الرد على الجدع بتاع الهوهوة ...

[أبــو الليل]

سلامو عليكو يا أصحاب كول


الرد ده انا كنت كاتبه من حوالي 6 شهور لواحد من الناس بدون ذكر اسمه كان معترض
على كتابات بعض الناس التعبانه اللي زي حالاتي .. ليه يا سيدي ؟؟ علشان انا جاهل
ومجرد واحد بيكتب اي كلام ( مع انه معارض زيي .. ابو زومل يعني ) .. بس كنت مختلف
معاه في ان الباشا علماني وفرحان انه علماني .. وبيستخدم الفاظ في مقالاته من نوع
الانفشاخ البلترولي وان الشعب المصري يتميز بأنه زي ( القطيع ) قطيعه تقطعك يا
منيل ..

الغريب بأه اني من كام يوم كنت في احد المنتديات اللي كل فترة كده بمر عليها وكتبت
كلمتين كده كتعليق على موضوع من واد راجل ودمه حر كتب يزم في حكومة
( مخارب) قصدي مبارك

وطبعا بما ان الناس اللي زي حلاتي ما تصدق تلاقي كلام من ده وتخش علطول ... كتبت
رد

لغاية هنا عادي .. اللي مش عادي اني الاقي واحد عمل موضوع وكتب ان ازاي ادارة
المنتدى تسمح للجبناء الحاقدين الملوثين امثالي بالكتابه .. مع ان بسلامته (وهب
حياته ) لرفعة شأن ذلك المنتدى .. وانه مضطر للتوقف عن كتاباته ( كانوا كاتبين تحت
اسمه من كبار الكتاب ) مالم يتم طرد الفكر القذر ( حضرتنا يعني ) وكتب شوية كلام
حنجوري برضو ..

من الاخر كده كان كل اعتراضه لاني وصفت حكومة مبارك بانها ( مومس ) .. وانه لفظ
بذئ يدل على تربيتي المنحطه وكلام كده ( واللهي ساعتها قلت في نفسي : عمار يا
اصحاب كول )


طولت انا معلش استحملوني .. وعنها يا سيدي .. طبعا اخوكم ابو الليل بيفرح في
المصايب .. رحت رادد عليه بنفس القصيده اللي كنت كاتبها لصاحبنا الماركسي الملحد

سبحان الله .. مع ان ده معارض وده طبال للحزب الوطني .. الا ان الاتنين اتفقوا على
حاجه واحده

اتفقوا على انهم يمارسوا الارهاب الفكري ويبصوا للناس التانيه على انهم قطيع وجهله ..
الخ

يعني هو الواحد لما يكون يعرف يكتب بالفصحى وحافظ شوية مصطلحات دخلت التلاجه
من زمان يبقى هو حلو والباقي ريحتهم وحشه ؟؟


واللهي العظيم قلة الادب بجد هي كلامهم الكبير في استخدام الفصحى وصغير اوي
في مضمونه واللي بيخدم افكار مشبوهه وبنت ستين في سبعين .... في فرق بين
اباحة اللسان واباحة التفكير .. ومش معنى انك بتكتب كلمتين انك احسن من
الاخرين .... ولا ايه !

اه نسيت .. الرد عليهم اهو بعد الزنجفة والتقييف وتعديل بعض الكلام الابيح

يا صاحب القاموس الفصيح..
أنت علبة من صفيح..
جوفاء كروحك .. يسكنها فحيح..
الارهاب الفكري عاد بوجه قبيح..
يتجرع الوهم و يعبد خواءه الفسيح

كل من يكشف زيفك هو من الأغنام
تخترع المجد من هراء الأوهام
و تشرب من حليب الهلام
تلعن الخلق .. ثم تنام
تتقيأ إلحاداً تتقيأ تغريبا و زكام !

تنضح بما فيك من هذيان أيها النحنوح
تنرجس العبث و تصدق هراءك المفضوح
مجد قومك رغم أنفك في الأفق يلوح
ليس بأمرك أو جهلك أيها المنفوخ
فأنت لا شيء و اسأل روث الأغنام لعله عنك يبوح !

اكتب يا كبير الكتاب ..
واصل الكتابه ...
فأنت ... تضحكنا ..

تسلينا بغبائك الرصين
رنم ترانيمك الأفعوانية ..
فنحن لا يزعجنا الطنين..

ربنا ما يحكم على حد فينا انه يكون (كبير الكتاب )

[AdMiN.Mr.NiCoLaS]

ههههههههههههههههههههههههههههههههههههه
جامدة جامدة جامدة
شوفت بقة اصحاب كول احسن من غيرة
قسم بحالة عشان تكتبوا فى الى عايزة

القصيدة دى حلوة اوى بتوضح البرجوازية فى العفوية الانحدارية من الانشكاح البلورى فى الهزيان المعمارى للتصدع الداخلى للأمان يا لالالى ههههههههههههههههههههههههه

مش كان بيقول كدا برضة هههههههههههههههههههه

بس تصدق اصلا الكلمة الى قولتها وحشة بس عادى بقة عديها

[Mr.DeStRoYeR]

هههههههههههههههههه
ايه يا عم ابو الليل الكلام الشديد
دنتا شاعر محنك مخضرم منحدر من سلاله جبال ايفرست
لا قصيده مغبره فعلا فيها كميه تهزيء توقع الحيط
شكرا يا غالي

[وعد الحر]

من اولها كدا الله ينور عليك لكن انا بجد كنت بعيد عن الموضوع من اوله فياريت تعيده من تانى عشان نقدر نفكر بصوت عالى مع بعض
على فكرة انا من المعارضين زيك وكان مرة بعتولى كرنية حزب وطنى عشان الانتخابات صدقنى قطعته .
بس فيه حاجة انا متفق معاهم فيها وهى ان بعض المصريين بفكرهم العقيم لغاية النهاردة على رأى المثل صفارة تجمعهم وعصاية تفرقهم يعنى قطعان متنكرة فى هيئة بشر
طبعا التشبية هنا واحد
لكن المعنى مختلف
هما واقصد العلمانيين او الملحدين ودى المسمى الصحيح .. بيدخلوا الدين والعقيدة فى كل شىء ومعندهمش تفريق ما بين الدين ولا السياسة ولا اى مجال اخر من مجالات الحياة رغم ان الدين مش مجال نتكلم فيه
الدين عقيدة وهما حرفوها يبقى فاضل ايه تانى يتهموا بيه البشر اللى ماشيين على العقيدة القديمة اقصد اللى فى نظرهم باتت قديمة
وبعد كدا مش عارف اقول حاجة تانية الا انك متميز فى سردك للأحداث يا عمو وليد
صدقنى سعيد بوجودى معاك وامثالك من الاخوة
وتسلم ايدك على الخاطرة الجميلة دى بجد
لكن عندى سر صغير
وهو انى بكتب شعر عاطفى ومقتصر على كدا لان مفيش حاجة تشجع على الكتابة فى الزمن ده الا العاطفة من وجهة نظرى يمكن لانى بعيد عن جو المشاحنات السياسية فى مصر وغايب عنها من فترة يمكن
لكن ان شاء الله بحاول بعد ما ارجع ان يكون لى رأى ول احتفظ بيه لنفسى واحاول نشره بين اللى يخصونى فى المجتمع اللى انا عايش بيه
من رأيى الشخصى لازم نفهم قبل ما نتكلم لكن كتير من المصريين بيتكلموا لهدف واحد وهو انك لازم تتكلم عشان الناس تعرف انك موجود
طولت عليك وتوهتك معايا اصل انا لغاية دلوقتى مصرى من اياهم
اشكرك ولك تحياتى .

[askandrany]

ده هجاء ولا بيتهيقلى
مش مشكله بس يا ليل اتضحلى انك قلبك اسود اوى
بس مين الشخصيه ديه
بلاش اسئله محرجه هوه لسه موجود ولا مشى خلاص وانت ليه لسه عندك مش المفروض تكون فى مصر

[washwashnee]

آسفه بس في كلام مش فهمته00
لكن دا مايمنعش حلو الهجاء دى00
طبعتك ياابو الليل00
هوه اسمو زجل ولا شعر؟؟

[أبــو الليل]

نيكولاس : تسلم يا غالي وشرفت الموضوع بمرورك .. اما عن الكلمه الابيحة فهي في مكانها يا غالي وبعدين هي مش ابيحة اوي يعني اما موضوع البرجوازية الانشكاحيه فانا زيك لما بسمع الكلام ده بضحك واللهي بس هنعمل ايه مهو زمن عجيب وطبعا اصحاب كول احسن بس برضو لازم الواحد يروح يعتت هلى خلق الله

مدمر : شاعر مين يا عم انا بس حبيت ارد على اللي ميتسماش وزي منتا عارف اهو لازم الواحد يكلمهم كده بلغتهم علشان يفهموا لاننا لو قلنا الكلام بتاعنا هيعملوا خواجات وخريجين مدارس اجنبيه وتنطيط بأه على خلق الله شكرا يا غالي على المرور ونورتني

وعد : بص يا عم .. اولا كلامك الحلو ده بيحرجني وكدا هاخد قلم في نفسي وربنا .. اما عن موضوع القطيع انا متفق معاك والاخوة الملحدين عاوزين نفهمهم انهم احرار في الحادهم بس بلاش ييجوا شارعنا ومش الالحاد اللي يحل مشاكلنا والحمد لله على نعمة الاسلام
الشعر العطفي والرومنسيات حاجه جميله انا ممكن اشاركك فيها بالقراءه لكن مش هقدر اكتب زيك لان اخر قصيده كتبتها كانت للبت اللي حبيتها زمان وانا في الجامعه قبل ما تتجوز

موضوع اننا لازم نفهم قبل ما نتكلم فالموضوع واضح وضوح الشمس يا غالي وبعدين منا متغرب زيك بس الغربه مش هتبعدنا عن اللي بيحصل في البلد وكده كده راجعين واما عن الحزب الوطني فانت عارف انه حزب الخراب الوطني ولا تعليق .
شكرا يا غالي ونورتني واللهي بمرورك

[أبــو الليل]

المشاركة الأصلية كتبت بواسطة askandrany

ده هجاء ولا بيتهيقلى
مش مشكله بس يا ليل اتضحلى انك قلبك اسود اوى
بس مين الشخصيه ديه
بلاش اسئله محرجه هوه لسه موجود ولا مشى خلاص وانت ليه لسه عندك مش المفروض تكون فى مصر

اسكندراني يا غالي هي هجاء اه

واللهي قلبي مش اسود يا عم ولا حاجه بس مهو حق الرد مكفول برضو ولا ايه ؟

والشخصيتين اللي قلت عليهم مش هنا والحمد لله كان في مكان تاني

شكلك مقرتش الموضوع وبترد وخلاص

انا كنت مسافر امبارح بس اجلت كام يوم كده لاني مش ناوي ارجع تاني وعندي شوية متعلقات هخلصها وجاي بأمر الله شكرا يا غالي على المرور بس المرة الجاية اقرا كويس

تحياتي ليك

[أبــو الليل]

المشاركة الأصلية كتبت بواسطة washwashnee

آسفه بس في كلام مش فهمته00
لكن دا مايمنعش حلو الهجاء دى00
طبعتك ياابو الليل00
هوه اسمو زجل ولا شعر؟؟

الكلام سهل يا وشوشني

عموما انا بس كنت برد على واحد من الناس المثقفين زياده مش اكتر

تقدري تقولي عليها خواطر مش اكتر

ونورتي الموضوع بمرورك الكريم

تحياتي اختي

[دونـــــا]

تنضح بما فيك من هذيان أيها النحنوح
تنرجس العبث و تصدق هراءك المفضوح
مجد قومك رغم أنفك في الأفق يلوح
ليس بأمرك أو جهلك أيها المنفوخ
فأنت لا شيء و اسأل روث الأغنام لعله عنك يبوح !

شديده يا ابو اليل.............
يا خرابى فى كده؟
بجد لو حد شتم فيا مش هاقولو غير المقطوعه دى و بال1ذات.....
ليس بأمرك أو جهلك أيها المنفوخ
فأنت لا شيء و اسأل روث الأغنام لعله عنك يبوح !
و تحتها اقتباس من ابو الليل.