كلمات - البوم - لطيفه - في الكام يوم اللي فاتوا - 2008

[siR.MaTrix.egypT]

في الكام يوم اللي فاتو

في الكام يوم اللي فاتو جالة قلب يعيش حياتة من غيري انا بس لية
معقول يرضاها لية يجي يوم الليل علية وميبقاش جانبي فية

لو في حاجة ناويها لية ماقلش عليها
لو نسيني خلاص ساعتها يا ناس هروح انا فيها

انا ماستنيتش منة يبعدني عنة ويعيش لناس تانين
مع مين انا هنسي تعبي لو راح يا قلبي وهقول حبيبي لمين

عامل اية ودلوقتي فينة لو شافني يوم بعينة يومها هصعب علية
قلبي من بعدة خايف اصلة مجرب وعارف البعد بيعمل اية



انا عارفة

انا عارفة انه جانبك وسامعني باتكلم
لو سألك عليا قوليلة كان نفسها تسلم

مش بيكلمني ليه زعلان مني في ايه
يارتني لو اجيلة حد يصالحني عليه

انا مش زي ما بيقول عليا معاه شويه وبعيدة شويه
حاجات كتيرة بينسهالي وغلطة واحدة فاكرها ليه

انا حاولت كام مرة اوصله كلامي ولاكان صعب اوصله
ليه لما اقوله انا جايه اقابلة بيمشي لو عرف اني جايه



يا أغلى القلب

ياريت يا اغلى
القلب تفضل ليا يارب
ماليش غيرك حبيبي من غيرك اعمل ايه
يادوب قولت احب
يادوب بارتاح لقلب
مع اني كنت خايفه معرفش جرالي ايه

وانا ايه اللي جرالي ودة حالي سلمت ليه
قلبي اطمن وبالي مشغول بيه معرفش ليه
انا قلبي غالي عليا بس مايغلاش عليك

يوم غيب عليا تشتاق لك عينيه
ياروحي انا
دة لو انت جانبي وقلبك في حضن قلبي
واحشني انا

والله انت ليه دايما بين عينيه
وانت مش هنا
شوف لو غبت غني هتروح روحي مني
والثانيه بسنا



سبني شويه

سبنى شوية لوحدى عشان متضايقة شوية
ما تقلبش عليا مواجعى وتتعب فيا
دا أنا على قد مانفسى أتكلم وأشتكى منك
خايفة لا تيجى على جرحى وتزودها عليا

لية هو أنت فاضيلى عشان أجى وأحكى معاك
دة أنت بتبقى معايا وجنبى ومش لاقياك
واللى مأثر فيا بجد أن أنا شايفاك
أبعد واحد عنى وأقرب واحد ليا

شايلة فى قلبى أنا منك بس أنا مخبية
راضية معاك بقليلي وبتستهتر بيا
لية وأزاى تبقى أنت أهم الناس فى حياتى
وتحسسنى أن ماليش أى أهمية



هنخاف من مين

هنخاف من مين وأحنا الاتنين
معانا ربنا ومعانا حبنا وقلوبنا فى صفنا
هنخاف من مين وأحنا الاتنين
عايشين مع نفسنا وفي حالنا أنت وأنا طب أيه هيهمنا

أنا لو تتعب دقيقة باتعب ياحبيبى ليك
وأما باشوفك فى ضيقة باجى وأهون عليك

وأنا برضة كمان مش خايفة عشان
م الناس ومن الزمان والدنيا أنا باتحامى فيك

باغلب خوفى وضعفى علشان شايفاك فى صفى
وقدرت أستغنى عن كل الحياة ياحبيبى بيك

ساعات بتكون أبويا لما بكون بين أيديك
وساعات بتكون أخويا وأنا عنك باحكى ليك




أنا عمرى ماهنساك

أنا عمرى ما هنساك أنا دايماً فاكراك
أنا أسمى اللى معاهم وأنت كل الباقى معاك
باحلفلك سامعاك وفى بعدك شايفاك
لا أنا قلبى بيبعد عن قلبك ولا عينى مفارقاك

طيب أنا هنسى أيه طيب أنا هنسى ليه
م الأول ولآخر عمرى من قلبى مسامحاك

أطمن وأرتاح مش باقية على جراح
أنا باقية علي الحب وعمره ماتغير ولا راح
مابقولش إنى ملاك أنا فعلاً حباك
وبرغم البعد اللى تاعبنى أنا عايشة مصلحاك




لو فاكر

لو فاكر أى حاجة ليا
وصعبت عليك وجيت فى بالك
لو قلبك لسة كان عليا تنسانى ليه

ولا اللى جرالى مش كفاية
طب د أنا من يوم ما قالوا راجع
وأنا ردت روحى تانى فيا مستنى أية

فى كل طريق مشيته معاك بنادى عليك
فى كل الناس بشبّة فيك ومش بلاقيك
ساعات باشوفك قدامى

وأقول هاعيش يادوب مافيش
وأرجع أضحك على حالى
حصلى أيه دا كلة ليه معقولة دة اللى بيجرالى

فاكراك لو حتى مش فاكرنى
وهواك جوايا محتجالك
لو تعرف قد أية واحشنى وهموت عليك

مش عارفة أزاى بعدت عنى
وقدرت تعيش فى يوم حياتك
دا أنا لو يا حبيبى عايشة بعدك على حبى ليك



بيكذب

بيكدب بيحسب إنى مش فاهماه
داريت جراحى عملت نفسى مصدقاه

حس في عينيا بشىء ماريحنيش
حاول يخبى عشان مايجرحنيش
وحلفلى طول العمر مايسبنيش
حلفانه أكد للى شكيت فيه
كان نفسى أقوله حرام بتكدب ليه وتظلمنى
بس الكلام كان صعب أنطق بيه لا يألمنى

بيكدب مصدق وهم عايش فيه
واهو بان لي كدبة لكن غرور قلبة مدارية




كنا زمان

كنا زمان أقوى كنا فى جراح أقوى
وعذبنا كان بيمر
أيوة زمانا أتغير دلوقتى جرح صغير
يجرحنا طول العمر

كان دمعنا جوانا غالى
ماكانش صوته حزين وعالى
بقى دمعنا طول الليالى
دمع كله أهات ومر

أحساسنا زمان كان يتحمل مهما الحياة تقسى علينا
بنعيشها برضة وبنكمل ولا دمعة بتبان فى عنينا




روحي بترد فيا

روحى بترد فيا لما بقربك باعيش
والوقت بيجرى بيا أقصر منة مافيش
وأما بتبعد شوية اللحظة تطول عليا
كأنها فى عينيا أبداً مابتنتهيش

شوفت إزاى يا حياتى بتعمل أيه فى حياتى
وشعورى وإحساساتى
وأنا فى الحالتين باحبك والنار مابتنتهيش

وأنت ما بين أيديا كله بيحلى فى عينيا
الدنيا واللى فيها والأيام اللى جايه

بلقى البعيد قريب والعالم كلة طيب
والناس مابتشتكيش
وأما بتبعد عليا لا الدنيا بتبقى هيه
وحياتى مابتساويش




فاكر إيه

تصدق مش هخبى عليك باحبك حب مش عادى
ماكانش فى بالى يوم قبليك أحب كدة للدرجة دى

حببيبى أنا لو عليا أعيش
وأزيد وأحكى اللى جوايا
الناس يوحشها حد بعيد
واحشنى وأنت أهو قصادى

فاكر أية شوقى زيه زى اللى الناس فيه
أنا شوقى ربى اللى عالم بيه
وماحكيلكش عليه

عينيا وهي باصة عليك أنا ماغمضهاش عمرى
لو أحسب فى العدد شوقى ليك أضيع فى الحساب عمرى

بطول في الكلام عنك
عشان بارتاح وأنا فى سيرتك
مابالك وأنت ويايا أقله أسلمك أمرى




لو سهران حبيبي

لو سهران حبيبى على بالك هوايا
يبقى أنت الليلادى كدة سهران معايا
أنا زيك سهرانة حبيبى وبفكر فى هواك
والقمر اللى شايفه أنا شايفاه معاك

وحياة اللى بينا والقمر اللى بينا
أنا حاسة الليلادى حبيبى أن أحنا أتقابلنا

بتفكر فى حالى وبفكر فى حالك
والشوق اللى جالى أنا عارفة أنه جالك
لو حتى قمرنا ليلة لو ليلة هجرنا
على ضيه فى خيالنا هنكمل سهرنا



مارينا

فى ليالى تعدى عليها سنين ولا يوم بتروح مالبال
دى ليالى تقابل فيها حنين أجمل من أحلى خيال
دة العمر اللى عشناه والحلم اللى حلمناه
أجمل من كدا حياة بجد دى أحلى حياة

أشتاقنا حبينا فى مارينا كل دة في أيام
القاعدة ع المرسى فى مارينا شئ ولا الأحلام
السهر والليل مارينا أحلى من كدا أيه
والغرام برشا فى مارينا أية نفكر فيه

أنا بالنسبة لى العمر ساعات الحلوة اللي بتتعاش
مش يوم بيفوت على كدا وخلاص ويعدى وكأنه ماجاش
دة العمر اللى عشناه والحلم اللى حلمناه
أجمل من كدا حياة بجد دى أحلى حياة