""ثورة الk800i وتغيير كل شئ ببرنامج ++XS "".

[احمدالوكيل]

ثورة الk800i وتغيير كل شئ ببرنامج ++XS
---------------------------------

النهارده انا هشرح طريقة استخدام برنامج XS ++ المستخدم فى تغيير و تعديل ملفات الsystem للسونى اريكسون.

انا حاطط شرح البرنامج ده لأنى خدت بالى ان كتير من اصحابى ميعرفوش عنه حاجة ,و اللى يعرفة بيخاف يستخدمه ,كمان البرنامج مالوش شرح فالمنتدى على الرغم ان استخدامة اسهل من الfar manager .

الموضوع ده لكل مستخدمى ال k800i اللى اكيد زهقوا من شكل الmenu بتاع الموبايل وعايزين يغيروها



المطلوب:-

1. كبل ال usb
2. تعريف الusb flash driver
3. برنامج ++XS

الطريقة :-


1. تعريف الموبايل
• اقفل الموبايل , شيل البطارية و حطها تانى.
• اضغط على c ثم ادخل ال كابل .
• سيبدأ الكمبيوتر التعرف على ال هاتف ,قم باستخدام ال usb flash driver
• بعد انتهاء التعريف , اقفل الموبايل , شيل البطارية و حطها تانى.
.

2. تشغيل البرنامج
• ضع برنامج XS فى فولدر معين و افتحة هتظهر لك الصوره دى


• اقفل الموبايل , شيل البطارية و حطها تانى.
• اضغط على c ثم ادخل ال كابل
• دوس علىconnect



كده عمل connect


تنبيه هام ( ياريت محدش ينفض)
لو كنت ناوى تستخدم البرنامج فلازم تعمل الخطوة دى
اما بقى لو كنت ناوى تقرا الموضوع وتقول ياسلااااااااام الدنيا دى فيها حاجات غريبة بشاااااكل ,فمتكملش و سيبك من الخطوة دى
اما لو ناوى تجرب ف......



3. الخطوة هى عمل backup لل GDFS بتاعت الموبايل

وال GDFS للى ميعرفش تعتبر روح الموبايل , يعنى لو حطيت عالموبايل بتنجان ازرق وعيز ترجعة زى ما كان اعمل restore لل GDFS و مبروك عليك .

بس خلى بالك ال GDFS بتاعت موبايلك غير بتاعت اى حد تانى يعنى ايييه؟؟؟
يعنى GDFS بتاعت ال k800i اللى ال serial بتاعه 351707019424155 ( ده موبايلى على فكرة ) غير موبايل ابراهيم ( مين ابراهيم ده؟؟!! ) غير اى k800i فالعالم .
فهمت , تمام.

• بعد ما دوسنا connect هندوس على GDFS ( بالفكاكة كده)




• و بعدين ندوس على backup GDFS (برضو بالفكاكة)



ملحوظة الbackup اللى انت عملتة موجود فى ال فولدر اللى فيه البرنامج


4. تيجى لل خطوة اللى انا عامل عشانها الموضوع دة كله تغيير شكل القايمة الرئيسية و القوايم الفرعية كمان.


• اختار fsx و ده اختصار ل File System Explorer




• بعد كده البرنامج هيقرا ملفات الsystem فى حوالى 5-10 ثوانى
لازم تظهرلك الجملة دى قبل ما تكمل


• كده مبروك!!! ...... لأ لسة

• هتاخد الملفات دى بعد فك الضغط و تحطها فالمسار ده

Tpa/preset/system/menu

هتسحب الملفات كلها بالماوس drag and drop و تحطها فالقايمة الجانبية



• احنا كدة خلاص . بس فبه ملاحظة مهمة

كل المواقع الأجنبية اللى انا دخلتها و شارحه البرناج عاملين تحذير مهم
بعد ما تعمل اللى انت عايزة ,لازم تدوس على shutdown قبل ما تقفل البرنامج
الصراحة انا معرفش ليه , ومحدش قايل ليه , بس الواضح ان لو معملتش كده هتحصل مصايب و بلاوى وكوارث و مش بعيد كمان ينفجر بركان تحت بيتكم.

• كده خلصت الخطوة الصعبة بعد ما تدوس shutdown اقفل البرنامج .
• حاجة كمان اعمل setup للبرامج دى عالموبايل عشان ال باتش يشتغل صح.
• مفيش مانع لو حطيت الثيم ده . شكله لايق قوى على القوايم الجديدة.

[S.uK]

Thanksssss

[a7med rony]

السلام عليكم
الرسالة دى لجميع الاعضاء وخصوصا لمن يتعامل مع ال k800i انا بعدماانتهيت من استخدام برنامج ++XS وخلصت بجرب التليفون رفض شريحة الخط ومقدرشى يتواصل معاة
اة السبب
ارجو الرد