قولي عل قشره الشعر يا رحمان يا رحيم

[بنت عسوووله]

يالهووووووووووووووووي
قشر الشعر مبهدلك؟؟؟؟؟؟؟؟؟؟
جربتي الشمبوهات ومفيش فايده؟؟
الحل عندي
اولا ريحي دماغك ووفر فلوسك لان من الاخر قشر الشعر لا هيطلع لا بهيد اند شولدرز ولا بنيزورال ولا حتي بالطبل البلدي والاخر شعرك هينشف ويبقي زي المقشه
هقولكم وصفه بجد هايله بس اتحايلوا عليا شويه غتاته
هقولكم بس ابقوا افتكروني بدعوه شفتوا انا عسوووووله ازاي
شامبو ..كريم للقشرة
المكونات:
1- معلقه جلسرين
2-12 معلقه صابون مبشور
3- 16معلقه ميه
4-4معالق بابونج (هتلاقه عند العطار ورخيص)
5- 2معلقه زيت ليمون
الطريقه:
1-هنحط الجلسرين علي الصابون مع شويه ميه ونقلب كويس اوي لغايه ميدوب
2- اغلي شويه ميه وحطيها علي البابونج في حله تانيه وسيبيه ساعه لغايه ما ينقع ويبقي عندك منقوع مركز
3-صفي المنقوع وضيفه عل الصابون والجلسرين واخلطهم كويس وقلبي لغايه ميبقي عندك كريم ناعم
4-وضيفي شويه من زيت الليمون ملحوظه كل ما تضيفي زيت ليمون يزداد تماسك الكريم ولو جمد او ضيفي ميه مغليه كل ما تضفي ميه تزيد ليونه الكريم
الاستخدام:
زي اي كريم دلكيه في فروه الرأس وسيبه لمده ربع ساعه وبعد كده اشطفي الشعر
*لنتايج ميه ميه ومن اول مره حطي نقطتتين خل تفاح لميه شطف الشعر
ملحووووووووووظه:
بيحفظ في التلاجه بس اوعي حد ياكله لحسن شكله شبه الكريمه اقولك ريحي دماغك واحفظي نمره الاسعاف
مع تمنياتي لكم بتلبك معوي اقصد شعر جميل وناعم منغير قشره
ويارب موضوعي يعجبكوااااااا وربنا يخليكوا وينجحلكوا المقاصد ال يجرب يدعيلي ويقولي رأيه بليز متنسونيش في الردود
بنت عسوووووووووله

[كسندرا]

ميرسى اووووووووووووووووووووووى

[بنت ابو متعب]

مشكور ع الموضوع
ويسلمووووووووووووووو...........
ممكن سؤال................؟؟؟؟؟
الخلطة مجربه....
ممكن الرد بسرعه
مممممكن......؟

[بنت عسوووله]

بنت ابو متعب والله العظيم يا قمر متجربه وعلي ضمانتي واتطمني لو بقيتي قرعه هفلسع وهقول معرفكيش هههههههه
حبيبتي والله متجربه ومش بتنشف الشعر كمان علي عكس اي شامبو
ميرسي ليكي كتي يا جميل
بنت عسووووووووووووووله

[samr beaty]

السلااااااااااام عليكم
مشكورة يعسوووووووولة اوى اوى

[بنت عسوووله]

ميرسي ليكي بجد يا قمر ربنا يخليكي يا رافعه معنوياتي انت ال زي السكر ويا رب تكوني استفدتي يا جميل
بنت عسووووووووووووله

[not]

هاااي انا اية ممكن اعرف اسمك و ايميلك عشان انا عايزة اكلمك على الياهو
سندريلاااااااااااا.....

[دونـــــا]

ميرسى حبيبتى على الموضوع.
انا ما عندى قشرة.........
بس اخنى الصغيرة عندها.
تكرم عيونك يا قمر.

[بنت عسوووله]

مرسي ليكي ا احلي دونا وانا كمان مش عندي قشره اتمني اكون افادتك انتي واختك يا قمر ربنا يخليكي ليا يا جميل
بنت عسووووووووووووووله

[بنت عسوووله]

هاي سندريلا ميرسي ليكي يا قمر واهلا بيكي منوره المنتدي بجد يا جميل ومفيش اي مشاكل هبعتلك ايميلي واسمي علي الياهو في رساله خاصه ليكي مدام بنوته وفعلا سعيده بمعرفتك يا جميل
بنت عسووووووووووووووله