|
|
--الوصول السريع للأقسام--
|
دردش مع اصحاب كول و اتعرف على اروش صـبـايـا و شباب الان !! |
|
|||||||
 |
|
|
أدوات الموضوع | طرق عرض الموضوع |
|
#1
12-26-2008, 07:38 PM
|
||||
|
||||
حلـــقة مســـخرة من مسلســـل نور ومهـــند نيـم مراتـك والعيــال وتعالـى اتفرج
 كلنا يشاهد او يتابع او سمع عن مسلسل نور ومهند الذى يعرض على شاشاتنا وقد تأثر به كثير من المشاهدين اللى عاوزه تروح عند ماما واللى اتطلقت بسبب جوزها وحش واللى ساب مراته عشان مش نكديه زى نور واللى عاوزه شعر اصفر وعيون حمرا من كتر الشرب طبعا ومن أجل رغبة كثير من المشاهدين قلنا نجيب الحلقه دى والتى لم تذاع على التلفزيون العادى لاحتوائها على مسخره وحاجات مينفعش يشاهدها الصغننين ,الحلقه دى ممنوعه لاقل من سن 87 سنه وأنا لست مسئولا عن أى حوادث تحدث بمشاهدة الاطفال أقل من 87 قد توقف المخرج فى الحلقة السابقه عند قبلة حاره لنور وهاهو قد انتهى تتر البدايه والمخرج ابن جنية عاوز اكبر قدر من الدعاء والحسنات من المشاهدين راح راجع بضهره 3 دقايق من الحلقة الماضيه وجاب اصل القبلة الحاره دى وان نور كان مهند هيقع على وشه فنور مسكته فدخلت دماغ مهند وعرف انها خايفه عليه ولكن فى الاصل هى خافت على رخام الفيلا لينكسر وقبللها قبله حارة زى الزيت الحار بتاع عمى ذكى ادرة بتاع الفول اللى على اول الحاره دخلوا المنزل وطبعا ايد مهند تلتف على ظهر نوووور وايديها هى فى جيب البنطلون بتدور على فلوووس وطالعين على السلم وبيفتكروا يوم الجواز الله لا يرجعوا وهما طالعين ع السلم بصلها وقالها متذكره ياحياتى يوم الزفاف قالتله هلا طبعا مهند انت حبيييبى انت حيااااااااتى تيراااراااا تيراااراااا وراحت طبعا بما انها بت حقانيه وبنت ناس عاوزه تردله القبله اللى كانت بره البيت وراحت مقبلاه قبله حاره برضه زى زيت اونكل زكى وطلعوا ع السلم ودخلوا الاوضة وطبعا كان الشيطان منتظرهم جوااااا قعدوا ع السريييير وياريتهم مقعدوا افتكروا اول قعده فى يوم الدخله ياااااتى النيله وراح مقبلها قبلة كمان يظهر ان الحلقه دى كلها قبل يلا ياعم ننام بصلها اوى وكأنه بيشوفها لابسه لينسيس ولا لا وهى كمان بحلقتله وكأنها عاوزه تصارحه بالحقيقه بأنه أحول غيروا الهدوم وطبعا هعدى الحته دى عشان فى ناس متجوزتش هنا وناموا ع السرير وضع دراعه تحت دماغها وهى نايمه على دراع حبيب القلب وكأنه عاوز يقولها تتك نيله ريحة الجاز اللى فى شعرك ده وهى نفس الكلام نفسها تقوله ايدك عامله زى العصايه تتك الارف وناموا الاتنين صحيوا الصبح على صوت التليفون طبعا نور اللى هترد هى راجلة البيت ايوا ماممما انا جنب مهند روحى وطبعا صاحبنا صحى على صوت القطه اللى جنبه وكانت ماما بتطمن عليهم قام من النوم وعمل زى ماكان طالع ع السلم قبلها من غير ميغسل وشه وعينه ماادراك ماتحمله عينه وهى كان فى حاجات على بؤها كده يلا ماعلينا يااااتى الارف بس المخرج عاوز كده نزلوا الاتنين من على نفس السلم وجه ضيف سلم عليهم وباس نور مهند حمأة ولاد البلد خدته ووشه احمر مش عشان بوس نور لالالالا فهمتوا غلط هو قال اشمعنى يبوسها هى وانا لا هى احلى منى ولا ايه الضيف اخد واجبه كوباية البقدونس بالمكسرات واستأذن وقبللل نور برضه ومهند عاوز يلطشه على وشه مهند عمل زعلان وقالها حبيييبتى انتى عارفه انى بغاااار عليكى من اى حدا حتى من عمى مسعد الجناينى وانا سعيد جدا انه مأخدش دورى فى المسلسل ده لانه احلى منى بكتير كانوا ايش يعملوا العرب لو شافوه ده انا جانبه مااساوى شىء واتنرفز مهند وذهب للمرايه اللى فى اوضة النوم ورزعها بونيه زى الغفير مبيعمل مع الحرامى جريت نور بسرعه على غرفة النووووم وجدت مهند سايل منه الدم الغزير اللى النمله لو اتعورت هتنزف اكتر منه قالتله ليش حبيبى هبتعمل كده انت بتعرف انى بحبك ومااحب غيرك بصلها وصعبت عليه وقالها نوووور بوسى الواوا وباست نور الواوا وانتهت الحلقه... حبايبى جميعا هذا ماتعرضه تلك المسلسلات ولم اتعدى منطقة القبلات الحاره لان هذا الهدف الاول ول استطاعوا اكثر من ذلك علنا لفعلوا للعب بقلوب بناتنا واثارة شهوات شبابنا ولضياع امتنا فالحذر الحذر من مثل هذه التفاهات ..بالله عليكى لو كان مهندا هذا بدون شعر اصفر ولا صاحب الاعين الخضر كنتى احبيتيه مثل الفتيات الطائشات التى نراهم ونسمع عنهم ستقفذ احداكن الان من تحت السرير وتقول لى نحن لانحب شعره ولا عيناه ولاكن لانه رومانسى اقول لكم وهلمنار هذا اقصد مهند هذا لايوجد رومانسيين غيره وقبل أن تروا مهند لم توجد الرومانسيه ولكن تعودنا على التفاهات والتقليد الاعمى والجرى وراء كل ماهو ضار قفوا مع أنفسكم وتفكروا هل سيكون مهند يوم القيامه شفيع لكم ويحاج عنكم ويبعد عنكم النار ام لا تقبلوا موضوعى بصدر رحب ومن قلم محب لكم....  السلام عليكم ورحمة الله وبركاته
|
|
#2
12-26-2008, 07:57 PM
|
||||
|
||||
تشكرات
تشكرات تشكرات
اخي احمد على الحلقات الجميلات شوفت الواد لوح لساني بجد موضوع جامد موت يا صديقي ربنا يرحمنا ويعفينا من الحاجات دي وامثلها وتقبل مروري وفائق احترامي اخوك محمد
|
|
#4
12-26-2008, 08:26 PM
|
||||
|
||||
هههههههههه احمد انا مش عارفة ارد عليك بإيه
لاني بكل صراحة ومن غير ضحك كنت متابعة المسلسل من الحلقة الـ 99 والله وبعد ما خلص متبعتش ولا مسلسل من التانين لا السنوات اللي تاهت دي ااه الضياع ولا لحظات الضياع يووه اقصد الوداع ولا اي حاجة من دول بس كنت متابعة مسلسل نور ومش هقولك ان الحج مهند دا وحش ومش عارفة البنات بتتجنن عليه ليه لالا هو الصراحة يعني عسل اوي بس الناس ادته اكتر من حقةوالله انا عندي الشاب الاسمراني ابو العيون السود والشعر الناعم المسبسب دا احسن من سي مهند مش سي مهند بردو عسل يعني بس صدقني والله انا كنت بتفرج عليه عادي كأي مسلسل مش عارفة الناس ليه اتجننت بيهم ولا الست نور طب على ايه بس دنا احلى منها حتى بس هنعمل ايه بقا الناس اتجننت بيهم مش عارفة ليه مضمون الموضوع ياحمد جميل وربنا يحمينا جميعا واللي كان بيتابع نور ميعدش نفس الحكاية ويتابع حاجة تانية خلاص فككو بقاا وبعدين مهند راحت عليه خلاص مالمسلسل خلص ولا اااااه اه نسيت ان الناس مجنونة بيه عموما تسلم ياحمد عالموضوع الاكتر من رائع تقبل مروري
|
|
#5
12-26-2008, 09:02 PM
|
||||
|
||||
|
ازيك يا أحمد اخبارك ايه
جمدة اوى الحلقة دى دا أنا افتكرتها تبع الجزء العشرين ههههه بس بقى انا شايفة ان المسلسل عادى زى اى مسلسل رغم ان مهند عثل شويتين بس هو شخص عادى والواحد مييبصش على الشكل بس هو مجرد مسلسل رومانسى الواحد كان بيتابعه فى الأجازة ايام ما كنا فاضيين بقى دلوقتى يا اخويا ولا بتابع مهند ولا غيره وبجد تسلم ايدك يا أحمد وربنا يهدينا جميعا وابقى اسأل بقى وسلملى على العيال
|
|
#6
12-26-2008, 09:15 PM
|
||||
|
||||
|
هههههههههههههه ابه يا ابو حميد ده انت كنت معاهم فى الاوضة ولا ايه؟؟ انا بقى عاوز اعرف اساسا ايه اللى دخل المسلسلات الاجنبية اساسا عندنا هو احنا ناقصين ما كفاية علينا مسلسلتنا اللى تجيب هطل للواحد وهو بيتفرج عليها ده غير طبعا اهدار وقت رمضان الثمين فى غير محله فى اللا افادة دة غير السيئات اللى الواحد بيشلها من مشاهدة المتبرجات ومنعدمات الحياء... تلاقى الواحدة من دول عندها ستين سبعين سنة ومش عارفة تضحك من كتر عمليات الشد والبلاوى اللى عملاها فى وشها.عافانا الله واياكم من تلك الفتن وااااااااااسف يا ابو حميد انا خرجت كدة عن الموضوع....تحياتى لك وجزاك الله عنا خيرا بهذه اللافتة الجميلة منك
|
|
#8
12-26-2008, 10:08 PM
|
||||
|
||||
|
هههههههههههههههههههههههههه
بجد حلقه جامده بس انت معاك حق الناس ديه للمسلسل ده اكتر من قيمته ولا البنات وحبهم لمهند بس انا عايزه اعرف انا ليه متهبلتش على مهند ده كده ولا اهتميت اصلا ان انا اشوف المسلسل ده يعنى كنت بشوف حلقه وافوت عشره تفتكر العيب فيا على العموم ربنا يهدى
|
|
#9
12-26-2008, 10:16 PM
|
||||
|
||||
|
|
|
#10
12-26-2008, 11:14 PM
|
||||
|
||||
..................نورتوا كلكـــــــــم ...............
kikoalx
نورت التوبيك حبيبى محمد لالالا اعدل لسانك ياصاحبى اسكندريه وحلاوتها انت كده هتقوم بدور مهند المصرى ياولاااااااااا اوعاااا وانا انزل فيك موضوع نورت ياحماده mandalove ايه ياعم اللى بتقوله ده بس متجبش فى سيرة حد قصدك ولا بكار مع رشيده تسلم ياريس على المرور البت الروشة احم احممم الناس الحلوه يعنى المذاكره يعنى الدراسه يعنى الاجتهاد وربنا يستر بالكرسى اللى فى التوقيع ده قلتى لى بئه يامعلمه الحلقه ال 99 ماشاء الله ده انتى حفظا اسامى حاجات انا اول مره اسمع عنها انتى دخلتى هنا غلط على فكره بس برضه نحب نقولك نورتى وربنا يوفقك فى امتحاناتك يااجمل بسووووومه ومش هقول ابدا ابدا انك اتولدتى فى اول السنه الجاااااااااى متخافيش حنين 2008 اهلا اهلا اهلا بالباشا بتاعتنا منوره بس استنى كده عثووول وحلقات مفيهاااش حاااااجه طيب يلا اطلعى بره بيتى وهتنامى فى الشارع النهارده ايه ياعم الغيبه الطويله دى بس يلا ربنا يوفقك وان شاء الله هبقى اسال استشير ياحضرة الدكتوره والعيال وام العيال بتسلم عليكى وبتقولك صحى خالتهم اللى فى التوقيع دى عشان رايحين السوق نورتى حنيييييييييين عمر جابر حنفى حسن مين هووووناك عمر حبيبى منور ياصاحبى وربنا يوفقك فى المذاكره ارفع راسنا بئه عاوزين نشوف بشمهندس اد الدنيا او دكتور او حتى مدرس المهم رجل ذو مكانه فى المجتمع معاك حق ياحاج الواحده تبقى شدها وشها ومش عارفه تضحك اعوذ بالله منهم لا ياعم اذا كان كده الواحد يشتغل بتاع تجميل بئه وهبقى تخصص من 17 سنه ل 25 ومش هخليهم يضحكوا خالص ياعم ولا خرجت ولا حاجه الموضوع موضوعك ياحاج يلا ايدك على 180 جنيه بئه نورت ياعمر akarm ياساااااااتر يارب ربنا يكون فى عونهم يااكرم بس فكره حلوه متعمل انت ياولا دور مهند وتروح تتجوز البت اللى اتطلقت واهو بالمره هيكون مفيش مهر كبييييييير تسلم ياريس على المرور rwdaa طنط طنط طنط روضه هناااااااااااااا يامرحبا يامرحبا لالالالا حضرتك اى نحم جميله ياطنط بس برضه السن يعنى انتى عندك 95 سنه دلوقتى عاوزه تتأثرى بمهند طب ازاااااااااااى كفايه بئه اللى موتيهم قبل كده ده انتى مدوباهم حوالى 123 نورتى ياروضه ياقمر وتسلم ايدك SHAMS_2007 مين هووووووناااااك شمس الشموووووسه  ازيك ياقمر وايه الغيبه الطويله دى اهلا ومرحبا بكى من جديد بس خلاص ياقمر طالما المسلسل عجبك خلاااااااااص انا مش بحبه برضه انا بنتقد المسلسل وافعاله اللى مش كويسه ودى وجهات نظر لاتفسد الود بيننا كل واحد حر فى رايه بس برضه مش هتتفرجى طالما دخلتى الموضوع مليش دعوه نورتى شمووووسه ربنا يخليكى ياقمرررر
|
|
| أدوات الموضوع | |
| طرق عرض الموضوع | |
|
|
| افلام | 2013 | اصحاب كول | رسائل |
Powered by vBulletin V3.8.7. Copyright ©2000 - 2013 Jelsoft Enterprises Limited
العرض العادي
