|
--الوصول السريع للأقسام--
دردش مع اصحاب كول واتعرف على احلى بنات وشباب الان!!!!
|
|
|  |
ملحوظه هامة:- لايمكنكم المشاركه وقراءه المواضيع مع اصحاب كول الا بعد الإشتراك بالمنتدي
::للإشتراك بالمنتدي اضغط هنا:: (من فقد عضويته او الباص ورد الخاص به هنا )
 |  |
|
احدث الفيديو كليب العربى والاجنبى
- احلى اهداف كرة القدم -
تحميل المسلسلات -
اغانى سعودية |
|
|
|
|||||||
 |
|
|
أدوات الموضوع | طرق عرض الموضوع |
|
#1
09-10-2006, 03:28 AM
|
||||
|
||||
حدوتة وخلاص .. فوزي اليساري
تنويه : فوزي اليساري غير فوزي الاقرع وغير فوزي نياهاها السابق ذكرهم في حواديت سابقة
تنويه تاني : اليساريون الشرفاء ليس لهم علاقة بهذه الحدوتة مش أي حد عنده زكام و بيقول (هااا تشي) يبقى خلاص أصبح من مريدي (تشي) جيفارا, و نال لقب المناضل الثوري التقدمي, و مش كل و احد (مرافق) واحدة يسارية أصبح (رفيق).. ولما يكون اليساري بتاع البومين دول عبارة عن (ستايل).. تاتو جيفارا على ذراع أحدهم أو لخبطة ستايل (الهيبز) بتاع زمان على (عبدة الشيطان) على حاجات غريبة يا جدع مالهاش دعوة ببعض.. فتلاقي واحد وسط جو الهبل ده فاقع أغنية لمارسيل خليفة, و تلاقي واحدة بتصوت بالأمريكاني و تقول: ياااااااااي واااو يخرب بيت طعامتك يا مارسيل.. أوه ماي جوش على الإهساس (قصدها بروح جارة خالتها الإحساس).. و يسخن رفيق ضارب جوينت فيستحضر (بوب مارلي).. و يتكرم أحدهم مشكوراً بإضفاء نكهة مصرية على الجلسة فيدندن على العود أغنية حماسية (للشيخ إمام) على سبيل الحاجة (الأورينتال).. يبقى ساعتها من حق ابو الليل الدستوري انه يحكي حدوتة .. قد تكون حدثت بالفعل ... نبتدي حكاية فوزي وجميلة .. فوزي ده اسمه .. وجميلة ده اسمها مش وصفها قول يا ابو الليل واشجينا .................................................. ........ .................................................. ........................................... .................................................. .............................................. شوية أحداث ملهاش لازمة بعدين فوزي تعب من عقدته الأزلية و هي إن شكله مش بيعجب البنات و لا الستات و كل ما ييجي يقرب من واحده يحس إنه غير مرغوب فيه.. كان الليل بالنسبة له مملكة الوحدة و العدم و الهم و الاحتراق, يعني بالبلدي كان حيموت على حضن يطفئ براكين الاشتياق على مر شبابه المهدر كما يحس.. و كان يحترق أكثر في الليلة التالية, و الاحتراق لا يحرقه سوى احتراق.. لكن أين هو ذاك الاحتراق الذي لا ياتي ابداً؟!.. ........................ ................................ ................................... ..................................... ............................................ كان لفوزي صديق معروف عنه إنه يساري, و كانت الحريم بتترمّى عليه من كل صوب, كانت جملة صديقه لا تزال تنخر في تلافيف دماغه.. و كيانه أيضاَ.. بص يا فوزي: فيه حريم عشان تسيطر عليها لازم تسيطر على دماغها الاول يعني يا فوزي الحريم دي مستحيل ترضى بيك الا لو كلت دماغها بكلمتين و يا عيني لو حسستها إنك أعظم مثقف على وجه البسيطة, و إن مجرد قبولك للنقاش و الاتصال الفكري معاها هو قمة التنازل منك.. فيه نوعية من الحريم دي لو حسستها إنها مش قادرة تستوعب عبقرية أطروحاتك و براعتك في انتقاء مفرداتك المتفردة ساعتها حتحس إنها (حمارة) و هذا الشعور سيدغدغ فيها كل جموح الأنوثة.. فاهم يا فوزي يعني إيه جموح الأنوثة؟ يعني حتستفز كل خلية أنوثة في جسمها و كل فتفوتة حريمي في كيانها ... بس خد بالك يا فوزي فيه نوعية تانية مختلفة من الحريم دي.. لازم تبقى متساوي معاها فكرياً, تساوي كامل لا يزيد فتفوتة و لا ينقص فتفوتة. يعني لو حست إن مستواك الفكري قل عن مستواها في لحظة ما ساعتها حتتهمك بالجهل و حتف في وشك يا فوزي, و لو شعرت في لحظة تانية إنك أذكى منها و بتتفوق عليها فكرياً و ثقافياً وقتها حتتعقد منك و من نفسها و حيجيلها اكتئاب مركّب, و حتقفل عليها اوضتها و تفضل باصة للسقف لحد ما تنتحر أو السقف يقع عليها, الشعور بالدونية فظيع قوي عندهم يا فوزي. أرجع و أفكرك يا فوزي: فيه حريم عشان تسيطر عليها لازم تسيطر على دماغها الاول .. التثبيت لو تم صح حتعيش حياتك يا فوزي.. عشان تسيطر عليها لازم تسيطر على دماغها الاول يا فوزي علشان تسيطر عليها لازم تسيطر على دماغها الاول يا فوزي صدى الصوت يختفي و يبتعد رويداً رويداً.. ثم لا يلبث أن يقترب من جديد حاملاً معه كل الرتابة, و كل التتابعات كدوائر عملاقة مطاطية التكوين صفيحية الطنين.. هكذا تمر الأيام.. و دماغ فوزي تنفجر طوال الوقت.. و الطنين لا ينتهي.... أصبحت جملة صديق فوزي كأغنية رتيبة كالتي تلاحقنا باستمرار أينما ذهبنا.. و نعجز عن طردها منا مهما حاولنا, نمل منها كثيراً, نمل أكثر من عدم قدرتنا على التخلص من غباوة رتابتها..(حاجة لزقة بغرا كده)..و رغم ذلك نبقى ندندن بها! ............................... .................................. ................................... ........................................ ............................................ (فوزي سرحان و معدته تعبانة و بيرجّع عدت فترة أحداثها ممله وملهاش لازمة ) فوزي جاب كل الكتب اللي ليها علاقة باليسارية و الماركسية, و جاب الروايات و المسرحيات و الدواوين الشعرية و الأغاني و أي حاجة عرف من صديقه إنها بتعجب الناس المنتمين إلى اليسار و خصوصاً الجنس اللطيف منهم.. مر وقت طويل و لقى الوقت بيمضي و هو لسه يدوب مخلص حبة نونو, فغير طريقته في القراءة, و بقى ينط صفحتين .. تلاتة..ميتين.. و لقى الفهارس حلوة و رؤوس المواضيع أسهل, يعني شغل الفهلوة من الآخر.. و الكم أصبح أهم من الكيف, و الكيف يا ولداه غالي.. و شوية بشوية بدأ يلزق لصديقه و يروح معاه حبة مشاوير, و يحضر ندوات و فعاليات, و أنشطة فنية من بتاعة إديني في الثقافة النخبوية.. فهم المسائل و المواضيع ماشية ازاي.. فوزي لبد في الدرة شوية.. بعدين خد قرار مهم جداً جداً! قرار استراتيجي و محوري, عامل زي المنعطفات التاريخية كده .. فوزي قرر يعمل صفحة خاصة بيه على الشبكه العنكبوتيه ... !!!! أصله حريف نت و كده, و ياما فوزي اتمرمط في الدردشات و الماسنجرات و المنتديات من غير ما يطلع بصباع حريمي.. حتى الحالات النادرة التي نجح فيها في مواعدة إحداهن كانت تبوء بالفشل الذريع بمجرد أن ينتقل الاتصال من الواقع الافتراضي إلى الواقع الفعلي.. كانت أصعب نقطة واجهت فوزي هي ماذا سيكتب في أول مقاله . فأول مقالة كما يعتقد هي الأهم ... هي المصيدة و ربما مقياس الفشل أو النجاح.. يجب أن تكون المصيدة محكمة الصنع, حتى لا تفلت الفريسة.. فوزي يبحث عن الطعم المناسب.. ............ .................. .......................... ...................... ............................. جميلة.. كانت صاحبة أول تعليق على مقالته الاولى ......... ......................... جميلة لم تكن جميلة و كانت من النوع الأول الذي أشار إليه صديقه: الفتاة التي تحتاج للشعور (بالحمورية) و الدونية أمام مثقف لا مثيل له.. ........... ........... ................. أخيراً حرق فوزي احتراقه بالاحتراق الذي يبحث عنه: الاحتراق بامرأة.. ليس مهماً أن تكون جميلة.. يكفيه أنها امرأة ..... ........ ...................... بعد التعارفات وشوية كلام ملوش لازمة فوزي راح يقابل جميلة وطبعا بما انهم يساريين وجميلة مش فارق معاها اتقابلوا في شقة فوزي .. جميلة في حضن فوزي وداربينهم الحوار التالي جميلة: عارف يا فوزي أنا ما بقدرش أمنع دموعي لما بسمع مارسيل و هو بيقول, أحن إلى قهوة أمي و خبز أمي.. فوزي يختار بعناية مفرداته قبل أن يجيب رغم حالة الدهولة من كثرة اقداح الخمر اللي شاربها : بصي يا جميلة, مش مهم إننا نحس بالكلمات الممتزجة بإرهاصات التجربة النغمية في حد ذاتها, المهم هو كيفية التقاء التوحد اللانمطي مع المحتوى الحسي, بحيث لما نبادر بتقديس اللحظة, فكل التنويعات يمكن أن تبقى متاحة.. جميلة و هي تفتح فمها انبهاراً و الشعور بالدونية و الحمورية يحرك بداخلها كل جموح الأنثى و رغبتها الملتهبة: فوزي أنا كل يوم عن يوم بحس إني أسعد إنسانة في الوجود, حاسة إني واخدة أكتر من حقي في الدنيا, كل يوم بتعلم منك حاجة جديدة. أنا بحبك .. بحبك قوي.. فوزي و قد بدأ يشعر أن الموضوع طول و لازم ينجز في المصلحة : دعينا نترجم وهج السديم في مرايا الملح المعتق بطعم أسطورة إغريقية تحكيها ثمرات المانجو لعقيقة الأقحوان المسافر في ظل جناح طائر الفينيق.. هيا نلتحف بظل طائر الفينيق.. نق ..نق ... نق...... ......... ................... ......................(أبو الليل يستخدم مقص الرقيب نظراً لغباوة التنفيذ و رداءة الصوت ) المهم بعد انتهاء هذه الاحداث خلال دقيقة وخمسة واربعون فيمتو ثانيه ولّع فوزي و جميلة سيجارتين و همّا باصين للسقف و بيدخنوا بشراهة و بينفثوا الدخان إلى أعلى في اتجاه السقف.. كانا يسترجعان أحداث مرحلة جديدة في حياتهما.. كيف كانت الحياة و كيف أضحت.. بماذا سيأتي الغد؟ مزيد من الدخان يصعد من شفتيهما لأعلى باتجاه السقف.. و هنا و عند هذه اللحظة بالتحديد.. يسقط السقف على فوزي و جميلة.. يمتزجان بالفراش و السرير المعدني الجميل.. ينتقلان من التجربة إلى التطبيق (أصلهم إتّطبقوا خالص).. فوزي و جميلة اتخطفوا في لحظة يا ولداه.. و ما حدش حس بحاجة, لا فوزي و جميلة, و لا صحابهم اللي بره.. يومها على فكرة.. جميلة كانت عايزة تصارح فوزي بإنها حامل.. و فوزي كان عايز يصارح جميلة, إنه بيحبها جداً, و إنه زهق من (القناع) اللي بيحطه على وشه كل ما بيكون معاها.. فوزي كان نفسه جميلة تحب فوزي.. فوزي الحقيقي.. و من وقتها بقيت صفحة فوزي على الويب مفتوحه بلا اي اضافات جديده مزيكا حزايني.. كمانجات و تشيللو.. توتة توتة خلصت الحدوتة. أبو الليل مش شمتان في فوزي و جميلة و ما يقصدش يقول إن فوزي و جميلة نالا جزاءهم و ماتوا موتة وحشة عشان همه وحشين. انا اتكلمت عن نموذج من الحريم والرجاله ولا أقصد التعميم مطلقا خلاص كفاية القصة بايخه اصلا ... تحياتي أبوالليل
__________________
 على إسم مصر .. التاريخ يقدر يقول ما شاء أنا إسم مصر عندي أحب وأجمل الأشياء
التعديل الأخير كان بواسطة : أبــو الليل بتاريخ 09-10-2006 الساعة 05:18 AM. 
|
|
#2
09-10-2006, 04:55 AM
|
||||
|
||||
بصي يا جميلة, مش مهم إننا نحس بالكلمات الممتزجة بإرهاصات التجربة النغمية في حد ذاتها, المهم هو كيفية التقاء التوحد اللانمطي مع المحتوى الحسي, بحيث لما نبادر بتقديس اللحظة, فكل التنويعات يمكن أن تبقى متاحة..
جميلة و هي تفتح فمها انبهاراً و الشعور بالدونية و الحمورية يحرك بداخلها كل جموح الأنثى و رغبتها الملتهبة: فوزي أنا كل يوم عن يوم بحس إني أسعد إنسانة في الوجود, حاسة إني واخدة أكتر من حقي في الدنيا, كل يوم بتعلم منك حاجة جديدة. أنا بحبك .. بحبك قوي.. فوزي و قد بدأ يشعر أن الموضوع طول و لازم ينجز في المصلحة : دعينا نترجم وهج السديم في مرايا الملح المعتق بطعم أسطورة إغريقية تحكيها ثمرات المانجو لعقيقة الأقحوان المسافر في ظل جناح طائر الفينيق.. هيا نلتحف بظل طائر الفينيق.. ...... __________________________________________________ ______________________ حسبى الله على ابليسك يا وليد ايه ده يحج كل الطرق تؤدى الى روما وزى ما بيقولوا كدا المحتاجة بتعمل اى حاجة مش مهم الكلاكيع اللى اتعلمها فوزى عشان خاطر عيون جميلة على كدا لو واحد عادى ومبيحبش القراية هيعمل ايه هيخبط دماغة ف الحيط ويقع على الارض ويمرمغ نفسه فى التراب ويطنطط على بطنه وياخد على خدوده بالجزمة عشان تيجى واحدة تتف فى وشة وتتعطف عليه . انا عارفك لميت نفسك ومكتبتش كل حاجة . تعرف من الآخر موضوعك ده بيفكرنى بإية . بالجماعة السياسيين اللى بيعتمدوا على الكلام المنمق الخاوى عشان جميلة قصدى الطبقة العادية متفهمش حاجة . وبالتالى هتعرف ان السياسة دى فن واحتراف مع ان الشعب بالطريقة دى اصبح مكان جميلة لما حست بالحمورية .. بس صدقنى لو ملقيوش حد يفقسهم السقف هيقع فوق دماغ الكل .. تحياتى ليك محمود
__________________
. . . . 
|
|
#3
09-10-2006, 05:00 AM
|
||||
|
||||
|
هههههههههههههه
طيب يا عم محمود منتا فهمت الفولة اهو تحياتي يا غالي
__________________
على إسم مصر .. التاريخ يقدر يقول ما شاء أنا إسم مصر عندي أحب وأجمل الأشياء
|
|
#4
09-10-2006, 06:27 AM
|
||||
|
||||
|
احم احم
اولا التشبية دا عجبنى جدا وضحكنى اوى اقتباس:
أجمل ما فى كتابات انها فيها من كتابات د/ أحمد خالد توفيق00مع فرق انه محترف وعبقرى وفلته وعظيم والعظمة لله00بس اوقات كتير تشبيهاتك بتكون زية وانا من عشاقة وعشان كدا بحب كتاباتك شخصية فوزى موجودة وكتير مننا بيشوفها ان مكنش هنا وهنا فى المنتدى وهنا فى بيتنا وفى الكلية هنلاقى فوزى وهنلاقى الى بيغير من شكلة ويعيش فى قناع حد تانى عشان يرضى بنت او حتى يرضى غرورة النهاية مش مبررة خالص يا أبو اليل مش فاهم لية السقف وقع عليهم مادام هى حامل وهو بيحبها يبقة هيتجوزوا وتيجى مارى منيب وتقول " بلا نيـــله "0000"الجوازة دى مش هتعمر ابدا"000"اسالونى أانا أمـــك مدوباهم اتنين" 000ألخ ألخ ألخ بالنسبة لتشبيهك باليساريين لانهم فعلا بيختاروا اصعب الكلامات والتشبيهات عشان توصل لاتفه المعانى00فاهمين الكلام غلط ههههههههههههههه من الأخر يعنى0000000 تــــــــــــــــــــم الثبيت المعيارى فى البرجوازية الحلزونية للفكر المنبثق من الكيان الدستورى للروح المعتمدة على وجدانية الحوار0000 أظن كلامى مفهوم تعال هنا صحيح يا يسارى يا عميل فين مواضيع الواد الى بيشتم الاسلام دا مستنى وانت ولا كتبت اى حاجة ولا حتى فى طبق اليوم 
__________________
Microsoft Certified IT Professional M.C.I.T.P MS 70-620 - Passed MS 70-640 - Passed MS 70-642 - Passed MS 70-643 - Passed MS 70-647 - Passed so0o0o0o0oN My fInaL baCk Let Me LivE iN peace ((((تارك عالمكم ,,,,,)))) تــ ــحــ ــيــاتــى as7apc0oL هتعمل ايه لو نمت يوم وصحيت ... ولاقيت اقرب ماليك فى الدنيا مش حواليك هوه انت مين اللى عمل كدا فيك ... مش انت ولا فى حد غمى عينيك
|
|
#5
09-10-2006, 11:27 AM
|
||||
|
||||
|
وليد ....
اولا بشكرك على الحدوتة الشيقة جداا واللى نطلع منها بحاجات ... على فكرة احمد قال ليه السقف وقع عليهم انا شايفة انه دى نهاية صح وانه مش لازم الكل يفكر زى فوزى أو يلبس قناعه ... لانه كان ممكن يحصل وفوزى وجميلة يحبوا بعض من غير يسارية فوزى أو حتى حمورية من جميلة ..
__________________
   
|
|
#6
09-10-2006, 11:36 AM
|
||||
|
||||
|
سوء تقديـــر........
طيب يا ريت والسقف بيقع تبقا واخد جبيتين ريفو علشان يبقا زي شكه الدبوس
هههههههههههههههه وهوا قرب يقع عموما الشرخ بيوسع يوم عن يوم واللي بيفكر يرمم بيزودوا سعر الاسمنت ولو حاولت تعمل صاحب اللسان الحلزوني وتفهم الكلام بيتقال من اي منبع بالظبط ولاي اتجاه بيقولوا افكارك معتاده باليه وملهاش لازمه وتنضم( للبلاك ليست ) = العالم المنعزل بالعاميه كدا الفساد الاداري السياسي في كل حته يا باشا مش في ارضك بس شكرا يا حج. ...........
__________________
  Truble_X
التعديل الأخير كان بواسطة : Mr.DeStRoYeR بتاريخ 09-10-2006 الساعة 11:44 AM.
|
|
#7
09-10-2006, 12:12 PM
|
||||
|
||||
|
صدقونى الموضوع مش محتاج نكون فوزى وجميلة هييجى اليوم اللى نقدر نقول ونعمل من غير ما السقف يقع ومش هييجى غير لما نكون صح ونعرف ربنا ... احسن ما يقع علينا سقف وتكون نهايتنا وحشة زيهم ...
__________________
|
|
#10
09-10-2006, 11:42 PM
|
||||
|
||||
|
اقتباس:
بالنسبة لموضوع كريم عامر فأنا كتبت اكتر من رد لكن بمسحه تاني .. عاوز اوصل لمعادلة الرد المهذب على كل موضوع ليه ولسه مش مجمع افكار .. كمان الوقت عامل لي مشكلة عموما الايام جاية وهنكتب عنه ان شاء الله شكرا يا حج للمرور والتثبيت ومنتحرمش من زيارتك ابدا
__________________
على إسم مصر .. التاريخ يقدر يقول ما شاء أنا إسم مصر عندي أحب وأجمل الأشياء
|
|
| أدوات الموضوع | |
| طرق عرض الموضوع | |
|
|
Tags:-افلام,اغانى,تحميل اغانى,تحميل افلام,تحميل فيلم,تحميل اغنية,الجديد,الجديدة,تحميل البوم,طرب,صور,صور الفنان,صور الفنانة,موقع فيلم,العاب,لعبة,تحميل لعبة,برنامج,تحميل برنامج,رقص,فيديو كليب,تحميل كليب,تحميل فيديو,بلوتوث,صور الفنانة,فضائح,فضيحة,فضائح فنية,صور الفنانات
| مواقع دردشة | مواقع افلام | رسائل | مواقع بنات | صور | تحميل العاب بنات | مواقع اغانى | مواقع اسلامية | افلام عربية |
| 2009 | اقسام الدليل | مواقع صور | مواقع برامج | مواقع العاب | مواقع فيديو | مواقع شات | دليل مواقع | افلام اجنبية |
 |
Powered by vBulletin V3.8.4. Copyright ©2000 - 2009
العرض العادي
