منسف خرافي

[لقلب المفتوح]

منسف خرافي ....!!!!

اريد اسولفلكم سالفه لها صله بالكرم العراقي وقريبه للخيال من الواقع وتعرفون مـسالة الـــكرم شغله متوارثه ومتاصله عـند العراقين وخاصه العشايـرالاصيله ويا جماعه تـره مسالـة الـــكرم شجاعه قبل كلشي مو ياهو الجان يسويه .......؟؟؟؟
بيوم من جنت اصول واجول في الباديه الغربيه وتحديدا الجنوبيه الغربيه ..... في عهدا مــضى وولا ومضت معــه اجمل الايام . وماكانت هـذه لــولا طبيعة عملي . المهــم وحــنا نتجـول بيـن العربان وكانت الدنيه ربيع والخير واجد والحلال يسرح ومرتاح . مرينا يتم بيت الـشيخ (فلان) والحجي بيناتنا جنا كل يوم نوقت غدانا يم واحد وبعد السلام و الكلام وكـع العـرف بيناتنا وطلعنا خال وابـن اخت ؟ والـشيخ حــرم بالسبـع حارمات لازم نبقه يـمـه ويقـوم بـواجب الضيفه . وحـنا تعذرنا وردنه منه . بس الشيخ قفل !! وبعـد ما راهـمه نطلـع . وكعندنه بمضيف الشيخ وعجـسنا يمه ومن هلسوالف الطيبه ويه الكهوه العربيه والنركيله وهل لمعسل التوب بعد مال شيوخ ؟ الـى ان صار وقـت الغــداء والله الجماعـه مقصـروا جابــو مـنـسف جبيــر شايليـنه الله لا يكــذبني فــد عشريـن الـى خمسه وعشرين زلمه !!! مـن هـذا ابــو العراوي وبيـه مـن جـوه رجلـين والمنسف بنصه بعيـر(جمل) محشه بصحيته !؟ ودايـر مدايـره طليان هـم محشايه !؟ ودايـر مداير الطليان ويه حافة المنسف دجاج مشوي وهم محشه !؟ وتخيلـو المنظر الواحد اليريد يوصل للبعير يرادله درج !! والسالفه مو هنا واحد من ربعنا عاف هـذه الحقول المحشيه وكام ادور حكاكه مالت تــمن تعرفوها ( جعبية الجدر) المهم الشيخ سمع بصاحبنه مشتهي الحكاكه كـال يله على السريع جيبـو الحكاكه . والله منشوف غيـر جماعـه مـن المعـزبين يعلـم الله جانـوا اربعـه شايلـين على جـتوفهـم الحكاكه ليش مو واحد منهم جانت دشداشته طويله عليه اتعثور بيه اوكعت الحكاكه ! فوك جماعه جانـو كاعـدين . المسكين واحـد مـن الكاعين راد يتلكه الحكاكه بيـده جان اطك أيـده والثاني فجت راسه . وكله بسبب الحكاكه المهم الجماعه اداركـو الموقف وـفض الغـده وكملنه الجلسه يـم الشيخ وللعصر وحنه ماشين جلب الشيخ وكـال تبقـون على العشه ! بــس بعـدين قنعنه الشيخ وترخصنه منه . بـس الـشيخ اصـر ناخـذ عشانه ويانـه ! والله من طلعـنه لكيـنه اربـع طليان مخـليهن بالـبدي مالت البيكب وماطوله عليكم الطليان صارن فلوس ؟؟ فما اعتقد بوكتنه اكــو شــيخ بـكـرم شـــيخ (فلان) .........................