نحن نرد على المفضوح ... الجزء #1

[أبــو الليل]

من هو كريم عامر ؟


كريم عامر .. شاب مصري 23 سنه .. كان طالبا بجامعة الازهر الى ان تم فصله في فبراير الماضي ومن ثم تم اعتقاله لعدة ايام بسبب قيامه بالتظاهر مع الاقباط وازدراءه للدين الاسلامي قبل ان تضغط منظمات حقوق الانسان والجمعيات القبطية على الحكومه من اجل اطلاق سراحه

ايه الحكايه ؟؟ اعلان من منظمه امريكية اسمها HAMSA تطلب مشتركين من الدول العربيه وايران لعمل مقالات عن ارائهم وانطباعاتهم عن الحرية المطلوب ممارستها في الشرق الاوسط ( مسابقة الحلم الجميل ) وطبعا مقابل دولارات وسفر لحضور مؤتمرات .. الخ

صاحبنا ما صدق .. عمل كل حاجه من اول الالحاد الى رفض المجتمع الديني الى اتهام الاسلام بالارهاب والتخلف والتطاول على الرموز الدينيه مرورا بالدفاع عن حقوق الاقباط في مصر واطلاق الحرية الجنسيه وانتهاء باعلانه المساعده في حملة ( ادعم الدانمارك )

طبعا في وسط هذه المعتقدات الجديده .. كان لابد من بعض الحشو بالمكسرات زي المعارضه للحكومه وحقوق الانسان والكلاب واتهام المجتمع بالانقياد للفكر الجاهلي الاسلامي ( ده كلامه ) وطبعا شوية حقوق مرأه ومقالات واراء من نوع ليه الراجل يتجوز اربعه والست لأ .. وليه المجتمع بيحتقر الست اللي ليها علاقات ( من اياها ) مع ان ده حقها الطبيعي في الحياة

طبعا الانتقادات كمان طالت جامعة الازهر باعتباره كيان عنصري والمطالبه ان لايكون هناك موانع للزواج بين مسلمة واي ديانه .... الخ الخ الخ ..

كريم عامر له موقع على صفحات الويب يكتب فيه مقالاته الجهنميه وللاسف هناك الكثير على شاكلته وفي جميع انحاء الوطن العربي وطبعا اللعب بالالفاظ شغال الله ينور واستخدام المصطلحات اياها بتاعة الانفشاخ البرجوازي لازم يكون كاروهات علشان التبلور الفكري بيكون ساده والجزمة خضرا

كريم عامر الان ضيف أساسي وهام في منتديات الاقباط وبالذات اقباط المهحر وطبعا مش هوصف مدى الترحيب اللي بيلاقيه .. كمان الاخوة العلمانيين في مصر طايرين بيه على اعتبار انه نموذج يحتذى به

اه .. نسيت اقول لكم .. كريم عامر طبعا مفهم الناس انه معارض وبيطالب بالحرية ( اصل المعارضه لمت ) ..

من الاخر كده تركيبة وسخة لشاب بايع ارضه واهله ودينه من أجل الحرية ( الحرية برضو لمت )

على العموم من النهارده هبدأ ارد على كريم من اول وجديد ..

كل كام يوم كده نجيب جزء من ابداعاته ونرد عليه .. وهعملها حلقات عبده يتحدى رامبو
قصدي يعني ... ابو الليل يتحدى كرامله ..

وعلى بركة الله نبدأ .. الحلفة الاولى ..

في هذه الحلقة أبو الليل يرد على كريم عامر بشكل عام دون التعرض لكتاباته التي سوف تناقش في الحلقات المقبلة .. والرد الأول يا كرامله هيكون على طريقة شعبولا .. وهو رد قديم وكان وصل لكريم فعلا من فترة قبل ما اكبر دماغي منه لكن لقيت من الواجب اعادة نشر الرد والاستمرار في فضح المفضوح كريم عامر

على وزن مصر تتحدث عن نفسها ... كريم عامر يتحدث عن نفسه

خلاص أنا سبت الازهر
و حكون إنسان جديد
حعيش حياتي و افكر
إزاي أطير بعيد

هيــــــــــــــــه

أنا أصلي كنت نايم
و فجأة صحيت لقيت
إن الناس دول بهايم
فقمت و ابتديت

هيــــــــــــــــه

ابتديت أحسبها صح
و اخترت سكتي
عشان اللقمة بح
و حملا معدتي

هيــــــــــــــــه

طول عمري نفسي أسافر
أبعد من الأقاليم
و يكون الرزق وافر
وبير مليان حريم

هيــــــــــــــــه


حقول للعالم أجمع
خنقني الإضطهاد
مهو لازم حد يدفع
حساب شفط الفخاد

هيــــــــــــــــه

حشجع الحناوي
و حندد بالإرهاب
و ححكيلهم حكاوي
عن عامر لما تاب

هيــــــــــــــــه

حدلع الشواذ
و هقف جنبهم
علشان هما عزاز
حبقى زيهم

هيــــــــــــــــه

حعيط عالهولوكست
و اقلبها مناحة
و حكتب عشرين بوست
و اتظاهر بالسماحة

هيــــــــــــــــه


حديها حقوق إنسان
و جمعيات أهلية
و اتريق عالأديان
و الأفكار الرجعية

هيــــــــــــــــه

حتمرمط في السجون
و اعمل كل الحركات
عشان خاطر أكون
ضحية لانتهاكات

هيــــــــــــــــه

مستني الفيزا توصل
و معاها كام دولار
و لحد ده ما يحصل
حولع في السولار

هيــــــــــــــــه

خلاص قلعت العمة
و حلبس البرانيط
مش كده أحسن بالذمة
كده حعجب ال.... كتاكيت !

هيــــــــــــــــــــــــه



كريم عامر : انتظر عمك ابو الليل في الحلقة التانيه...

[Mr.DeStRoYeR]

ابو الليل يا مصيتنا
وواخد حقـــــــــــنا
الكافر يســــــــتحق
الشتيمه مننـــــــــــــا
ولو كتر كمـــــــان
له علقه عندنــــــــــا
وهيـــــــــــــــــــــــــــــــــــــــــــــــ ــه

والاشراف ده حقك
والعقل ده في كلامـــك
والابداع نصــيبك
بس متنسنيش وحياتك
وهيـــــــــــــــــــــــــــــــــــــــــــــــ ــه

بس خلاص..............

[أبــو الليل]

مدمر يا ابن عمي
اصحى معايا وفوق
الواد كريم غايظني
وهفضل كده مبقوق

هيــــــــــــــــــــــــــــه

مش هسكت وانت عارف
انا لازم افضحه
هات ايدك معايا
ننضف مطرحه

هيــــــــــــــــــــــــه

هات يبني كباية شاي فتله لمدمر هنا بسرعه

[دونـــــا]

ايه ده انا مش عارفه اكتب رد زيكم بس ولا يهمكم.
واد يا بو الليل انت معلم والله مواضيعك جامدة.

قبل ما انسى مبروك يا احلى الليلى على الاشراف وده طبيعى يحصل.

[washwashnee]

ربنا يخسف بيه الارض00
ياااارب يموت00كرمله00
ابو الليل شكرا على الموضوع المميز00
وعجبتني قوي
هيه

[أبــو الليل]

دونا مش مهم تردي بس مرورك يشرفني وشكرا ليكي يا قمر

وشوشني .. عاوز اقولك حاجه .. المشكله مش في الحاد الاخ .. في ملحدين محترمين .. ومحترمين يعني في حالهم .. اللي عاوز يلحد يلحد براحته ومش هنقول له لأ

لكن تلحد وتيجي عاوز تمشي في شارعنا وتاخد حد معاك ؟ يعني بدل ما ينور شمعه للناس يفهمهم يقوم ضلمها زياده ؟ ده اللي مش مقبول .. نورتي الموضوع بزيارتك

تحياتي ليكم

[AdMiN.Mr.NiCoLaS]

انت يابن الاية يا جن انت
تصدق باية انا كنت فاكر بجد هترد يعنى هتجيب المقالات وترد علية بجد
بما انك عارف الموضوع وانا اول مرة اسمع عنه

ولا اقولك فكرة

اعمل موضوع اسمة الرد على كريم عامر
((بس هو بجد شخصية حقيقة))؟؟؟؟؟؟؟؟؟
مبقاش حاجة مضمونه يابو سامية


وتجيب انت بقة مقالاته وتـــرد وهكذا او نقول رائينا فيها يعنى

ونثبت الموضوع وتبقة تمام اوى

والفراخ تبيض والبيض يفقس والكتاكيت تكبر وتبقة فراخ والفراخ تبيض والبيض يقفس ونبيع ونتغنى بقة

[وعد الحر]

ثبت قوام يا وعد
عشان موضوع خطير
ورد فيما بعد
قبل الجزء الاخير


وهيــــــــــــــــــــه


وتعالى كل يوم
شوف ايه الجديد
ف الصبح وقبل النوم
اوعاك تروح بعيد


وهيـــــــــــــــــــه


ابو الليل اصله جن
ومظبط المسائل
ومبروك علينا السجن
مالحرية تستاهل


وهيــــــــــــــــــــه


خلاص قربت اجيلكم
مش هسافر مرة تانية
هصلى كتير وادعيلكم
ماهى اصل الدنيا فانية


وهيــــــــــــــــــــــه


والواد ابو عقل طار
عامل روحه خفيف
ياعبيط يابن الحمار
دا الازهر الشريف


وهيـــــــــــــــــــــــه


حرية ايه كمان
اللى بيتكلم عليها
الظاهر معاه جنان
وعقول ربنا يشفيها


وهيـــــــــــــــــــــــــه


وحكومة دى ولا مقلب
ومكان تجميع زبالة
سايبينها تضرب تقلب
وعقول فى الخفا شغالة


وهيــــــــــــــــــــــــــه


خلاص بقيت خرافى
وهكتب بالعامية
نسيتونا القوافى
ياشلة الحرامية


وهيــــــــــــــــــــــــــه هيـــــــــــــــــــــــــــه




بس كفايه كدا على الجزء الاول
فاصل وسنعود

على رنات بقى يا ليل عشان اعرف اخرة ابن الجزمة دا ايه
يلا باى
---------------------------------------------------------

[أبــو الليل]

ابو الليل بيدحرج التماسي على الناس الحلوة ومساء الفل عليكم

كريم عامر شخصية حقيقية يا باشا .. وروح اي منتدى للاقباط اياهم مش الغلابة هتلاقيه ضيف اساسي ..

مقالاتع واراءه هيترد عليها اول بأول

شكرا نيكولاس

شكرا وعد

تحياتي ابو الليل

[AdMiN.Mr.NiCoLaS]

تمام
يبقة الموضوع دا للرد علية شغال شغال شغال
خلينا بقة نشوف هيقول اية
وانا هبقة متابع ان شاء الله للموضوع