .. ما تعرفش ضربته هتكون امتا وازاي .. ما تعرفش رده علي اشاعات السنه هتكون بعمل بقوة رختر مقدارها قد ايه .. مش هتعرف ان مهما كان ف كيانات فكرت نفسها عدت وبقت رقم واحد هتكون بعد البوم او كليب هيرجعو تاني للمكان الصحيح زيهم زي غيرهم .. الاعتراف بالحق شيء مش عيب .. الحق بيقول الغنا = عمرو دياب الجديد صنع مع عمرو دياب رقم واحد فقط بين ايدين عمرو دياب

كل سنه وانتم طيبين مره تانيه وااسف من هنا للعيد ع الاطاله ..شكرا جزيلا



لمشتركي الفيس بوك فقط : شاهد اقوي مواضيع منتدي اصحاب كول الساخنة بالأسفل - للاشتراك بصفحتنا على الفيس بوك ليصلك كل مميز اضغط لايك ( Like ) >>>>>

رد باقتباس
  #2  
قديم 12-16-2007, 10:52 PM
+
tarek_manzony tarek_manzony غير متصل
كول جدا
 
تاريخ التسجيل: May 2007
الإقامة: Inside Me
المشاركات: 1,627
افتراضي ميرسي خالد

ميرسى خالد وبجد توبك هايل اوى وتحليل ل 2007 بتاع عمرو جميل جدا

وانا هعمل نفسى مش شايف اللى انت كتبته عن عمرو مصطفى


رد باقتباس
  #3  
قديم 12-17-2007, 10:52 AM
+
srbsica2050 srbsica2050 غير متصل
كول جدا
 
تاريخ التسجيل: Jan 2007
الإقامة: IN MY DREAMS
المشاركات: 1,807
افتراضي

تمام يخالد على التوبيك بجد هايل


رد باقتباس
  #4  
قديم 12-17-2007, 03:23 PM
+
vodo_2675506 vodo_2675506 غير متصل
كول ماسى
 
تاريخ التسجيل: Nov 2006
المشاركات: 769
9

بصراحه اترددت قبل ما اكتبلك الرد دا يا خالد بس فالاخر استقريت انى اكتبهولك لان بصراحه اللى بتعمله مستفذ اوى .
انت يا خالد مفيش موضوع بتكتبه من دماغك كل مواضيعك كوبى من سايت adw .
وطبعا بسكت ومش بحرجك بس بصراحه المره دى قلت اقولك تبطل بقى شويه لان الراجل اللى عامل التوبيك دا طلع عينيه علشان يعمله وانت تيجى تاخد كوبى من التوبيك بالحرف. يبقى غلط كدا يا جميل .

انت ممكن تجيب التوبيك هنا للى مش بيدخلو السايت هناك بس تكتب فوق انه منقول مش تكتبه كانك انت اللى عامله .

ومتزعلش من كلامى يا جميل


رد باقتباس
  #5  
قديم 12-18-2007, 08:11 AM
+
ريم سوريا ريم سوريا غير متصل
اعضاء اصحاب كول المتميزين جدا


 
تاريخ التسجيل: Aug 2007
المشاركات: 30,576
افتراضي

ميـــــــرسي كتير خالد على المجهود الرائع


رد باقتباس
  #6  
قديم 12-18-2007, 02:27 PM
+
lylyhany lylyhany غير متصل
كول جدا
 
تاريخ التسجيل: Apr 2007
الإقامة: ام الدنـــــــــــــــــــيـــــــــــــــا
المشاركات: 1,734
افتراضي

أكيد يا أحمد زي ما قولت في الاخر هوه بيوريه للي موش شافووو في سايت عمرو (زي حالاتي يعني )
وميرسيه ليك يا خالد كتير وفيما يتعلق بالملحن محمد يحيي بجد انا متوووقعه انو يكون أجمد ملحن في العالم العربي وانا عن نفسي بموووت في ألحانوو


رد باقتباس
  #7  
قديم 12-18-2007, 06:29 PM
+
tarek_manzony tarek_manzony غير متصل
كول جدا
 
تاريخ التسجيل: May 2007
الإقامة: Inside Me
المشاركات: 1,627
افتراضي حرام عليكى ليلى

لا يا ليلى بجد زعلتينى منك مفيش ملحن هيبقى رقم 1 طول ما عمرو مصطفى موجود

وافتكر ان عمرو مصطفى لو قعد ميلحنش تانى يكفيه اللى عمله

وده مش يقلل من محمد يحيى بالعكس هو جامد جدااااا وانا بحب كل الحانه

بس عمرو 1 وهيفضل طول عمره 1


رد باقتباس
  #8  
قديم 12-18-2007, 08:48 PM
+
srbsica2050 srbsica2050 غير متصل
كول جدا
 
تاريخ التسجيل: Jan 2007
الإقامة: IN MY DREAMS
المشاركات: 1,807
افتراضي

لا يطارق مش معنى ان عمرومصطفى كويس واغانية ناجحة معنى كدة يبقا لازم يكون افضل واحد وميكونش فى غيرة كويس برضة محمد يحيى جامد جدا ودة مش تقليل من عمرو بس كل واحد ولازم ياخد فرصتة
ياريت تكون فهمت وجهة نظرى
وبالنسبة لموضوع الكوبى يااحمد لى لى ممكن يكون عندها حق فى ان فى ناس غيرنا مش بتدخل على سايت عمرو دياب بس كلامك صح فى نقطة انة لازم يكتب علية منقول لان دة مجهود واحد تانى


رد باقتباس
  #9  
قديم 12-18-2007, 10:21 PM
+
lylyhany lylyhany غير متصل
كول جدا
 
تاريخ التسجيل: Apr 2007
الإقامة: ام الدنـــــــــــــــــــيـــــــــــــــا
المشاركات: 1,734
افتراضي

اقتباس:
المشاركة الأصلية كتبت بواسطة tarek_manzony مشاهدة المشاركات
لا يا ليلى بجد زعلتينى منك مفيش ملحن هيبقى رقم 1 طول ما عمرو مصطفى موجود

وافتكر ان عمرو مصطفى لو قعد ميلحنش تانى يكفيه اللى عمله

وده مش يقلل من محمد يحيى بالعكس هو جامد جدااااا وانا بحب كل الحانه

بس عمرو 1 وهيفضل طول عمره 1
زي ما مصطفي قال والله يا طارق موش قصدي يعني عمرو اوحش من محمد يحيي والله بس انا بحب برضو ألحان محمد يحيي وبتنبألوو بجد بمستقبل جامد اوي كفايه اغنيه خليك معايا وده رأيي بصراحه بس طبعا يعني طبعا عمرو مصطفي ألحانو مكسره الدنياااا وموش بيقلل من حجمو وقيمتو انت فهمتني غلط بس انا بصراحه من فانس محمد يحيي
وموش تزعل يا سكر الا انت والله


رد باقتباس
  #10  
قديم 12-19-2007, 11:43 AM
+
خالد عبد الناصر خالد عبد الناصر غير متصل
كول متميز
 
تاريخ التسجيل: Aug 2007
الإقامة: egypt
المشاركات: 225
افتراضي

احنا نروح القسم واللى ليه حق هياخده هناك


رد باقتباس
رد

أدوات الموضوع
طرق عرض الموضوع



الساعة الآن: 11:20 PM.

2014 - برج الحوت اصحاب كول رسائل
رسائل عتاب برج السرطان برج الحمل

Powered by vBulletin V3.8.7. Copyright ©2000 - 2014 Jelsoft Enterprises Limited