منتدى المرأة والأسرة والطفل !!!!!!

[وعد الحر]

السلام عليكم ورحمة الله

ازيكم يا شباب ويا بنات
كل سنة وانتم طيبين ..
تصدقوا بقى لى سنة فى المنتدى واول مرة اكتب موضوع هنا مع ان المفروض ان كل الاعضاء تسجل توقيعها فى المنتدى الجميل ده .
بس بصراحة انا عندى تعليق عن نشاط المنتدى .
لاحظت ان اغلبية المواضيع بتتكلم عن اللبس والمظهر ومش عارف ايه .
( الحاجات اللى لا تودى ولا تجيب دى ) .
مع ان المفروض ان المنتدى ده يكون شعلة نشاط ويكون متجدد بأفكار تصلح للإسم اللى هو شايه .
(منتدى المرأة والأسرة والطفل ) .
اكيد الغالبية العظمى من المشاركات هنا لسه آنسات وربنا يسعد الجميع يارب .
لكن ان شاء الله هتكون لكل واحدة منكم بيت واسرة وطفل .
الحلم اللى بيتملك عقل كل بنت بعد اكتمال انوثتها وبتظل تحلم بيه ليل ونهار لغاية ما يتحقق .. وبإذن الله هيتحقق .. بس قولوا يارب .
يعنى انا شايف ان المصطبة آسف على التعبير اصل انا راجل فلاح شوية وبعدين كان عندنا زمان مصاطب والحريم كانت بتقعد تلت وتعجن مع بعضها طول النهار والرجالة تاخد وردية الليل على المصطبة بس مكناش بنرغى كتير .
المهم .
التكنولوجيا والعصر الحديث اللى احنا عايشين فيه بنا لنا مصاطب بس شيك شوية وبرده عملها للرغى .
بس ظهرت المصطلحات بقى .
ماهو لكل مجال مقال . وكلنا بقينا بنعرف يعنى ايه انترنت ويعنى ايه مواقع .
وانا من رايى الشخصى اننا مش هنلاقى احسن من المواقع مصاطب نقعد عليها ونرغى زى ما احنا عايزين .
بس ياريت يكون الرغى مفيد عشان نلغى الكلمة ونعملها مصطلح جديد نسميه
( نحو غد افضل )
يبقى ايه رأيكم نخلى بداية حياتنا باللون الأخضر ونقول .

بسم الله الرحمن الحيم
وتبقى بقية حياتنا وردية
مستنى تفاعلكم وان شاء الله فيه افكار مفيدة
أخوكم/
محمود
لكم كل التقدير والاحترام .

[frafero]

والله يا محمود تشريفك لينا انهاردة غالى علينا جدااا وكمان بفكر جميل يليق بمنتدانا وحقيقى نورتنا وان شاء الله يتم التفاعل ونرتقى بمستوى القسم وعاوزينك معانا دايما ويتم تثبيت الموضوع ... تحياتى ليك

[frafero]

نظرا لوجود عطل بجهازى والحمد لله تم تصليحه تم تثبيت الموضوع الآن للفائدة إن شاء الله .. تحياتى وعد

[وعد الحر]

السلام عليكم ورحمة الله

المشاركة الأصلية كتبت بواسطة frafero

نظرا لوجود عطل بجهازى والحمد لله تم تصليحه تم تثبيت الموضوع الآن للفائدة إن شاء الله .. تحياتى وعد

شكرا لك اختى الكريمة

وان شاء الله نكون عند حسن ظنك بينا وحسن ظن الجميع
على فكرة يااخوات
انا اخوكم محمود مش اختكم وعد

الاسم ما ليه اى علاقة عندى الا انه اسم عزيز على قلب احد اصدقائى

ربنا يسهل ونقدر نتفاعل مع بعض فى مواضيع تفيد الجميع

منتدى المرأة والأسرة والطفل

اسم جميل

وعلى فكرة الاربع كلمات دول محببين جدا الى قلب جميع الرجال

منتدى ومعناه تحاور وجمع من المتفاهمين وحوارات بناءة تخدم وتفيد

المرأة طبعا مش ضرورى اقول هى ايه فى حياة الرجل
احسن تعرفوا نقطة ضعفى >>>> يعنى كدا معرفوش ياناصح .

الأسرة حلم اى انسان محب للحياة مقبل عليها عنده امل وطموح

الطفل بهجة الدنيا ومتعتها فلذة اكباد الآباء والأمهات

التعاون والمحبة والود والعطف والحنان والدفء وراحة البال والاستقرار وجميع اسباب الحياة السعيدة كل الالفاظ دى عندى مجتمعة فى كلمة واحدة

اسرة

والاسرة كلمتين

زوجة صالحة

والزوجة شجرة طرحها مستمر أجيال متعاقبة اساس ولبنة الحياة رمز الحنان للزوج قبل الابن

الام مدرسة ان اعددتها ...... اعدت شعبا طيب الأعراق

والله يا جماعة سيظل الخير فينا الى يوم الدين

طالما بينا الخير حبل تواصل والاخلاق بئر ننهل منه كل ماهو عذب فراط سائغ شرابه لذة للشاربين

إنما الامم الأخلاق ما بقيت ...... فإن هموا ذهبت أخلاقهم ذهبوا

أرجوا التفاعل من الأخوة والأخوات ولتكن بداية موفقة

اما عن الغرض من الموضوع

-طرح افكار جديدة لحياة مستقبلية سعيدة

-مناقشة وتحاور جاد

-تذكير من غفا او أخذته سنة من غفلة عما كان مكلف به

-بناية اسس راسخة لبدء حياة ابدية

-الرفع من مستوى تفكير الجميع بتبادل الحلول فى بعض المشكلات

-استغلال مراحلنا العمرية فيما ينفعنا عندما نفقد هذه الاوقات ثم نندم
على ما فاتنا

وأرجوا ان تكون البداية من أخت فاضلة
فلتتفضل بطرح موضوع من اى مجال يخص اى طرف
وأرجوا التفاعل من الجميع .

شكرا لكم
تحياتى للجميع

اخوكم /
محمود

[juli]

ميرسيييييييييييييييييييييييييييييييييييييييييييييي يييييييييييييييييييييييييييييييييييييييي

[احمد طارق]

محمود بجد موضعك جميل اوووووى ويارب بجد تفضل معنا وبجد ياريت اشوف موضيعك على طول ف القسم وانت منور القسم كلو

[وعد الحر]

اشكرك يااحمد
بس ياريت يكون فيه تفاعل من الاخوة الاعضاء
لك تحياتى .

[جيهان دياب]

بصراحة الموضوع جميل جدا

[بنوتة مجنونة]

شكرا يا محمود اوى