اصدقائي اعزائي المحترمين .....
سالفتنه اليوم هم على النسوان
السالفه تكول وتتحدث عن ( مـكر الـنسوان الـي مالـهن امـان ) سالفتنا تكول يامحفوض السلامه والبكه اكو فد رجال جبير والجبير الله يعني (شايب) خلصان تتـنه الله وفـقه بنهاية عـمره وصار عنده كم فـلس والمعروف على ربعـنا لو صارت عـنده كم فـلس لـو يتزوج على مرتـه وتصــير مشاكل لو يشتريله تفنكه (بندقيه) ويكـتله واحد وتليـته انـام بالسجن باقـي عمره . صاحبنه قــرر الخيــار الاول وكال اخـذلي مره (بنـيه صغيره) اكـظي ويـاها باقـي عمري . المهم الشايب كـام يخطـب الـى ان شافـله بنيه زغـيره من دور احفـاده وغـراها بالفلوس بـس شلون ابنيه فـد وحده مكطعه السمجه وذيله يعني !!!! وتزوج بعـد تعرفون شايب وخـذ ابنيه زغيره يعني ضل مكابله وكاعد وماعـنده غـيرالغريزه ( افتهمتوني ) بـس بعـد فتره قصيره انطفت نار الشايب لان عدكم علـم شايب وبالحلقه الخيره . الزوجه المصون مـن شافـة الشايب طوف وياها قررت ترجع على تكطع السمجه وذيله وتصلت بصديقها العتيك . وشايبـنه نايـم بالعسل بـس شنو لا نـفع ولا دفع ؟؟ ( أي من حقه مظلومه وياه ) الشاب جان اسمه (حسان) فـد واحـد هـتلي ومسوفـل يعــني لا ذمـه ولا ضمير؟؟؟؟ كـال للمحروسـه احـنه راح نضـل هيـج وهـذا الشايـب مضايقنه بطـبتنه وطلعتنه شوفيلج صرفه وياه وخلي ناخـذ راحـتنه . المكموعه فكرت بخـطه تخلـص من الشايب ولو لفتره المهم باليل وشايب معجس وجيس التتنن يمه وديلفله جكاره ووقوري الجاي بصفه . كالتله يحجي انت ماتدري كال عونـج كولي كالتله مو اني اتنسه ومشتهيه رمان مال شهربان كاللـه زين رمان بـغـداد ميصير. كالتـلـه لا مـال شهـربان احسـن . المهـم الشايب كاللـه تبـشري ومـن غـبشـه شـد الرحال الشهربان وتدرون سيارات ماكـو والشايب راح يضرب قــدم ويا عالـم يوصل الشهربان لولا . ماطوله عليكم الشايب نسف عباته على جتافه وكال يمن ستـر وعدل لـزم الدرب على امل اجيبله الرمان مال شهربان . صاحبتنا اخـذت راحته ويـه (حسان) وحسان صار ابـو البـيت ولـو بشكل وقتي وشـايـبنه يضرب قـدم الى ان وصل مكان بعـد يوم مـن المشي والتعب وجوه شجره كاسره ضلها علـى ساجه مـي كعـد وغـسل وشرب ورتـاح وكـال خـلـي اكمل الدرب مـن وكـت وجيب الرمان وبعـده ماماشي لاكاه شايب امر منه ديـكـودله هايشه يعني (بقره) لونه صفره كال خلي اساله واشوف هسه اني وين وصلت . كاله يخوي بعد شكد واوصل شهربان . جاوبه كاله ابو الهايشه اي شهربان انته لازم درب البصره يلـه يلـه ارجع ويايه لبغداد وطلع مناك لشهربان ساله صاحبنه انته شعندك ببغداد؟ كاله اريد ابيع هل الهايشه ونته شعندك رايـح الشهربان؟ وهنا صاحبنه سولفله سالفة رمان شهربان وحرمته التتنسه.. ابو الهايشه ماقتنع بالسالفه وكاله حرمتك هاي شغلته شغله وسالفته مو خاليه ؟ المهم صارت بيناتهم صياح وتقريبا عراك وبالتالي الشايب ابو الهايشه كاله تعال نتراهن اذا ثبـتتلك كلامي تنطيني نـوط ابو العشره يعني (10 دنانير) واذا اني طلعت غلطان انطيك هـاي الهايشه وتـم الاتفاق على هلشي وبعـد مشي طويـل وصلوا بـيت صاحبنه الشايب (الحجي) باليل ابـو الهايشه كال لصاحبنه انتـه خليك كاعـد جوه الشباج الـى ان انطيك الاشاره . دك ابو الهايشه الباب . وصاحبنا حسان صايرهو ابو البيت فتحله الباب ورحب بالخطار وعشاه وكعـدو يشربون الجاي تـدرون قبل ماكـو لا راديون ولا تلفزيون يكـظون الليل تعليله بالكصيد والشعر ومن هلسوالف . وبدو التعليله بالكـصيد وبدته صاحبتنه المكطعه السمجه وذيله وكالت ( المكر مكر النسوان وديت الحجي الشهربان اكـل وتهـنه ياحسان ) جاوبـه حسان وكال ( انا رجال بطرك عباتي سطوات الليل عاداتـي اكـل وتهـنه ياحسان ) وهنا اجـه دور ابو الهايشه وكال بعـد ماخله راسه يـم الشباك الكاعـد جـواه الحجي وصاح بصوتـه ( اني شايب من البصره وعندي الهايشه الصفره يحجي عـبر العشره تره شاهدنه حسان )... !!!!!!!!! 
احدث الفيديو كليب العربى والاجنبى
- احلى اهداف كرة القدم -
تحميل المسلسلات -
اغانى سعودية 
06-10-2009, 10:27 AM
(مـكر الـنسوان الـي مالـهن امـان )
العرض العادي
