منتديات اصحاب كول 2015  

 --الوصول السريع للأقسام--

الاغـانى والفيديو كليب تحـميل افـلام للبنــات فـقـط تحميل العـاب اسـلامـيـات
تعارف و صداقات
مقاطع فيديو كل ما يخص الموبايل الهكرز والإختراق اخبار الرياضة طب و صـحـه


العودة   منتديات اصحاب كول 2015

رد
 
أدوات الموضوع طرق عرض الموضوع
  #1  
قديم 08-21-2009, 11:25 PM
+
اميرة الحلم الوردى اميرة الحلم الوردى غير متصل
كول ذهبى
 
تاريخ التسجيل: Jun 2009
المشاركات: 367
افتراضي كلام يوجع بجد !! ودى اخر مشاركه ليا

انشر الصفحة على الفيس بوك
انتا واقف على المحطه مستني الأتوبيس من ساعه
متأخر على شغلك وعمال تفكر هتدفع مصاريف دروس العيال منين واقساط التلاجه اللي الوليه صممت عليها والعيشه واللي عايشنها واللي عايزين يعيشوها
واقف ومش طايق نفسك
فجأه
واحد يخبط في ضهرك بعنف

تتدور بسرعه ولسانك يشتغل" ايه ياعم انت؟ انت عميت؟ مش تفتح ياأعمى"
لحظة صمت, ويأتي الرد, انا آسف, بس انا فعلا أعمى


مش معنى أنك متضايق, أن يكون من حقك تطلع قرفك على الناس التانيه وهما يستحملوك. فيه ناس متستهلش كده



*******************

واحد زميلك كده جالك ومال عليك وقالك, اما انا شفت حتة بت انما ايه, قمر
ياسلام اشمعنى يعني.
بص انا هحاول اكلمها, اصلا واضح انها بت سايبه وبتكلم أي حد
هيا فين ديه
تعالى أوريهاك, بص هيا البت اللي واقفه هناك ديه
انهي واحده
البت اللي لبسه من غير هدوم ديه, مش بقولك سايبه
تقصد فلانه؟
ايه ده انتا تعرفها؟

لحظة صمت
ديه مراتي


لو البيت اتبنى صح, كل واحد هيكون في البيت صح. ابني بيتك صح (وسيبك من حملة الحزب الوطني بتاعة ابني بيتك)


*************

اتنين شباب واقفين في كليه
-امبارح سهرت عند الواد عباس
-ياعم ياعم, قشطه يامان, اكيد كانت سهره آخر صياعه
-طبعا يابني, داحنا كان ناقص نجيب حريم
-احكيلي
-الواد عباس ابن الـ... عمل وسوى وراح وجه

وفجأه الباب اللي وراهم يتفتح وتخرج واحده بصه في الأرض وتجري بسرعه
لحظات وواحده تانيه تخرج وتالته ورابعه
يكتشف البهوات انهم واقفين جنب مصلى البنات في الكليه


لما يكون عند أي حد مخزون سفاله, ياريت قبل لما يطلعه يتأكد مين اللي هيسمعه


*************

بنتين واقفين برضه في الكليه

-بصي الواد ده أمور أوي
-ايوه ايوه مانا عارفاه ده خطير
-يووووه بصي بأه القرف اللي جي وراكي ده. مين ده أصلا
-انا عارفه يابنتي, ده تلاقيه شبشب من اللي بيذاكروا ليل ونهار
-طب يلا يلا معاد السكشن جه
يخشوا السكشن وفجأه يخش الشخص اللي قاله عليه شبشب
يقف قدام الدفعه ويكتشف الجميع أن ده المعيد
يبص في الطلبه لغاية لما يلاقي البنتين
-انتي وانتي, بره

عرض أزياء كبير والبنتين خارجين. الكل بيبص ويتفرج, الكل بيسأل هما عملوا ايه؟ هما ليه مسالمين أوي كده وخارجين في هدوء؟


المثل بيقول: لولاك يالساني, ماتسكيت ياقفايا



على فكره دى اخر مشاركه ليا فياريت عشان داخله
على الثانويه العامه وما ادراكم ما الثانويه العامه
يعمى اكيد عاوزة مذاكره طحن !!!
ولا ايه رايكم
فياريت تدعولى وبجد هاتكون احلى واجمل مساهمه منكم
يا اعز اصحاب فى الدنيا
وعلى فكره ده هايظهر فى الردود بتاعتكم

يلا
سلام يا اجدع صحاب


لمشتركي الفيس بوك فقط : شاهد اقوي مواضيع منتدي اصحاب كول الساخنة بالأسفل - للاشتراك بصفحتنا على الفيس بوك ليصلك كل مميز اضغط لايك ( Like ) >>>>>

رد باقتباس
  #2  
قديم 08-21-2009, 11:30 PM
+
dolcy dolcy غير متصل
كول جبار
 
تاريخ التسجيل: Jan 2007
الإقامة: مــصــر
المشاركات: 1,305
46

ميرســـــــــــي
على المشاركه الحلوه بجد
وربنا معاكي
وبالنجاح ان شاء الله


رد باقتباس
  #3  
قديم 08-21-2009, 11:32 PM
+
tota.hh tota.hh غير متصل
عضوة ماسية + عضوة مميزة بالقسم العام

 
تاريخ التسجيل: Nov 2008
الإقامة: in my simple life
المشاركات: 3,942
افتراضي

موضوع جميل جدااااااا
ربنا يعينك ويوفقك
ان شاء الله




رد باقتباس
رد

أدوات الموضوع
طرق عرض الموضوع



الساعة الآن: 10:26 AM.

رسائل - الابراج

اجيال نيوز
Powered by vBulletin V3.8.7. Copyright ©2000 - 2015 Jelsoft Enterprises Limited