شفره دافنشي ....والكلمات المتقاطعه

[Mr.DeStRoYeR]

شفره دافنشي ... والكلمات المتقاطعه

روايه اثارت جدلا ذو نطاق واسع في اوساط الديانه المسيحيه خاصا في العالم العربي بعد ان ترجمتها من قبل دار العربيه للعلوم في بيروت
انا عارف ان الكلام دا من فتره بس اتفرجت علي الفيلم امبارح حبيت تشاركوني الراي
طيب يا عمي الموضوع دا بيتكلم عن ايه ولا الفيلم دا بيتكلم عن ايه؟؟
اسمع يا سيدي
في البدايه:
الاحداث بتم في فرنسا في باريس بالتحديد في اول الفيلم
ظهور جاك (خلي بالك الظهور دا كدا وش في اول الفيلم)حارس المعبد المفروض انه اخر الحراس الي كانوا متواجدين ايام الفاتيكان واتقتل معظمهم علي ايدي الفاتيكان برضه ومنصبه في الفتره دي رئيس متحف اللوفر وبيحمل سر الشفره اللي قايم عليه الفيلم
ودا كان اخر واحد فيهم طبعا في السلاله مش من الحراس اياميها
واللي يحمل سر يزعزع في اصول المسيحيه ويشكك في الوهيه السيد المسيح المهم اتقتل علي يد راهب ظهر في الكادر كان عايز يعرف ايه السر دا هنعرف حكياته بعدين

قتله وجري !!

بعد كدا ظهر توم هانكس (حلال العقد) البروفيسور روبرت لنجدون خبير في فك الرموز والشفرات كان صديق المقتول وبالتالي تم استدعائه من قبل الشرطه الفرنسيه علشان القتيل كتب اسمه في مسرح الجريمه فاتهموه الشرطه الفرنسيه بالقتل
المهم في الكادر بتظهر اودري تاتو وتدعي (صوفي) واللي اتضح بعد كدا ان المقتول جدها!
بتحاول تساعد روبرت لنجدون خبير الشفرات علشان يعرفوا الجد اتقتل ليه خلي بالك من الاحداث والدنيا ماشيه ازاي في موقع الجريمه بيحل العبقري حلال العقدالحروف اللي كان كتبها الجد القتيل ( والله انا زهقت منه شخصيا )وبعبقريه فذه وبطريقه 4-4-2 بيحل الكلام اللي مكتوب علي شكل حروف غير مرتبه (يا سلاااااااااااااااام) وبيطلع اسم ليوناردو دافنشي بعد كدا بيهربوا الاتنين بعد العثور علي مفتاح في شكل صليب بجوار الموناليزا اللي اكتشفوا بعد كدا انها وراهم ونسيوا تماما انهم في متحف اللوفر

بعد مطاردات ومشاحنات مع البوليس الفرنسي ويستخبوا في مكان مهجور اشبه
( بالخرابه)علشان يدرسوا ابعاد الموقف وهيعملوا ايه وكدا .
بتتجلي قدره العالم الفذ(حلال العقد) وفي مشهد درامي سخيف وساذج جداا انه بيكتشف اسم ما موجود علي (قفا)المفتاح الصليب اللي لاقوه ويتضح بعد ذلك ان ده اسم شارع والشارع دا فيه البنك اللي فيه الامانه (اوعااااااااااااااااا)
المهم راحوا لحد هناك وقابلوا مدير البنك وقالوهم رقم الحساب كام
طبعا رقم احساب كان مع الجد
سلمها العبقري الفذ(حلال العقد ) الدفه واستطاعت (صوفي العبقريه الفذه)انها تفتكر الارقام من كلام جدها ليها وهيا صغيره(لا سحر ولا شعوذه)
فتحوا الخزنه وخدوا الصندوق وفي مشهد درامي مؤثر يقول روبرت لنجدون العبقري الفذ ياااااااااااااااااااه يا للهوووووووول
دي ورده المراه المقدسه
مريم المجدليه اللي المفروض انها زوجه المسيح
يا عم احنا مش فاهمين حاجه زوجه المسيح مين؟؟؟
منا قولت كدا برضه هتفهموا دلوقتي
المهم ان الورده دي كانت الرسمه اللي علي الصندوق من برا يعني لسه مفتحوش الصندوق !
فتحوا الصندوق ولتاني مره في مشهد درامي مؤثر جدا (خلي بالك مشهدين كدا في خلال 5 دقايق)اذا كان يدل بيدل علي ضعف في الاملاء !!! !!


واووووباااااااااز يلاقو حافظه ؟؟ زي محفظه اوراق كدا من ايام سيدنا بعرور
بس المشكله ان الحافظه دي مبتتفتحش الا باكواد وارقام ولو اتعفيت عليها وعملت عم العفي هتكسر ويدلق الخل اللي جوا علي الرساله(يا سلاااااااااام علي العبقريه خل !!) يبوزها ويخلص هنا الفيلم هههههههههه
رساله ايه يا عم انتا؟؟
الرساله اللي هتوصلهم لمكان الكاس المقدس
عليا النعمه ما فاهمين حاجه كاس ايه اللي بتكلم عليه؟؟
ولا انا خليكو معايا بس
خدوا الصندوق وراحوا لصديق قديم لروبرت لنجدون اسمه السير لي تيبينج وقام بدوره السير ايان ماكلين
سير بررضه
مؤرخ تاريخي قضا حياته في البحث عن تاريخ فرسان المعبد(خلي بالك من تعدد الشخصيات)
وياخذ في شرح التاريخ الكاثوليكي والفاتيكان وقتل فرسان المعبد والعشاء الاخير وبعض التعريفات التانيه
وان قسطنطين مؤسس المسيحيه وثتني ظل يعبد الشمس وانقسامات وثنيه ومسيحيه بعد نزول المسيح
ومن وجه نظر قسطنطين وقتها توحيد الامبراطوريه تحت لواء واحد وهوا المسيحيه منعا للحروب العنصريه !
(اه لو كان يعرف اللي فيها)

وشرح وتحليل لصوره العشاء الاخير للرسام ليوناردو دافنشي وكيف ان حامل السر الاصلي وراء المسيحيه امراه وهي مريم الجادليه الذي تزوجها بعد ذلك وانجب منها ساره

وهنا نقطه الجدل في الفيلم فريق منقسم ان المسيح اله وفريق اخر يؤكد انه بشري !!

بعد ذلك من مشاحنات ومطاردات وانقلاب السير لي(اللي طلع مجنون في الاخر) عليهم علشان ينول المجد لوحده بعد سفرهم للندن هربا من البوليس الفرنسي
استطاع العبقري الفذ في اعلي مشاهد الفيلم تجلي انه يفك شفرات الرساله علي طريقه الكلمات المتقاطعه واللي بينت ان الكاس المقدس دا موجود في كنيسه في اسكتلندا
وطاروا بعد كدا علي اسكتنلندا حيث الكنيسه والكاس المقدس اللي بيسعوا وراه جماعات وقبائل سائر الكنائس علشان تثبت العكس

وهناك في الكنيسه الاسكتلنديه بتتضح كل العقائد وان صوفي مش حفيدة جاك مدير متحف للوفر المقتول ولا حاجه
واتضح انها اخر السلاله الملكيه المسيحيه
وكان مربيها علي اساس حفيدته علشان يثبت ان السيد المسيح بشر وليس اله!!
بما انه اخر فرسان المعبد بقا
و يثبت بالدليل القاطع ان السيد المسيح كان متزوج من مريم الجدليه وصوفي اخر السلاله (شايفين الفن والانحراف)


بيودعها الاخ روبرت لنجدن بعد ما يحكيلها حكايته وهوا صغير وقع في البئر وقعد يدعي السيد المسيح علي انه اله برضه واستجاب لدعاه وممتش في البير وطلعوه
تناقض احداث غريب !!!!!!! بشري وليه بنت في القرن الواحد وعشرين !! وبعدين اله بيستجيب الدعاء والعياذ بالله ......... ما علينا

رسي الحوار في النهايه ان السيد المسيح بشر برضه واستقرت صوفي مع باقي العيله المرتبطه بالدم الملكي تبع الكنيسه
وتبقا اللغز الكبير


مدفونه فين مريم الجدليه وفين الكاس المقدس ؟؟
(مهما راحوا الكنيسه الاسكتلنديه فبركه من المخرج لاقناع المشاهد ان الكاس هناك تروح متلاقيش كاس تلاقي عيله ملكيه وصوفي تبعهم
فتح مخك معايا المهم المشاهد راح ورجع عطشان )
وتتوالي اخر عبقريات العبقري الفذ وهوا بيحلق دقنه يجرح نفسه والدم يسيل علي شكل صليب منحدر يوصله ان قبرها تحت متحف اللوفر بجوار الكاس المقدس يروح هناك جري وبقدره قادر (علشان مكتوب في الرساله ترقد تحت النجوم ما السما كلها نجوم يا عم) يحس ان القبر في مكان معين في متحف اللوفر والكاميرا تنزل تحت الارض موضحه مكان القبر والكاس المقدس جنب بعض
يركع علي ركبه ويبص للسما
والنهايه المعروفه النجمه في السما تلمع .

تصقيف حاد

ستار

الفيلم من وجهه نظري زعزه لمعتقدات المسيحيه
مع الاحترام الشديد لاي ديانه اخري (متودناش في داهيه)
بسم الله الرحمين الرحيم
(لهم دينهم وليا دين)
والكلام دا بهدف فرقعه اعلاميه او ضجه سينمائيه ونجحوا في الموضوع دا الفيلم حاز علي المركز التاني في اعلي ايرادات بعد اسبوع من عرضه رغم انه متعرضش اكتر من اسبوعين !
بس انا مش فاهم ديانه منذ قديم الزمن ليه يبقا فيها حقد طبقي وناس عايزه تشوه الصوره الا اذا ........ والا اقولك خليها في سري احسن


وفي النهايه
لا الله الا الله محمد رسول الله

مستني اعرف ارائكم .......

[أبــو الليل]

شكرا يا حج
انت يعني عاوز تقول للناس متتفرجش على الفيلم
عموما النقد رائع واسلوبك شيق
بس كبر خطك اخوك نظره على قده

تحياتي

[beauty47]

رائع انت وصفت الفيلم باتقان شديد
شكرا لك ز

[رهام]

لية كدة يا مدمر؟؟
انا لسة الاسيوع دة كنت بقرا الكتاب وما خلصتة...كدة حرقتة عليا بس برضو تسلم ايدك

[washwashnee]

اسلوبك حلو 00تسلم ايدك00

[frafero]

مدمر أنا حسه انه مستقبلك فى كتابة القصص البوليسية استمر فى الاقتراح وربنا هيوفقك ..
بجد أسلوبك رائع أنا مكملتش الموضوع قراية بس الجواب باين من عنوانه " ههههههههه " بس شور هكمله ...

[Mr.DeStRoYeR]

ابو الليل شكرا يا غالي لمرورك وهبقا اراعي موضوع العميان..هههههههه
حاضر يا حج

Baeuty47
العفو نورتي الموضوع

رهام
معلش يا قمر ابقي كمليه عادي دا وصف ملخص اكيد الكتاب هيكملك الفكره

فرافيرو
ربنا يكرمك
وان شاء الله دا يبقا اتجاه
نورتي الموضوع يا قمر

[jamal_seef]

مشاكل اليهود والمسيحيين لن تنتهى ابدا مع ديانتهما لانهم خارج نطاق الحقائق اما موضوع الفيلم فهو فبركه من الوبى الصهيونى وبعد ماعملو الفيلم حاكمو الممثل على انه قام بتحريف الحقائق الدينيه وبكدا يفتكرو ان احنا طالت علينا اهدافهم الخبيثه هيهات فنحن معلمنا خير معلم عرفته البشريه عليه الصلات والسلام

[Mr.DeStRoYeR]

شكرا يا حج لاضافتك الجميله
شرفت يا غالي

[fouad2samen]

نايس يامان
على فكره المسيحيين اصلا
ميعرفوش اي حاجه عن دينهم والله
مجرد انه مسيحي وبس
ومشكور يامان على السينما هوم بتاعتك دى
خليها حوارك اسلوبك بجد كويس
مستني فلمك الجديد

فتكو بعافيه