منتديات اصحاب كول 2014  

دردش مع اصحاب كول و اتعرف على صـبـايـا و شباب الان !!

 

 

 هام :- لايمكنكم رؤية المواضيع الا بعد الإشتراك بالمنتدي/ للإشتراك اضغط هنا / من فقد عضويتة

Missing Plug-in  هام : جهازك لا يمكنه تشغيل و مشاهدة الأفلام والفيديو بجودة عالية HD
X
 

العودة   منتديات اصحاب كول 2014 > =----> (منتديـــات الشــكــاوي والإقتـراحــات) <----= > منـتدي الشكاوي والاقتراحات > مواضيع هامة

Notices

موضوع مغلق
 
أدوات الموضوع طرق عرض الموضوع
  #1  
قديم 05-01-2009, 02:54 AM
+
shetoos shetoos غير متصل
كول نشيط
 
تاريخ التسجيل: Jul 2006
الإقامة: egypt
المشاركات: 108
29 اقوي نكت 2011 على الاطلاق لن تجد مثيل لقوتها و لخفة دمها

انشر الصفحة على الفيس بوك
نكت 2011 جامده جدا

نعرض لكم الالاف النكت المكتوبة .. وايضا اقوي النكت بالفيديو
اولا الفيديو

نكت جامده جدا


نكت محمد سعد


نكت من اول السطر .. مسخره


ثانيا النكت المضحكة المكتوبة .. ضحك السنين

واحد اشترى غسالة فول أوتوماتيك مراته عزمت الجيران علشان يشوفوها ز تغيظهم حطت في الغسالة 20 كيلو غسيل والغسالة المسكينة بتاخد بس 7 كيلو وشغلتها والجيران باركولها وعزمتهم على كوباية شاي وبعد شوية الغسالة بدأت تنشف…… الغسيل ومن كتر الحمل عليها قعدت تتحرك ناحية البلكونة شفتها مرات صاحبنا قامت جريت عليها وقالت لها والله ماانت نشره الغسيل أنا اللي حنشره
مره واحد مستعبط اتجوز وحده مستعبطه… خلفو عيال مستهبله… استعبط الاب وعمل نفسه ميت..استهبلو العيالودفنوه.
واحدة مصرية ماشية في امريكا فواحد عاكسها فقالتلو: ((collect your self azarwise I will collect za street on you , your mother’s soul )) الترجمة بالعربي : لم نفسك بدل ما ألم الشارع عليك يا روح أمك
مدرس انجليزي بيقول لطالب لو عايز تقول لواحد تعالا هنا بالانجليزي حتقولو إيه ؟ قالو حقوله : كام هير ، قالو طب لو عايز تقولو يرجع تاني حتقولو إيه ؟؟ قالو : الف من الناحية التانية واقولو : كام هير .
مره جماعه مساطيل قاعدين فى خيمه ليها بابين بيحششوا وكانوا عايزين كبريت راحوا بعتوا واحد ( مسطول طبعا ) يجبلهم كبريت راح خارج من الباب ودخلهم من الباب التانى وسالهم: الاقى معاكم كبريت . قالولوا تعال اقعد احنا لسه باعتين واحد يجيب لما يجى ابقى خد منه
حمار وحشي و حمار عادي كانوا بيتسابقوا اول ما بدء السباق الحمار الوحشي جري والعادي متحركشي سالوه مجرتش ليه قالهم و الله ما انا متحرك من مكاني الا لما تجيبولي ترينج زيه
مره مدرس بيسأل الطالبه بتعملو ايه لما بتروحو…؟واحد قال انا بروح اتفرج على التليفزيون وانزل لاحمد بتاع الحشيش…والثانى قاله انا يروح العب كوره واروح لاحمد بتاع الحشيش… والثالث قاله انا بروح اصلى وافرأ قرأن واذاكر… فا المدرس فرح اوى وخده بالحضن وسأله انت اسمك ايه؟ قاله انا احمد بتاع الحشيش
احدة رايحة تشترى بغبغان الراجل قالها دا بغبغان جامد ترفعى رجليه اليمين يقولل اغنية لتامر حسني ترفعى رجليه الشمال يغنى لعمرو دياب قالتله ولو رفعت رجليه الاتنين هيعمل ايه رد الغبغان وقال هقع ياروح امك
مرة واحد سافر لأمريكا ولما رجع اصحابه سألوه :ايه ايه الي لفت نظرك هناك,فقال:انا شوفت العجب في امريكا تخيلو العيل الي عندو تلات سنين بيتكلم انجليزي
احد بيقول لصاحبه: شايف الست اللى واقفة هناك دى؟بتضرب كل يوم جوزها بالجزمةقال له: وعرفت ازاي؟رد: أصلها مراتي
واحد بلدياتنا واقف بيقلع هدومه فى ميدان التحرير .ولما الناس سألوه بتعمل ايهقالهم اصل الكمسرى قالى عشان اروح شبرا لازم اغير فى التحرير


صعيدى قاعد مع خطيبتة فى الكازينو اتقطع الكهرباء قالتلو يللى انتهز الفرصة قام هرب من غير ما يدفع الحساب
***************************

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ
انسطل اطفيها انام.


************************
مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟

*************************************

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

***************************************

واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقلها ايه ده؟؟ قالت له استر عليا ده انا ديييييييييييك

*************************************

واحدغبي راكب مع ابوه العربيه ابوه قاله اقفل الشباك ياولد الجو برد ... الولد قاله ياسلام عليك اما انت عليك تقاليع هوا يعني لما اقفل الشباك الدنيا بره هتحرر؟

**********************************

كان فى قرية كلها اغبياء وكان فيها حفرة كل الناس بتوقع فيها وتتعور
العمدة جمع اذكى 3 فى القرية علشان يحلو المشكلة
اول واحد قال: احنا نبنى مستشفى جنب الحفرة اللى يقع يدخل يتعالج
العمدة:انت غبى اوى
تانى واحد:احنا نجيب اسعاف جانب الحفرة اللى يقع تشيلة للمستشفى
العمدة:انت اغبى منة اقعد
التالت:يا حضرة العمدة احنا نردم الحفرة دى ونعمل واحدة تانية جنب المستشفى


***********************************

صعبدى سافر امريكا واصحابة نصحوة ياخد معاة 3 زلع مش
علشان الاكل الامريكانى مش حلال
بس نبهوة يسمى قبل ما ياكل
اكل اول زلعة بس نسى يسمى
تانى شهر اكل : برضة نسى يسمى
ثالث شهر طلع الشيطان قالة:
ابوس ايدك سمى صدرى اتحرق

*****************************************

واحد سافر مع سكرتيرته، وماحصلوا بالفندق غير غرفة وحده. ولما صار وقت النوم قال لها :
تبين أنام معاك كسكرتيرة والا كزوجة؟



قالت: ياريت كزوجة!

..اداها دهره ونام!!


************************

واحده بتقول لزوجها اجيبلك ايه من لبنان؟

! قال: عاوز بنت لبنانيه

لما رجعت من السفر سألها: فين هديتي؟

!! ....قالت: بعد تسع شهور تستلمها


**************************************


فيه شايب قال لولده: انت ماتستحي على وجهك شف عيالك ماشاءالله عليهم لحاهم طويله ولا يدخنون ويصلون بالمسجد وانت الله لايبلانا حالقن لحيتك وتدخن ولاتصلي بالمسجد ماتستحي على وجهك.. قاله ولده: هذولا عيالي انا اللي مربيهم لكن انا من اللي مربين؟


**********************************

فيه واحد مجنون بليستيشن:مات ابوه كتب على قبره

game over.



*********************************
شباب يدرسون في امريكا..... مات ابو واحد منهم واحتاروا كيف يعلمونه ..... واحد منهم ندل قال : انا ها اقوله .... راح للي مات ابوه ..... وقال له : متى آخر مرة شفت ابوك ؟ قال : قبل شهرين ..... قال الندل : عند امه يا ادهم لو شوفته تاني

**********************************

واحد جاء الى جده لقاه بيطلع في الروح .... لحقه بسكينه

***************************************
مرة واحد حلاق بيعلم ابنه الصغير الحلاقه
وكل ما يغلط الولد يجى ابوه يضربه بالخرزانه

يقوم الولد موطى تيجى فى الزبون وكل مرة كده
لغاية لما الزبون استوى
وفجأة قطع الولد ودن الزبون فمسكها فى يده
وقال للزبون يا فندى يا فندى ودنك اتقطعت
قاله الزبون ابوك شافك قال لأ
قاله طب ارميها بسرعة قبل ما ابوك يشوفها

*************************************
مرة واحد مخنوف من الدنيا كلها رن جرس الباب الساعة 10 صباحا فتح الباب لقى وحدة مذيعة بتقلة ممكن نعرف بتعمل اية لما تقوم من النوم قال انا بقوم من ام النوم بنزل ام رجلى اروح ام الحمام افتح ام الحنفية اغسل ام وشى اروح ام الغرفة اقلع ام الترنج البس ام البنطلون انزل من ام الشقة اركب ام الاتوبيس انزل من ام الاتوبيس اروح ام الشغل وبعد ما اخلص ام الشغل ارجع ام البيت وخلاص فقالت المزيعة شكرا يا فندم ويلعن ام البرنامج اللى خلانا نشوف ام وشك

*********************************


واحد شكله غلبان ويصعب عالكافر قاعد على قهوه باصص لكوباية شاي قدامه ومتنح !

شافه واحد رذل عامل نفسه فتوه ,فقال أما اروح أتنطط عليه شوية,راح أدخل عليه وشادد الكوباية من قدامة وشربها على بق واحد , وحطها قدامه فاضيه وقال له ماتنساش تدفع البقشيش !

الراجل راح منفجر في العياط والنهنهة! لدرجه إنه صعب على الفتوه ,فخبط على كتفه وقال:
ياراجل ماتعملش في نفسك كده , معقوله راجل بشنبات يعيط علشان كوباية شاي بخمسين قرش؟
أنا مش بعيط علشان الشاي , بس النهارده أسوأ يوم في حياتي!

صحيت الصبح متأخر , فأخذت الموتوسيكل بتاع أخويا علشان ألحق أفتح المحل , بس برضه وصلت متأخر وصاحب المحل هزأني, ما أستحملتش راح طاردني.

جيت أخذ الموتوسيكل علشان أروح لقيته أنسرق , رحت أبلغ أخويا , أتهمني بسرقته! و, و بعد ما ضربوني في القسم علشان أعترف طلعوني بكفالة مش عارف حأسددها أزاي.

و حتى لما قررت أنتحر , جيت أشرب كوباية السم , جيت أنت وخطفتها من إيدي وشربتها .
.دا انا حظى نحس


************************************

اجتمع الأولاد حول أبوهم وهو يلتقط آخر أنفاسه وأراد الأب أن يعلمهم درساً من دروس الحياة فأمسك عصا بيده وأعطاها لأحد أبنائه، وقال له: اكسرها فكسرها، فابتسم الأب ثم أمسك مجموعة من العصي وقال له: والآن اكسر هذه فأمسكها الولد وكسرها، فصمت الأب ثم أمسك مجموعة أكبر من العصي وقال: والآن حاول أن تكسر هذه، فأمسكها الولد وكسرها، فقال الأب: أرأيتم يا أبنائي مادام هذا الجحش معاكم، فلا خوف عليكم.

*******************************************

دجاجة انتحرت وكتبت في وصيتها خلو ماجي ينفعكم

*******************************

واحد مر على جماعة حشاشين فقالهم..حرام عليكم
ردوا عليه ..وعليكم الحرام


*************************************

مره طالب بيسأل استاذه استاذ ممكن الانسان يعاقب على حاجه معملهاش الاستاذ لا قالوا طيب انا معملتش الواجب

**********************************
واحد بيسال صاحبه هو ايه الفرق بين تجارة الحشيش وتجارة عين شمس ؟ قام صاحبه قال تجارة عين شمس 4 سنين انما تجارة الحشيش اقلها 25 سنة


اجمد 100 نكته
1- اصطحب أحمقان وبينما هما يمشيان في الطريق يوما قال أحدهما للآخر تعال
نتمنى . فقال الأول أتمنى ان يكون لي قطيع من الغنم عدده 1000 وقال الآخر
اتمنى أن يكون لي قطيع من الذئاب عدده 1000 ليأكل أغنامك ، فغضب الأول
وشتمه ثم تضاربا ، مر جحا وسألهما فحكيا له قصتهما وكان جحا يحمل قدرين
مملوءين بالعسل فأنزل القدرين وكبهما على الأرض وقال لهما اراق الله دمي مثل
هذا العسل إن لم تكونا أحمقين
—————————————–
2- في بحار أمي (جاهل ) وبيطلع نزهة بالسواح وفي مرة من المرات ركب معه
سائح متكبر ويقول للسائح هل تعرف شيئا عن العلوم ويرد البحار لا ، فيقول له
نصف عمرك ضائع وتكرر هذا عدة مرات وفجأة غرقت المركب فقال البحار
للسائح هل تعرف السباحة فأجاب السائح بلا فقال البحار كل عمرك ضائع
—————————————–
3- بخيل واقف فى البلكونة… ابنه جاى من بعيد يقول له بابا بابا بابا … قاله:
يا ابن الكلب بابه واحده كفاية.
————————————–
4- قال بخيل لأبنائه : من ينجح منكم سأريه سيارة الأيس كريم.
—————————————–
5- امراه بخيله قالت لولدها يامحمد روح اشتري ثلاثه رغيف واحد لي وواحد
لوالدك وواحد ليك وبعد ما راح الولد لشراء الرغيف طلعت الام من البلكونه
وقالت يامحمد رجع الرغيف الثالث ابوك مات.
—————————————–
6- بخيل يوم مات لقوا وصيته ( انا متسبح لا تغسلوني )
—————————————–
7- بخيل اخذ ولده الى السوبر ماركت، اخذ الولد بسكوت وشوكلاته قال يابابا
احبه قال الاب بوسه ورجعه.
—————————————–
8-كان أحد البخلاء على فراش الموت واخذ يسأل عن أبناءه، أين محمد ؟ قال
محمد: نعم يا أبي… وأين محمود ؟ رد محمود باكيا، انا هنا يا ابي… الأب: ما
هذا انتم الاثنان هنا، اذا من يقف في المصنع ؟!
—————————————–
9–بخيل اتزوج بخيلة جابوا بنت سموها حصالة.
—————————————–
10-اشترى رجل بخيل ثلاث برتقالات، قطع الأولى فوجدها متعفنة فرماها، قطع
الثانية فوجدها متعفنة فرماها، فأطفأ النور وقطع الثالثة وأكلها.
—————————————–
11-قال الطبيب للبخيل: خذ من هذا الدواء أربع ملاعق كل يوم. فرد البخيل: لكن
يا دكتور لا يوجد عندي إلا ملعقتين فقط! فما العمل ؟
—————————————–
12- البخيل: حظي سيئ!! الصديق: ولماذا ؟ البخيل: لأن الصيدلية التي بجوارنا
أعلنت عن تخفيضات وليس فينا أحد مريض.
—————————————–
13- تراهن بخيلان على من يبقى تحت الماء أكثر من الآخر يدعوه للعشاء…
فلم يخرج أحد منهما حتى الآن.
—————————————–
14- مرة بخيل طب في حفرة فتجمع عليه الناس علشان يساعدوه… المهم انه
في الاخير ما كان راضي انه يطلع فجاهم واحد و سألهم عن هذا الشخص البخيل،
قالوله احنا قاعدين نقوله اعطنا يدك اعطنا يدك وهو رافض. قال بسيطه… خذ
ايدي… فطلع البخيل.
—————————————–
15- انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة.
—————————————–
16- أعطت إمراءة بخيله ابنها ريالاً وقالت له: أذهب واشتري خبزاً… لكن يا ويلك
اذا ضاع الريال منك. و في الطريق للمخبز شاهد الولد سياره تصدم أبوه… فذهب
مسرعاً إلى أمه البخيله وقال لها: امي امي .. الحقي .. أبي صدمته سياره!!
فقالت: اوووه .. بسيطه .. ظننت أن الريال قد ضاع منك.
——————————————
17-اجتمع ثلاثة من البخلاء وقرروا التبرع بجزء من مالهم بعدما كثر كلام
الناس عليهم. قال البخيل الأول: سأرسم دائرة على الأرض وأرمي المال في
السماء فالمال الذي يسقط بداخلها لي والمال الذي يسقط خارجها للفقراء!! قال
الثاني: أما أنا فسأرسم خطاً على الأرض وأرمي المال في السماء فالمال الذي
على يمين الخط لي والمال الذي على شمال الخط للفقراء!! فقال الثالث ( وكان
أشدهم بخلاً): أما أنا فسأرمي المال في السماء فالمال الذي يسقط على الأرض لي
والمال الذي يبقى في السماء فللفقراء
—————————————–
18- في مرة واحد نذل راح عا المقابر وحط شريط الحياة حلوة
—————————————–
19- في عجوزه راحت الغابه شافها الاسد قالتلو لا تاكلني ؟قالها لا تخافي ما اكل
نواشف
—————————————–
20- واحداخذ الدواء قبل ميعاده ليش؟؟؟ علشان يفاجئ الجراثيم
—————————————–
21- فيه شى اسود يمشى على الجدار ويقول : ميووو…ايش يكون؟؟؟ غراب
بيستهبل
—————————————–
22- فيه نقطة زرقا على الحيطةايه هي ؟؟؟ نملة لابسة جينز
—————————————–
23- واحد نذل اختلف مع ابوه طلع من البيت وكتب عليه هنا مقر طالبان
—————————————–
24- بخيل بنى مـسـجـد شـاف الناس اللي بيدخلوه كثير قـلـب
الـمـسـجـد مـطـعـم
—————————————–
25- اسد وكلب اتفقوا ان كل واحد يضرب الثاني علي قفاه بدأ الكلب وضرب
الاسد ولما جاء الدور علي الاسد الكلب جري والاسد بيجري وراءه الاسد سال قرد
بيقرا الجريده مشفتش كلب جري من هنا رد القرد وقال الكلب الي ضرب الاسد
علي قفاه غضب الاسد و قال الله يخرب بيوتهم هي لحقت تنزل في الجرايد.
—————————————–
26- مرة واحد قروي لقى الفانوس السحري دعك الفانوس العفريت جاله
تسلخات
—————————————–
27- مجانين حط لهم الدكتور أغنيه … قامو يرقصون الا واحد !! قال له
الدكتوور ليه ما ترقص قال اصل انا العروسة
—————————————–
28- فيـــــــه شايــــــب مسوي عملية تجميل قام الصبح يبكي
ليش ؟؟؟؟؟؟ لانــــــــه تاخر على الروضــــــــــــه
—————————————–
29- بخيل اشترى نصف كيلو تفاح عض التفاحة الاولى لقاها مسوسة والثانية
كذلك طفا الكهرباء واكل التالتة
—————————————–
30- مره واحدة عجوزة عندها 80 سنه لقت مصباح علاء الدين طلع لها الجنى
طلبت منه تصغر 30 سنه بقى عندها 50 سنه وطلبت منه يصغرها 20 سنه
بقى عندها 30 سنه طلبت منه يصغرها 10 سنين بقى عندها 20سنه طلبت منه
يصغرها 10 سنين جلها الحصبه ماتت
—————————————–
31- مرة ديك بقول لفرخة تتجوزيني عرفي قلتلة ده بابا يدبحني
—————————————–
32- مهندس كمبيوتر، حلل دمه، طلعت فصيلته HP
—————————————–
33- كلب شوارع مر من جنب مخفر شرطة شاف كلب بوليسي قال آخ لو كملت
تعليمي
34- مرة واحد بيحلم كل يوم بماتشات كتاكيت… راح للدكتور… فقاله هديلك
حقنة دلوقتي ومش هاتحلم بيهم تاني خالص… قاله
خليها بكرة يا دكتور علشان النهاردة ماتش النهائي
—————————————–
35- واحد بتاع فيديو جيم مات كتب علي قبره جيم أوفر
—————————————–
36- مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس … يالهوي وعملتي إية .. عملت بامية وامري لله
—————————————–
37- واحد سباك نفسه اتسدت غرقت الشقة
—————————————–
38- في مجموعة بخلاء مشوا على الكورنيش لقيوا لوحة مكتوب عليها منطقة
قروش قاموا كلهم نطوا في البحر
—————————————–
39-خبيث دخل أحد المطاعم وطلب صحن فول، وبعدما أنتهي من آكله سأل
الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج
ال13 قرش ورماها على الارض.. وتكرر المشهد 3 أيام متتالية. وفي اليوم
الرابع دخل المطعم وما معاه صرافة فاعطى الجرسون ربع جنيه(25) قرش وقال
له واحد فول، طبعا الجرسون حب ينتقم منه فاحضر الباقي(12)قرش ورماهم
على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت.
—————————————–
40- طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت … راح الطفل حاطط شوية سكر تحت السجادة… يومين و
لاقى صرصار فقال له لو مكنتش ابنى كنت قتلتك 22- 12
—————————————–
41- واحد قال لخطيبته أنتي لبن أنتي قشطة أنتي حليب أو أقلك ؟ أنتي البقرة
كلها
—————————————–
42-غبى شاف مقهى انترنت مكتوب عليه الساعه بــ 3 جنيه …. دخل يسأل
هي ضد الماية ؟؟
—————————————–
43- اتنين سكرانين ماشيين…فواحد قال للتاني:لما أموت ابقى اشرب لي الكاس
بتاعي ….فصاحبنا مات ، وبعد كام يوم التاني راح البار وطلب كاسين… قاله:
ايوه بس انت لوحدك…. فحكى له على الموضوع …..وبقى كل يوم يشرب
كاسين…لحد ما فى يوم طلب كاس واحد ……..الراجل قالوه اشمعنى…قاله:
اصل انا بطلت اشرب
—————————————–
44- واحد رخم قرصه ثعبان قعد يضحك يضحك الثعبان قاله مالك بتضحك ليه
دانا قرصتك قاله اصلي أنا عندي الايدز . 24-12
—————————————–
45- كان أحد البخلاء متضايقاً وحزيناً ، فسأله زميله : ما بك ؟
فقال البخيل : لقد انكسرت سنة من أسنان مشطي .وأنا أريد تسريح شعري .
الزميل : ألا يمكنك استخدام المشط دون هذه السنة ؟
البخيل : لا … لأنها كانت السنة الأخيرة !!!
—————————————–
46- مرة كان في أرنب مريض وراسه يوجعه فقالت السلحفاة له انا راح اجيب
لك بندول وبالفعل طلعت. ومر الوقت والارنب مريض ساعة ساعتين ثلاث خلص
اليوم وفي اليوم الثاني صحا الارنب من النوم والسلحفاة لسة ما رجعت فطلع
يتحرى وشافها توهها على بعد 100 متر فصرخ عليها وقال انا الغلطان اللي
اعتمد على مثلك فردت السلحفاة” احترم نفسك ولا ماني رايحة 5-1-2004
—————————————–
47- مرة اربع صاعيدة داخلين امتحان فاجلهم سؤال فى الامتحان وهو كام
عددارجل المعزة فكلهم سألو صاحبهم حسنين ووما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة هههههههه
—————————————–
48- جماعة صعايدة بيلعبوا كهرباء على الطريق السريع اللى تخبطه عربية
يطلع برة
—————————————–
49- مرة تلاتة صعايده راحوا محطه القطار لقوا القطر ماشى اتنين منهم طلعوا
يجروا ورا القطر و التالت واقف يضحك عليهم .
الناس ساءلوه بتضحك ليه قالهم اصل انا اللى مسافر والاتنين التانين جايين
يودعونى
—————————————–
50-صعيدى راكب تاكسى السواق نزل يحيب علبة سجاير لاقاة خلع عصاية
الفتيس
سالة لية خلعتها
قلة شفتك عمال تلخلخ فيها قلت لما اشلهالك علشان متتعبش
—————————————–
51- مرة اثنين ساكنين فى ناطحات سحاب لكن المصعد كان معطل فطلعوا على
رجليهم فوصلوا الى الدور 99 فقال واحد للاخر عندى خبرين الاول حلو والثانى
وحش الحلو ان احنا وصلنا الى الدور 99 والوحش ان العمارة مش بتاعتنا
____
52- صعيدي عندو أرق مش قادر ينام صحبو قالو عد لغاية 500 بدأ يعد ولمن
نعس راح غسل وشة وجا يكمل للـــ 500
—————————————–
53– تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه
التالت ضحك وقال انا اكتر نداله الراجل ده يبقي ابويه
—————————————–
54- واحد بلدياتنا كان قائد فى الجيش و قدامه أربع صفوف عساكر ….واحد
من العساكر عطس..القائد سأل أول صف مين اللى عطس محدش رد فتح عليهم
النار قتلهم كلهم
و بعدين سأل الصف التانى مين اللى عطس محدش رد ..راح فاتح النار عليهم
….و إدور على الصف التالت قام واحد خاف و قاله انا اللى عطست ياباشا…قاله
القائد يرحمكم الله
—————————————–
55- سئلوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة
—————————————–
56- مرة واحد مسطول آل لواحد مسطول تاني يلا نسرق العمارة دي فرد التاني
:نوديها بعيد الأول علشان محدش يوشفنا وبعدين ألعوا هدومهم وحطوها وراهم
وأعدوا يزؤواوبعدين جه حرامي وسرق هدومهم فواحد بص وراه ملآش الهدوم
فأل للتاني كفاية كده إحنا بعدنا أوي
—————————————–
57- مرة واحد ظريف عاش في الدور.واحد أظرف منه عاش في الدور اللي فوقه
مرة واحد ظريف عاش في الدور.واحد أظرف منه عاش في الدور اللي فوقه
—————————————–
58- مره واحد فتح التلاجه شاف الجيلي بيرتعش قال له متخافش حشرب ميه
مرة واحد ظريف عاش في الدور.واحد أظرف منه عاش في الدور اللي فوقه
—————————————–
59- مرة صعيدى راح يكشف على ابنة الدكتور
غاب نصف ساعة و رجع قال لة البقية فى حياتك رجع الولد لابوة لآلآلآ يا با ه انا
ممتش
قال له اتنيل على عينك هتفهم احسن من الدكتور
—————————————–
60- مرة واحد عداه العيب خد اللي بعده.
—————————————–
61- مرة واحد دماغه لفت قابلها من الشارع التاني.
—————————————–
62- واحد اتجوز واحدة اسمها نعمة باسها وش و ضهر.
—————————————–
63- مدير مدرسة عمل فرح وزع على المعازيم أرقام جلوس.
—————————————–
64- واحد شحات راح لواحد عجلاتي قال له أعطيني مما أعطاك الله، قال له
العجلاتي خد لك لفة.
—————————————–
65- مدرس جغرافيا جاب لمراته هدية سلسلة جبال. 31-12
—————————————–
66- واحد بلدياتنا نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت.
—————————————–
67- مرة اتنين مساطيل قاعدين بيحششوا قدام نشرة الأخبار في التليفزيون
فنشرة الأخبار طولت، راح الأول قال للثاني: هيه ليه نشرة الأخبار طولت النهاردة
كدة؟ رد عليه الثاني و قال: معلش أصل شكلها كدة النهاردة آخر حلقة.
اتنين بلدياتنا فكروا يلعبوا شطرنج … الملك ضرب نفسه بالنار.
—————————————–
68- مرة سواق تاكسي قابل واحد مسطول قال له تاخد كام و توديني فين؟؟
السواق رد عليه و قاله: هات اللي تجيبه و انزل هنا. 12-2-2005
—————————————–
69- مرة واحد توأم شاف أخوه قال له: انت فين من الصبح يخرب شكلك أمي
خلتني أستحمى مرتين.
—————————————–
70- مرة سواق تاكسي داس بنزين موته. 3-1-2004
—————————————–
71- مرة سواق تاكسي داس فرامل فعصه.
72- واحد بلدياتنا عاوز يفسح عروسته في شهر العسل، فسحها في منحل.
—————————————–
73-مرة واحد تعب من المشى طلع يجرى
—————————————–
74- تلاتة بيحششوا حصل كبسة عليهم اتنين هربوا والتالت استخبى في البوكس
—————————————–
75-واحد بلديتنا راح امريكا لقى كل الشباب لابسين تشيرت مكتوب علية سفن
اب كوكاكولا – بيبسي
راح كتب على الجلابية عصير قصب
—————————————–
76-دكتور عيون قاعد مع خطيبته في حديقه الاسماك معاه ورده قالها شايفه
الورده دي يا حبيبتي قالت له ايوه فرجع ايده لورا شويه وقالها طب وكده
—————————————–
77- في المدرسه استاذ الحساب بيسال التلميذ بتاعه: لو باباك استلف الف جنيه
من البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا
—————————————–
78- واحد مسطول بيسأل واحد مسطول ثاني: اسم دولة أوروبية لو حطيت على
أخر حرف فيها نقطة تصير اسم عالم ذرة
التاني قاله أنا غلب حماري
الأول قاله: الدولة هي قطر ولما تحط نقطة حتصير قطز
التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟ 17-1–26-2-2005
—————————————–
79- مرة واحد متجوز عنده دولاب قافلة 20 سنة والمفتاح معاه هوه بس,
مراته هتجنن وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في
الدولاب الست قالت عشرين سنه جواز ومرتين بس مش مهم وسالته طب
والعشرين الف جنيه
قالها كنت كل ماجمع كرتونه ابيعها
—————————————–
80- واحد سنانه كلها طايرة ما عدا الانياب… قدم علي وظيفة عينوه خرامة
—————————————–
81- مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة
—————————————–
82- مرة 5 دخلوا كلية الهندسة اثنين طلعوا مهندسين وثلاثة مدينة نصر
—————————————–
83- زوجه خوافه قوى كل يوم وهيه نايمة جنب جوزها تقولهاالحق يا عبده أنا سامعه صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت
—————————————–
84- مرة واحد عجلاتى قعد على قهوة طلب كاوتشينو
—————————————–
85- كمسري أبوة مات ماشى في الجنازة يقول يا حضرات الجنازة فاضية آدام
—————————————–
86- واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ….راح قعد مكانها
—————————————–
87- مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع
النسيان الدور الثالث شقة 5 اه يا جوزززززززززززززززززي
—————————————–
88- في واحد دلوع اوي, دخلوه اهله الجيش , سأله القائد : تعمل ايه لو قابلت العدو
… قال : ارمي السلاح في وشه و اقولوا اكرهك اكرهك اكرهك
—————————————–
89- تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش
—————————————–
90- واحدة فافى راحت لمصنع من مصانع تعبئة الالبان وشافتهم وهم بيحلبوا البقر
فسالتهم طب والبقر الفاضي بتعملوا فيه ايه.
—————————————–
91- مرة واحد نزل محطة الرمل رجله غرزت
—————————————–
92- شرطي مرور خلف واد بيتكلم بالاشارة
—————————————–
مرة واحد راح الجهاديه طلع من الجهة التانيه
—————————————–
93- مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : درة يا بيه….. فقال له المفتش انتو ما بتفهموش حاجة الكتاكيت دي بتاكل علف…….. وراح عمله غرامة 1000 جنيه…. راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه
—————————————–
94- واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى…….طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ….. وقابل موظف اخر وسأله عن الفراخ المدبوحة ومقطعه
فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع …..
طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام
—————————————–
95- واحد راح الصيدلية وقال للدكتور : عايز لبن اطفال ….. الدكتور: اسمه ايه !؟
,,,,,, الراجل : اسمه اشرف
—————————————–
96- بخــيل وقع فى حفرة ، فتجمع عليه الناس علشان يساعدوه … المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا
قاعدين نقوله هات ايدك هات يدك وهو رافض، قال بسيطه ، راح عند البخيل وقال
له خذ ايدي …………….فطلع البخيل
—————————————–
97- كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه
أصفر إضربه و قول له أنا عاوز جزر أحمر، و إذا جاب لك جزر أحمر إضربه و
قول له أنا عاوز جزر أصفر. فقال النمر للأرنب أنا عاوز جزر، فقال له الأرنب،
عاوز الجزر أصفر و لا أحمر.النمر نزل في الأرنب ضرب و قال له إنت ودانك
طويلة ليه
—————————————–
98- فرختين مشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة
—————————————–
99- مرة واحد حب… كلته الفراخ
—————————————–
100- مرة اتنين ماشيين ف الصحرا… طلع عليهم اسد… راح واحد منهم رمي عليه
طوبة وطلع يجرىىىىىى… وبص وراه لقي صاحبه واقف ما بيجريش… قال
له مش بتجري ليه؟ قال له واجري ليه؟ هو انا اللي ضربته؟؟؟؟؟

- واحد بيقول لمراته: من ساعة متجوزتك مبفكرش فى أي ست، قالها: للدرجة دى بتحبني؟ قاللها: لأ، للدرجة دى انت كرهتنيي فى الستات، الله يخرب بيتك إنتى وكل الستات

واحد ليلة دخلته بعد ما مراته مسحت المكياج
اتصل بصاحبه وقاله
-
أسلى السلعوه ازاى يا شريف ؟؟

مرة عجوزة متهمة فى جريمة قتل قالت
والله أنا بريئة صدقوني؟؟؟؟
فرد عليها القاضي بذكاء :
.لكن مواصفات القاتلة كلها تنطبق عليك : بنت جميلة رشيقة وجذابة

العجوزة اتكسفت ونزلت راسها لتحت وقالت :
والله ما كنت ناوية اقتله

# مرة واحد بخيل بعت إبنه عند اللبان وقاله هات بربع جنيه جبنة، اللبان قاله روح قول لأبوك تعالى إلحس السكينة

# واحد بيقول لصاحبه هوانا لما ابوس اختك نبقى نسايب قاله لأ نبقى خالصين .
# * واحد صعيدى بيقول لصاحبه شوف العالم الهطله يدفعوا 25 مليون علشان بن لادن أمال لو كان بن محوج كانوا عملوا إيه .
# * ندل واقف فى ميكروباص ضحك لبنت ضحكتله غمزلها غمزتله شاورلها تنزل نزلت قعد هو مكانها .
# * واحد اهبل مراته ولدت بعد شهر من الجواز سألوه ازاي ؟؟؟؟؟؟ قال يانهار اسود على الحسد ياناس .
# * مرة واحد كسلان اتجوز واحدة كسلانة كسلوا يخلفوا .
# * عشر صعايدة بيتعلموا ربط الكرافتة 6 ماتوا و 4 في حاله حرجه .
# * صعيدى دخل راسه فى قفص الاسد الحارس قاله انت بتعمل ايه يا بويا قاله يا عم ما تخافش واحنا هناكله .
# * واحد سأل الثاني ليه اليهود خشومهم كبار؟ الثاني رد عليه علشان الهواء مجانيفي جني احول بيدخل في واحد …. دخل في جدارالأستاذ : لماذا يغيب القمر ؟ التلميذ : يذهب ليقبض المعاش
# * فيـــه عـجـوز… مـاتـقـومش إلا بـإشــتـراك
# * مره واحد اشترى لمبه مسمار دقها في الحيط
# * واحد بلدياتنا بيتخانق مع واحد فضربه على وشه فقاله ليه ما قفايا موجود
# * واحد بلدياتنا وقع من الدور العاشر .. جاله صداع
# * واحدة بتلعب استغماية مع خطيبها قالت له لو لقتنى هتبوسنى لو ملقتنيش انا ورا الباااااب .
# * مرة حسنين لقى شنطة فلوس و عايو يخبيها قام حافر فى الارض و دفنها و كتب مافيش فلوس هنا قام محمدين حفر و خد الفلوس و كتب محمدين مخدش حاجة .
حشاش سايق إسعاف في الحرب ناقل 35 قتيل،سمع في الراديو سقوط 30 قتيل، وقف وفتح الباب وقال: الخمسة اللي بيستهبلو ينزلوا حالا .



في احدى الدول قام الرئيس بالقاء خطاب على الجمهور فوقف فرد من الشعب وقال له يا سيادة الرئيس عندي مشكلة، فقال له اتصل على الرقم المجاني فيه رئيس دولة فقيرة زار أحد الدول الخليجية فاستقبله الأمير ورحب فيه وقال خذوه لقصر الضيافة، فقال الضيف الزائر لا أنا عاوز بدل سكن
كان أحد الحكام ممن اشتهروا بالظلم والبطش يسافر على متن طائرة، فنظر من النافذة وقال لحاشيته: لو القيت مئة دولار من الطائرة ماذا يحدث ؟
فأجابه احد الحاشيه : سيجدها احد المواطنين ويفرح بها.
ثم سأل مرة اخرى: ولو القيت الف دولار ؟
اجابه اخر : سيجدها بعض المواطنين ويفرحوا بها .


قال قائد الطائرة وكان حاقدا عليه : ألق بنفسك من الطائرة وسيفرح كل المواطنين
طلب من ونستون تشرشل عندما كان رئيساً للوزراء ابداء الرأي في موضوع متنازع عليه بين حزب العمال والمحافظين وعندما انتهى من كتابة الخطاب الذي سيلقيه امام مجلس النواب طلب من سكرتيره الخاص ان يبدي رايه في الخطاب وبعد ان قرأه قال له : الخطاب جميل جدا ياسيدي ولكني لم أفهم هل انت مع ام ضد المشروع
فأجاب تشرشل مبتسما وهذا هو المطلوب تماماً


ذهب نائب أحد الزعماء المشهورين بالظلم الى نزهة فوجد تمثالا للجندي المجهول يققف ممسكاً ببندقيته فاقترب منه وأخذ يتأمله، فقال له التمثال: لقد تعبت من الوقوف فأحضر لي حصاناً أركب عليه، فتعجب النائب مما حدث ، وعندما عاد أخبر زعيمه بما جرى، فلم يصدقه الزعيم، وطلب من نائبه أن يذهب سوياً للتحقق من الأمر
وعندما وصل الزعيم ونائبه واقتربا من التمثال قال التمثال للنائب :
لقد طلبت منك حصاناً وليس حماراً
كان القائد المشهور بالقسوة يستعرض جنوده فوقف أمام جندي وسأله: ما اسمك فقال : عبد الجبار يا سيدي.
وما الذي تمسك به؟ فاجاب بندقيتي يا سيدي، فرد عليه : ليست بندقيتك بل هي زوجتك وعرضك وشرفك
ثم انتقل الى الجندي الذي يليه : ما اسمك ؟ كامل يا سيدي .
وما هذا الذي تمسك به؟ فأجاب : زوجة عبد الجبار يا سيدي


زعيم سياسي في بلد متخلف، اقترح عليه أحد الحاشية اقتراحاً فقال : لماذا لا نسعى الى ان تستعمرنا دولة كبرى مثل أمريكا فتقيم لنا المصانع والطرق والمطارات والمستشفيات ثم نطردهم فيما بعد ؟
فأجب الزعيم : وكيف نجعلهم يأتون لاستعمارنا ؟
فرد عليه : لدينا طائرتين نرسلهما في غارة على أمريكا فتغضب أمريكا وتأتي لاستعمارنا
فرد الزعيم : واذا تمكنت الطائرتين من هزيمة أمريكا .. ماذا نفعل


لمشتركي الفيس بوك فقط : شاهد اقوي المواضيع الساخنة بالأسفل - للاشتراك بصفحتنا على الفيس بوك ليصلك كل جديد ومميز اضغط لايك ( Like ) >>>>>

  #2  
قديم 05-01-2009, 03:20 AM
+
idan idan غير متصل
عضوة ماسية +عطر قسم الشباب والبنات

 
تاريخ التسجيل: Mar 2009
الإقامة: kawkawa_love
المشاركات: 861
افتراضي نكت 2011 جامده جدا, نكت 2011

شكرا على اجمد نكت 2011


  #3  
قديم 05-01-2009, 03:29 AM
+
Dovey Dovey غير متصل
Banned
 
تاريخ التسجيل: Apr 2008
الإقامة: In My Kingdom my Life
المشاركات: 912
افتراضي نكت 2011 جامده جدا, نكت 2011

ههههههههههه
جميل اوي يا فنان
ننتظر جديدك بفارغ الصبر
فلا تحرمنا من جديدك دوما


  #4  
قديم 05-05-2009, 01:44 PM
+
shetoos shetoos غير متصل
كول نشيط
 
تاريخ التسجيل: Jul 2006
الإقامة: egypt
المشاركات: 108
افتراضي نكت 2011 جامده جدا, نكت 2011

اقتباس:
المشاركة الأصلية كتبت بواسطة Dovey مشاهدة المشاركات
ههههههههههه
جميل اوي يا فنان
ننتظر جديدك بفارغ الصبر
فلا تحرمنا من جديدك دوما
ميرسي وان شاء الله اكون عند حسن ظنك


  #5  
قديم 05-05-2009, 05:31 PM
+
sh_love2008 sh_love2008 غير متصل
كول فضى
 
تاريخ التسجيل: Oct 2008
الإقامة: in my dreams
المشاركات: 301
افتراضي

ميرسي علي النكت الجامده جدا دي


  #6  
قديم 05-07-2009, 03:26 AM
+
siR.MaTrix.egypT siR.MaTrix.egypT غير متصل
اعضاء اصحاب كول المتميزين جدا
 
تاريخ التسجيل: Oct 2007
الإقامة: Cairo,egypt,
المشاركات: 10,373
افتراضي نكت 2011 جامده جدا, نكت 2011

هههههههههههههههههههههههههههههههههههههههههههههههه

مشكلة والله مششششششششششششكلة

هموت من الدحك بجد

تسلم ادييييييييييييييييييييييييييييييييييييك

وخصوصا بتاعت الديك


  #7  
قديم 05-12-2009, 06:37 PM
+
shetoos shetoos غير متصل
كول نشيط
 
تاريخ التسجيل: Jul 2006
الإقامة: egypt
المشاركات: 108
افتراضي

اقتباس:
المشاركة الأصلية كتبت بواسطة matrx_egypt مشاهدة المشاركات
هههههههههههههههههههههههههههههههههههههههههههههههه

مشكلة والله مششششششششششششكلة

هموت من الدحك بجد

تسلم ادييييييييييييييييييييييييييييييييييييك

وخصوصا بتاعت الديك
العفو يا باشا وشكرا لتشجيعك والحمد لله انك ضحكت


  #8  
قديم 01-03-2011, 10:44 PM
+
JaSmEnA SaMi JaSmEnA SaMi غير متصل
كول جديد
 
تاريخ التسجيل: Jul 2010
الإقامة: EgYpT ..* AL.MaNsOuRa *
المشاركات: 11
افتراضي رد: نكت 2011 جامده جدا, نكت 2011

hhh nice thnx


موضوع مغلق

Tags
نكت

أدوات الموضوع
طرق عرض الموضوع



الساعة الآن: 11:30 AM.

Powered by vBulletin V3.8.7. Copyright ©2000 - 2014 Jelsoft Enterprises Limited