منتديات اصحاب كول 2015  

 --الوصول السريع للأقسام--

الاغـانى والفيديو كليب تحـميل افـلام للبنــات فـقـط تحميل العـاب اسـلامـيـات
تعارف و صداقات
مقاطع فيديو كل ما يخص الموبايل الهكرز والإختراق اخبار الرياضة طب و صـحـه


العودة   منتديات اصحاب كول 2015

رد
 
أدوات الموضوع طرق عرض الموضوع
  #1  
قديم 03-05-2009, 11:58 AM
I'm Me I'm Me غير متصل
اعضاء اصحاب كول المتميزين جدا


 
تاريخ التسجيل: Jun 2008
المشاركات: 13,226
افتراضي بنات<< هايفة ... تافهة ... رسيمة ... قلة ادب >>

انشر الصفحة على الفيس بوك





اعتقاد أن البنات
ما وراهاش حاجة غير الكلام فى
الموضة
وتسريحات الشعر
والماكياج
و مين عاكسنى
ومين بصلى
مين هايموت ويكلمنى ..

وان فيه جزء منهم بيتوتى يعنى مالهوش غير فى شغل المطبخ والقعدة أمام التليفزيون وحفظ الاغانى والافلام.. ومين قال ايه ويقصد ولا مايقصدش .

. طبعا أنا مابتكلمش عن المراه المصرية
.. لكن أنا بتكلم عن البنت المصرية
اللى لسه مشافتش دنيا المرمطة
واللى الكل بيبصلها على انها كائن ضعيف مسالم
وممكن يستغل بسهولة ويسلم برضه بسهولة
.. يعنى مش أكتر من انها سمكة ممكن اصطيادها بطعم مناسب وجذاب
.. وبعدين شويها وأكلها بالهنا والشفا


" احتمال " بس اللى أكيد ان مش كل البنات راكدين فى الميه ولو طلعوا منها يموتوا
.. فيه بنات كتير عايشين على الارض وشايفين الدنيا
وفاهمين قطارها ماشى ازاى ومحطاته فين ..
ودول بنات ذكية وبتفهم
, بيشوفوا من بعيد لبعيد
وبيتعلموا من بعيد بدون مايقربوا للخط الاحمر..

بس للأسف الناس برضه بتبصلهم على انهم متحررين
وعارفين اللى فيها
وبتعتبر ذكائهم نوع تانى ممكن يستغل أسوأ استغلال علشان كده تلاقى الناس بتتعامل مع النوع ده من البنات ببجاحة وبأقصر الطرق وده باعتبار ان ذكاءهم هايخليهم يمشوا أمورهم..

وفيه بنات بقى بتجيب من الاخر لانهم عارفين ان مهما عملوا ومهما راحوا موصومين بوصمة انهم بنات فى مجتمع الولد فيه هو بس اللى من حقه يعمل أى حاجة ويقول اللى هو عايزه من غير ماحد يعلق ,
والغريبة ان لسه فيه ناس لحد دلوقتى بتردد جملة " دا ولد وهو حر مفيش حاجة هاتضره " .


أما البنت فلازم يقفولها على الوحدة ويراقبوا تصرفاتها وقالت ايه ولمين وكانت واقفة بتتكلم وهى بتضحك ولا وهى مكشرة ده باعتبار ان البنت لما تضحك أو تبتسم وهى بتتكلم تبقى خرجت عن حدود الادب وتبقى بترسم وبتعيش الدور..
ولو اتكلمت وهى مكشرة تبقى برضه بترسم دور الادب والبنت اللى عايشة حياتها جد..
وياما تحت السواهى دواهى وراء التكشيرة دى أكيد فيه مليون سر وسر..
أما بقى لو البنت هادية بطبعها أو رقيقة يبقى يا سلام على السهوكة والرسم اللى على تقيل ويبقى هما دول البنات اللى نافعة واللى بتحاول تمشى أمورها بالصوت الهادى والمياصة والسهوكة..


ايه فى ايه؟! لاكده عاجب ولاكده عاجب ساكتين وحشين بيتكلموا برضه وحشين..
وفى الاخر هيفضلوا فى نظر الناس حبة بنات تافهة وهايفة مهما عملوا
والحل الاكيد ان كل بنت تعيش زى ما هى عايزة وميهمهاش أى حد ولا كلام الناس كده كده بيتكلموا بسبب أو من غير سبب يبقى مفيش فايدة من خوفكم..
ومافيش أحسن من التنفيض وتكبير الدماغ للكل..
مش انتو بنات هايفة..
أوكى اخليكم هايفين
بس محدش يبقى يحاسبكم..
وأهى هيافة بهيافة..
المهم تعيشوا مبسوطين مش مقهورين




لمشتركي الفيس بوك فقط : شاهد اقوي مواضيع منتدي اصحاب كول الساخنة بالأسفل - للاشتراك بصفحتنا على الفيس بوك ليصلك كل مميز اضغط لايك ( Like ) >>>>>

رد باقتباس
  #2  
قديم 03-05-2009, 12:05 PM
+
sem modi sem modi غير متصل
عضوه ماسية  + اقلام كول الحرم

 
تاريخ التسجيل: Sep 2008
المشاركات: 2,063
افتراضي

والله انتى كلامك معقول جدا

واحنا فعلا فى زمن لابيعجبه العجب ولا اى حاجة

تسلم ايديكى


رد باقتباس
  #3  
قديم 03-05-2009, 12:10 PM
+
sayedmet3eb sayedmet3eb غير متصل
اعضاء اصحاب كول المتميزين جدا
 
تاريخ التسجيل: Oct 2007
الإقامة: مع هشام مكان ما يروح
المشاركات: 21,055
افتراضي

اه والله صحيح البنات بقت حاجه صعبه والله
يعنى بقت الهيافه جزء لا يتجزء من حياتهم
نايس توبيك يا ساره


رد باقتباس
رد

أدوات الموضوع
طرق عرض الموضوع



الساعة الآن: 08:06 PM.

رسائل - الابراج

اجيال نيوز
Powered by vBulletin V3.8.7. Copyright ©2000 - 2015 Jelsoft Enterprises Limited