|
--الوصول السريع للأقسام--
دردش مع اصحاب كول واتعرف على احلى بنات وشباب الان!!!!
|
|
|  |
ملحوظه هامة:- لايمكنكم المشاركه وقراءه المواضيع مع اصحاب كول الا بعد الإشتراك بالمنتدي
::للإشتراك بالمنتدي اضغط هنا:: (من فقد عضويته او الباص ورد الخاص به هنا )
 |  |
|
احدث الفيديو كليب العربى والاجنبى
- احلى اهداف كرة القدم -
تحميل المسلسلات -
اغانى سعودية |
|
|
|
|||||||
 |
|
|
أدوات الموضوع | طرق عرض الموضوع |
|
#1
09-18-2009, 03:51 PM
|
||||
|
||||
(¯°•._يوميات عمرو وياسمين 2 _.•°¯)
(¯°•._يوميات عمرو وياسمين 2 _.•°¯)  كل عام وكل الامه الاسلاميه بخير بعد النجاح اللى حققه الجزء الاول رجعت تانى ومعايا مفاجأت جديدة من عمرو وياسمين 2    الحلقة التانية من يوميات عمرو وياسمين 2 الحلقة ال12 من يوميات عمرو وياسمين بس نفكركم كدا بسرعة بيوميات عمرو وياسمين الجزء الاول تاااااااابعوووووووونا 
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين   •°o.O Ahmed Tony O.o°• التعديل الأخير كان بواسطة : a alex بتاريخ 11-19-2009 الساعة 12:25 AM. 
|
|
#2
09-18-2009, 03:54 PM
|
||||
|
||||
|
الجزء الاول
ملحوظة :- دى اجزاء الجزء الاول من يوميات عمرو وياسمين 1 الجزء الاول أبطال القصة :- 1- عمرو 2- ياسمين وفيه اشخاص فرعية ذى 1- حودة (صاحب عمرو) 2- الخطيب (صاحب عمرو) 3- مروة (صاحبة ياسمين الانتيم ) مش ها اطول عليكم اكتر من كدة (_هااااااااااا ندخل فى القصة على طول_) القصة ديه بتبدأ لما عمرو وحودة كانوا بيتمشواااا وحودة بيحكى لعمرو على واحدة شفها امبارح , حودة : - ده انا شوفت حتة دين بنت يا نهار ابيض جامدة اوى اوى , جسم ايه جامدة جامدة يعنى عمرو :- ههههههههههههههههه يا بنى انت مش ها تبطل بقى قلة ادبك ديه انت عمرك ما تبص على الجمال وتفكك من الحاجات اللى انت بتقولها ديه نفسى تبص لوش البت مش على جسمها !!! حودة :- ايون خليك انت كدة عايش فى الوهم يا بنى خليك عملى وانا ها استفاد ايه لما ابص لوشها مش لازم اعاينها الاول ((معلش بقى تقولوا ايه شخصية زبالة )) عمرو :- انت حر يا عم بس لما واحدة تهزقك ولا تمرمط بيك الارض ما تبقاش تعيط وانا مش ها احوش حودة :- يا بنى تمرمط مين ده انا حودة الجامد اوى ..,,.. ((وف نفس اللحظة )) حودة :- انت تنحت كدة ليه ؟؟ عمرو:- يا نهار ابيض على الجمال مين البت ديه يا حودة ((بم ان حودة خبرة فى الحاجات ديه )) حودة :- ما هى ديه يا عم البت اللى انا بحكيلك عليها ايه رايك جامدة صح ؟؟ عمرو:- جامدة مين يا عم ديه صاروخ انت شايف عنيها عاملة ازاى حودة :- عنيها تانى وانا اللى قلت انك فوقت من الوهم اللى انت فيه داك داهية شايف ال ......................... ((شوفوا انتم بقى عشان مش ها اقدر اتكلم )) عمرو :- استنا بس يا حودة ايه يابنى البت ديه ((وفلحظة اختفت من قدام عيون عمرو )) حس عمرو ان روحى اتسحبت منه وان قلبه بيجرى يسابق الزمن , وما تمناش اد ما تمنى فى حياته انه يعرف اسمها او حتى يعرف اى حاجة عنها حودة :- ايه ياعم السهتان رحت لفين عمرو:- ((مافيش رد)) حودة:- انت يابنى عمرو:- ايييييييه ((كان سرحان صاحبنا)) انت بتقول حاجة يا حودة ؟؟ حودة:- حودة لا ولا حاجة يا حبيبى يلا بينا انت شكلك دخت عمرو:- البت ديه جميلة اوى يا حودة اوى اوى انت ما تعرفش ديه مين ؟؟ حودة:- يا ريت كنت اعرف !!!! ااااااااااااااااااااااااااااااااااة هههههههههه ما تيلا بينا بقى يا عمور إحنا اتأخرنا ((وبعد مرور ايام اتعمد عمرو انه يروح نفس المكان ونفس التوقيت اللى شافها فيها اول مرة)) (( وكان على امل انه يشوفها تانى )) بس المرة ديه قابل الخطيب ((صاحبهم التالت)) الخطيب :- ايه يا بنى ادمين اللى موقفكم هنا حودة :- شوفلك حل فى عم الرومانسى اللى لاطعنا هنا بقاله نص ساعة الخطيب :- وعلى ايه كل ده ؟؟ ((وصحبتنا كانت طالعة فى اللحظة ديه)) حودة :- الصلاه ع النبى فرس ....... فرس يعنى مش اى كلام عمرو :- اتلم بدل ما لمك ديه خلاص بقت تبعى الخطيب :- فيه ايه يا جدعان ؟؟!! الحوار على ايه ؟؟!! حودة :- شوفلك صرفة فى عم الرومانسى ده ده بيحب على روحه عمرو:- احترم نفسك ياض حودة :- شايف الغزال اللى هناك ده الكبير اوى ده الخطيب :- اممممممممممممم !!!! انت عارف ديه مين ؟؟ عمرو :- ايه ده انت تعرفها ((بلهفة )) الخطيب :- ديه اخت باسم صحبنا ال فى الكلية احمد :- باسم مين ؟؟ الخطيب :- باسم المدخوم حودة :- يااااااااااا راجل باسم الموميا قول كلام غير ده الخطيب :- انت معجب بيها ولا ايه ؟؟ حودة :- معجب ايه ياعم ده ميت ((بتريقة)) عمرو :- انا مش عارف يا خطيب انا والله حصلى ايه من ساعة ما شفتها حودة:- حصلك نفس اللى حصلى ااااااااااااااااااااااااااااه الخطيب :- انت لسة ذى ما انت حودة :- امال عايزنى ابقى ذى عمك الرومانسى ده عمرو :- يا جدعان سيبوكم من اللى انتم فيه ده دلوقتى وقولولى اعمل ايه دلوقتى ؟؟ الخطيب:- تعمل ايه فى ايه انت عبيبط يا بنى !! عمرو :- انا نفسى اكلمها بس مش عارف ازاى ؟؟ الخطيب :- عيب عليك ده صحبك والبت ديه مش ذى ما انت فاكر ., ونصيحة منى طلع الموضوع ده من دماغك عمرو :- اممممم (( وبيهز راسه )) انت تعرف اسمها يا خطيب ؟؟ الخطيب:- ااااااه عمرو :- اسمها ايه ؟؟ الخطيب :- اسمها ياسمين عمرو :- يــــاسمين الخطيب :- وآنت عارف انت ممكن تجيب رقم تليفون البيت كمان بسهولة عمرو:- ازاى ؟؟!! (( باستغراب )) حودة :- يا عم من اخوها يا عم الخطيب :- اتلهى على عين امك يا اهبل ما يروح احسن يقول لاخوها عمرو :- امال ازاى ؟؟ الخطيب:- ماهى تبقى صحبة سلمى اخت المـــــــــــن حودة :- الكداااااااااااااااب ((بضحكة)) (( وده صاحبهم الرابع واسمه كدة لانه ماشى بيكدب على روحه كدااااااااااااااااااااااااااااااااااااب اوىىىىىى )) الخطيب :- بس اوعك يا عمرو تعمل كدة ما تنساش يا جدع انه صحبك حودة :- فكك يا عم من الولة المعقد ده ما تسمعش كلامه وفيها ايه لما يكلمها هو يعنى ها يقلها كلام ............ وبعدين هو اولى من الغريب بس هو يقدر عليه وما يكسفناش عمرو .... الخطيب .... حودة هههههههههههههههههه ((وما بقاش عمرو عارف يكلمها ولا لا بعد ما اعرف انها اخت صاحبه )) ؟؟؟؟؟؟؟!!!!!!!!! يا ترى عمرو هيكلمها ولا لا ؟؟ ويا ترى عمرو ها يسمع كلام الخطيب ولا حودة هنعرف الحلقه القادمه
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين •°o.O Ahmed Tony O.o°• التعديل الأخير كان بواسطة : a alex بتاريخ 09-19-2009 الساعة 12:52 PM.
|
|
#3
09-18-2009, 03:56 PM
|
||||
|
||||
|
الجزء التانى
طبعا صاحبنا فضل طول الليل سهران يفكر فيها وياترى يعمل اى يكلمها ولا لآ لحد ما توصل لفكرة جامدة جداااااا وفجأه موبايل الخطيب الساعة 1 نص الليل بيرن الخطيب استغرب جداااااا ونط من السرير مفجوع ياترى مين اللى بيتصل ده لقى عمرو بيتصل وهنا بيبتدى الجزء التانى .................. الخطيب :- عاوز اى يا زفت !!! عمرو :- بلاش غلط يا حيوان انا عاوز اشوفك دلوقتى حالا ((الخطيب باستغراب )) الخطيب:- انت عبيط ياض انت دلوقتى اى ((( ده اتهبل ولا اى ))) عمرو :- يا عم اسمع الكلام تعالى نقعد على اى كافتيريا عاوز اكلمك شوية الخطيب :- اى اكتشفت انك بتحبنى اوى كدا ؟؟ وماتقدرش تستغنى عنى فجأه (( بضحكة )) عمرو :- غور فى ستين داهية انا غلطان انى اتصلت بيك الخطيب :- يا عم طب قول انت عاوز اى ؟؟ عمرو :- خلاص بكرة يا عم غور اتخمد وقفل السكة ((وكمل تفكير فى حبيبته اللى ماحدش حاسس بيه غير قلبه )) تانى يوم اتقابلوا هما التلاتة حودة :- انت ليه انت ياض بتتصل بالولة نص الليل ياض !!!!! اى للدرجادى كنت مزنوق ؟؟ ((معفن بقى)) الخطيب :- ههههههههه عمرو :- مش عاوز هزار الخطيب :- طب قول انت كنت عاوز اى منى ؟؟؟ عمرو :- انا جتلى حتة دين فكرة عشان اكلمها الخطيب :- هى مين ؟؟ عمرو :- ياسمين يا عم الخطيب :- يا خرابى هو انت كنت بتتصل بيا عشان كدا هو انت لسة بتفكر فيها عمرو :- اسمعوا بس ((ويقطعه الخطيب )) الخطيب :- انت بتحبها بجد حودة :- هى بصراحة تتحب اوى جدااا خالص عمرو :- يا جدعان انا البت دى شقلبت حالى والله ما نمت , طول الليل بفكر فيها وفى عنيها ونفسى اكلمها واقولها انى بحبها حودة :- خلاص يا فلانتينو ها تعمل اى ؟؟ عمرو :- انا ها اروح الدرس معاها ((لحظة سكوووووت باستغراب)) حودة والخطيب بيبصوا لبعض وفجـــــــــــــاه ههههههههههههههههههه حودة :- يبنى انت سخن انت دخلت الكلية خلاص وعديت مرحلة الثانوية من زمان يابابا ههههههههه عمرو :- اسمعوا بس احنا ها نروح كاننا فى ثانوية كاننا عاوزين ناخد درس ونحضر الدروس عادى معاها عشان هى تلاحظ انى معجب بيها الخطيب :- يا سلام ونرجع تانى للمذاكرة والتسميع والضرب والواجب حودة :- طب اقولك على حاجة احسن احنا ناخد الطريق من اوله ونقدم فى كى جى تو ايون ونرجع تانى للزمزمية والشنطة وميس فهيمة اللئيمة هههههههههههههه عمرو :- والله العظيم ها امشى الخطيب :- يا عمرو ما انت كلامك مش معقول عمرو :- اسمعوا بس وفضل عمرو يقنع فيهم لمدة ساعة كاملة انهم يروحوا الدرس واخيرا قدر يقنع حودة انه يروح بس الخطيب رفض وطبعا حودة وافق عشان سببين :- 1_ اولا طبعا عشان مزز الثانوية 2_ عشان عمرو هو الل ها يدفع تمن الدرس ((ههههههههههههههههههههههههههههههههه )) ((سببين يقنعوا اى حد وبالزات حودة )) وفعلا راحوا للاستاذ وكان مدرس فلسفة وطلع شكله عبيط همه كله الفلوس وده اول يوم فى الدرس حودة :- الصل عل النبى هى ليلتنا فل ولا حاجة عمرو :- شششششش ها تفضحنا حودة :- والنعمة امشى سيبنى بقى شوية عيش وعيشنى يا اسطة وعدت واحدة من قدمهم حودة :- يا غزال اى الجمال ده غزال يا خواتى عمرو :- وحيات امك اسكت عشان .................. وفجاه دخلت ياسمين عمرو اتسمر فى الارض ومش عارف يعمل اى كل اللى عمله انه ماشلش عينه من على عينها حودة :- يابن المحظوظة دى البت عليها................. (سمحوه عشان خاطرى هو ده مبدأه فى الحياه طبعا مبدأ منيل بنيلة )) عمرو :- حودة عشان خطرى اسكت عمرو :- خلاص ياعم انا غلطان من الاول وعدى اليوم الاول من غير ما عمرو ما يعمل اى حاجة غير انه يبصلها وبس بس هى طبعا اكيد اخدت بالها وبليل التلاتة قاعدين على كافتيريا الخطيب:- يلا يا عم اى خدمة جبتلك رقم التليفون بتاع البيت من المن عمرو :- وقولتله اى ؟؟ الخطيب :- ولا حاجة يا عم حورت عليه شوية وهو فضل يدخلنى فى متاهات وعاوز اقوله يا من خلاص عارف انك بتحور ومكسوف منه هههههههههه حودة :- المهم انت ها تتصل امتى ؟؟ عمرو :- لا لسة مش دلوقتى وجيه تانى يوم فى الدرس (وكل اللى عمله عمرو انه يبصلها بس هو المرة دى اتاكد انها اخدت بالها انه دايما يبصلها ) وحودة كان مهيس خالص فى الدرس لدرجة انه خلى كل اللى فى الدرس يضحك بما فيهم الاستاذ وبليل التلاتة وخصوصا عمرو عمل حاجة جريئة اوى فكر انه لازم يشوفها فجى ناحية البيت وراح معدى من تحت البلكونة وهما التلاتة علو صوتهم وبما ان حودة خلاص صوته بقى مميز جدااااااااااااا فجأأأأأأأأأأأأأأأأأأأأة طلعت من البلكونة تبص صاحبنا قلبه اتخلع من كتر دقاته ووشه جاب الوان حودة بيكلمه بصوت واطى حودة :- يلا يا عم اى خدمة ووصلوا لاخر الشارع ورجعوا تانى لقوها لسة واقفة عمرو بصلها جت عينه فى عينها دخلت جرى على جوه خد لفته ورجع تانى حودة اتكلم بصوت عالى لقوها طلعت من البلكونة عمرو فرح جدااااااا وعمل نفسه بيكلم فى الموبايل وبيقول عمرو :- طب خلاص بقى انا ها اتصل بيك كمان شوية وفى الطريق حودة:- ما تتصل بقى يا عم عمرو :- لا يا عم لما اشوف اخوها الاول واكلمه عشان اوضحله الموضوع شوية حودة :- انت عبيط ولا انت شكلك كدا عمرو :- يا جدعان بصراحة انا مش عاوز حد يقول عليها كلمة وحشة وطبعا ولا عليا انا كمان الخطيب :- يبقى خلاص تقول لاخوها بعد ما تكلمها مش يمكن هى مش عاوزة تكلمك عمرو :- امممممممممممممممم حودة :- اتصل بقى الخطيب :- لآلآلآلآلآلآلآلآلآلا اوعك تتكلم من موبايلك مش يمكن عندهم اظهار واخوها يعرف رقمك تبقى فضيحة عمرو :- اااااوك حودة :- على اقرب سنترال ودخل عمرو السنترال واول ما مسك السماعة حس انه بينهار حس انه مش عارف ها يقول اى سابها لربنا كل حتة فى جسمه بتهرب منه حتى لسانه ما بينطقش مع كل جرس بتزيد دقات قلبه خايف حد تانى اللى يرد عليه وخوفه الاكبر انها هى اللى ترد عليه كل الكلام اللى محضره اتنسى وفففففففجاه ياسمين :- الو عمرو بعد ما تاكد انها هى من صوتها عمرو :- ايوة ياسمين :- مين معايا ؟؟ عمرو :-واحد ومش لازم تعرفى مين بس لازم تعرفى انى معجب بيك من اول مرة شوفتك فيها وعملت كتير اوى عشان اكلمك ياسمين :- مين معايا !! (باستغراب ) ((قال يعنى مش عارفة مين ده يا جدع البنات دول عليهم حركااااااااااات )) عمرو :- واحد معجب بيك يا ياسمين وصعب اقول اكتر من كدا ياسمين :- اه وبعدين يعنى عمرو :- ولا قبلين ياسمين :- طب اى المطلوب منى !!! عمرو:- بيقول فى باله (( ياريتنى ما اتصلت )) بصراحة مش عارف كل اللى انا عارفه انى معجب بيك جداااا جدااااا ياسمين :-اااااه ...... طب ممكن ما تتصلش هنا تانى وف ثانية عمرو قفل السكة اول ما سمع الكلمة دى ماعرفش ها يقول اى حس ان كل حاجة ادمرت حتى الحلم اللى بقاله كتير بيسهر يحلم بيه ضاع واتكسر مش عارف ها يقول اى لصحابو اللى مستنين فلنتينو اللى تاعبهم بقاله اسبوع عشان خاطرها الدنيا اسودت من حوليه وبعديييييييييييييييينكمل المرة الجاية بس يا ترى عمرو ها يتصل تانى ؟؟؟؟ ولا ها ينسى الموضوع وكانه ما حصلش ؟؟؟؟ وهى يا ترى عرفت مين هو ؟؟؟؟ ويا ترى ها تعمل اى فى الحصة الجاية ؟؟؟؟ كل دى اسئلة ليكو انتم ها تخمنوها وتقولوا ردها واشوفكم على خير فى الجزء التالت
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين •°o.O Ahmed Tony O.o°• التعديل الأخير كان بواسطة : a alex بتاريخ 09-18-2009 الساعة 07:00 PM.
|
|
#4
09-18-2009, 03:59 PM
|
||||
|
||||
|
الحلقه التالته من عمرو وياسمين  طبعا صاحبنا بعد المكالمة ماكنش فاهم حاجة خالص عمرو:- منين البت دى كل ما بتسمع صوتى تجرى على البلكونة وتبقى عاوزة تشوفنى ومنين ردت عليا الرد البايغ ده ؟؟ ( طبعا بيكلم نفسه ) المهم صاحبنا ندم انه اتصل طلع من السنترال وكانه طالع للنار ( مع ان الجو كان تلج ) المهم صحابه كانوا بيهدوا حودة :- يبنى ماهى اكيد كان هو ده الرد الطبيعى منها امال انت عاوز اول ما سيادتك ما تكلمها ترد عليك ايوة يا حبيبى انا بمووت فيك بعشقك كدا برده يا سونة يا خيان هههههههه عمرو :- وحيات امكم مش عاوز تريقة سيبونى فى اللى انا فيه الخطيب :- يا جدع فكك يقى وفرفش عمرو :- انا مخنوق اوى الخطيب :- والله العظيم اسمع الكلام هى لازم تقول كدا فى الاول عشان يعنى تبان انها بنت تقيلة ومحترمة وكدا ( المهم فضلوا يقنعوا فيه ان ده عادى وطبيعى ) ( وبرده مافيش فايدة ) ( روح صاحبنا وطبعا كان ليل طويل على كل العشاق وهو من ضمنهم وخصوصا العشاق المجروحين ) ( عمال يفكر طول الليل فيها وياترى اى اللى هيحصل ) صبح الصبح كان المفروض ان فيه درس تانى يوم صمم انه يروح بس حودة ما رحش تقريبا خاف لقى البنت طبيعية خالص وبردك لسة بتبصلوا كل ما تيجى عينه فى عينها قال فى عقل باله هى البت دى عبيطة ولا هى اللى شكلها كدا يا اما انا كلمت حد غيرها وهنا بدأ يشك فى الموضوع عدى 3 ايام وكانت الساعة تقريبا 9 عدى روميو من تحت البلكونة وكالعادة جوليت واقفة البلكونة فى الميعاد المعتاد جت عينه فى عينها ولانه كان لوحده مادخلتش فضلت واقفة تبصلوا راح طلع الموبايل وقال بصوت عالى انا مش عاوز غير الرضى وبعدين انا لازم اكلمك هى ابتسمت ودخلت صاحبنا خد السكة صاروخ لحد السنترال اتصل بيها فى اللحظة دى هو ماكنش محضر كلام عشان يقولوا وكان خايف اوى اوى وفى نفس الوقت مطمن لانه حاسس بقبول من ناحيتها السماعة اترفعت عمرو :- الو كان حاسس انه سامع دقات قلبها فى السماعة وحاسس انها متوترة اوى وهو كان انيل منها المهم ياسمين :- ايوة مين معايا !! عمرو :- واحد ياسمين :- واحد مين !! عمرو :- مش ياسمين معايا بينه وبين نفسه اتاكد بقى المرة دى ياسمين :- ايوة مين انت عمرو :- انت عارفة كويس انا مين ياسمين :- اه وبعدين عمرو :- ولا قبلين بصراحة انا معجب بيك جداا جدااا يا ياسمين وربنا العالم بحالى دلوقتى وانا بكلمك ونفسى بصراحة ان احنا نكون لبعض ياسمين :- يسلام بس انا فاهمة كويس اوى حركات الشباب بتوع اليومين دول و .... قاطعها عمرو :- والله العظيم انا مش منهم خالص بدليل انى ما حاولتش ولا مرة انى اعكسك فى شارع او حتى اقول اى كلمة ياسمين :- صح انت جبت رقم التليفون منين ؟؟ عمرو :- ده مش موضوعنا دلوقتى ياسمين :- انا مش بفكر فى المواضيع ديه دلوقتى خالص عمرو :- بصراحة انا بحبك بجد والله العظيم ياسمين :- اه وبعدين كلمة رخمة اوى اوى اوى اوى اوى عمرو :- انا قولت اللى عندى ومستنى اسمع ردك يا واد يا تقيل بس على فكرة والله العظيم عمرك ما هتندمى انك فى يوم كلمتينى لانى بجد انسان كويس مش وحش ومهما كان ردك عليا ها تفضلى ياسمين اللى اتشدتلها من اول ما جت عينى فى عينها سكوووووت عمرو :- ياسمين قولتى اى ؟؟؟ ياسمين :- طب وانا اى اللى ضمنى ان الكلام اللى انت بتقوله ده مش كدب وانك بتتسلى بيا عمرو :- الدليل على كدا انى فى كلية مش فى ثانوى ياسمين :- يسلام امال مين ال بييجى الدرس ده عمرو :- انا بروح الدرس بس عشان اشوفك ياسمين :- طب ممكن تقفل دلوقتى عشان بابا زمانه جى عمرو :- بس انا ما سمعتش ردك ياسمين :- سيبنى افكر وارد عليك عمرو:- ياسمين ياسمين :- نعم عمرو :- بحبك  ياسمين :- يلا باى عمرو :- لا اله الا الله ياسمين :- سيدنا محمد رسول الله وطلع صاحبنا من السنترال مظأطط ونفسى يجرى فى الشوارع ويغنى بحبهااا .... وفى قلبى ساكن حبها ..... ياريت ياشوق توصلها ......ويحس بيا قلبها بحبها................ بحبها وتانى يوم كان فيه مصيبة مستنياه فى الدرس طبعا عمرو لبس الحتة ال على الحبل وحط برفان 5 خمسات ههههههه وجلجل شعره وظبط نفسه وراح الدرس وهو فى سكته حود على حودة وحكاله الحوار فى السكة وحودة كان فرحان عشانه اوى لانه حس ان عمرو مش فى حالته الطبيعية راح الدرس اول مادخل الدرس لقى ياسمين واقفة مع منى ( سكرتيرة الدرس ) ووششها عليه غضب ربنا اتفجع الواد ولقى منى بتناديله:114: وكانت المفاجاة الجامدة صدمة على عمرو الواد هيموت منناااااااااا
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين •°o.O Ahmed Tony O.o°•
|
|
#5
09-18-2009, 04:01 PM
|
||||
|
||||
الجزء الرابع
يلا نبدأ 3.....2.......1..... اكشن اول ما عمرو سمع صوت منى بتنادى عليه قلبه وقع فى رجليه دخل اول ما ياسمين شافته جاى عليهم راحت بصاله بصة عمره ما هينساها ( رفعت حاجب ونزلت حاجب ) وراحت سابت منى ودخلت هى على جواه ووراها مروة صاحبتها عمرو بينه وبين نفسه ( ياريتنى كنت مت قبل اللحظة دى ربنا يستر ) وطبعا فيه حيوان سلبنطح واقف بره مش همه غير حاجة واحدة بس عمال يبص على صاحبة ياسمين ويعيش موهبته دخل عمرو منى :- انت ليه يا عمرو عملت كدا ؟؟ عمرو :- عملت اى !! منى :- انت اتصلت امبارح بببيت ياسمين ( بص عمرو لمنى وراح باصص فى الارض ) منى :- قالتله يعنى اتصلت عمرو :- اه منى :- طب ليه ؟؟ عمرو :- عشان بحبها منى :- وانت مش شايف ان ده مش وقته خالص يا عمرو اهتم الاول بمزاكرتك ( طبعااااااااااا ماهى ما تعرفش اللى فيها ) عمرو :- طب ولو كانت هى السبب اللى بتخلينى اهتم بمزكرتى منى :- يعنى اى ؟؟ عمرو :- يعنى انا عاوزك تخوشيلها دلوقتى وتقوليها .... عمرو واقف بره وعاوز يكلمك ثوانى ( وبعد ما عمرو اقنع منى انها تبقى الوسيط دخلت منى وقالت لياسمين ) منى :- عمرو عاوز يكلمك ثوانى ( طبعا ياسمين استغربت تماما ) ياسمين :- لا طبعا مش ها اطلعله فيه يا منى ... انا جاية هنا علشان الدرس وبس منى :- وطى صوتك بس ياسمين :- منى خليه يلم الدور عشان ما يحصلش مشاكل - لان لو بابا عرف مش هيحصل كويس منى :- اهدى بس كدا على العموم براحتك انت حرة منى :- مش ها ينفع يا عمرو عمرو :- هى بتعمل كدا ليه ؟؟ - هو انا لعبة فى ايديها ( دخل حودة على كلام عمرو ) حودة :- فيه اى عمرو :- مافيش حاجة يلا بين نمشى منى :- طب والدرس يا عمرو استاذ محمد زمانه جى عمرو :- ينحرق ( ومشى عمرو وعفاريت الدنيا بتتنطط فى وشه ) راح هو وحودة على كافيه كالمعتاد وحودة يهدى فى الواد وعمرو كل اللى شاغله حاجة واحدة بس وما بيسالش نفسه غير سؤال واحد ..........هى ليه بتعمل كدا........ عمرو :- هى ليه مرة تخلينى طاير فى السما ومرة تانية ترمينى فى سابع ارض حودة :- يا جدع اهدى حودة :- وفكك منها وحيات امك يا عمرو عمرو :- والنعمة ما انا سايبها غير لما اعرف اى السبب عمرو :- هو اى انا جزمة ف رجلها تقلعها وقت ما تقلعها ( يا واد يا جامد ) حودة :- يبنى هو اى اللى حصل لكل ده عمرو :- يا عم انت يعنى مش شايف عمرو :- بليل كانت تمام اوى وبتكلمنى بكل هدوء وتقولى افكر حودة :- ما يمكن فكرت عمرو :- خلاص لو فكرت تقولى انا مش تفضحنى كدا حودة :- هى طبعا غلطانة بس اهدى بس عمرو :- ااااااوووووووووووف وفضل عمرو وحودة فى الكافيه لحد ما الخطيب جالهم حكولوا اللى حصل طبعا المعلم استغرب جداااااااااااا واتفقوا انهم لازم تبقى نهاية الموضوع بليل ويتصل المعلم بيها وافق عمرو على كدا وبليل قبل ما يوصلوا لبيتها شافوها هى وصحبتها مروة مروحين عمرو اول ما شافها كان ها يجن عمرو :- اى الجمال ده حودة :- يا خرابى الخطيب:- طب ماهو من حقها يا عم تدوخك وراها حودة :- شششششش شايفين صاحبتها والزعطلون اللى لبساه عامل ازاى عليها الخطيب:- على قفاه ( بوووووووم ) يبنى احنا فين وانت فين حودة :- يا جدع وسع ايدك ده اى ده كله ده عايزة وحش ( الفاظه زبالة ) الخطيب :- ههههههههههههه الخطيب :- ياجدع اسكت عمرو:- اهدى يالة حودة :- ماشى يا باشا ( وصلت ياسمين صاحبتها وهى راجعة عشان تروح اخدت بالها من عمرو اول ما شافته نزلت عينها فى الارض ومشت وهى موطية وشها لحد ما وصلت بيتها ) ( عمرو ما استناش راح على السنترال واتصل ) السماعة اترفعت نفس الصوت اللى بيحلم يسمعه على طول صوت ملاكه اجمل صوت لاجمل انسانه شافها ياسمين :- الو عمرو :- انت ليه عملتى كدا ؟؟ ( سكتت ) عمرو :- نفسى اعرف انت ليه بتعملى كدا فيا ؟؟؟ يعنى انا غلطتى انى صارحتك من اول مرة وقولتك انى بحبك يا ياسمين يا راق من النسمة واجمل من الياسمين قولتيلى انك ها تفكرى مش انك ها تفضحينى بالشكل ده ( سكووووووووت منها ) ( مش سامع غير تنهيدها ونبض قلبها ) عمرو :- حتى لو كنت رافضة كنت صارحينى مش ها ازعل يمكن اكون ازعل انى خسرت اجمل عيون وارق صوت لاكن كنت ها احترم رأيك وهاتفضلى انت ياسمين هى هى اللى اخدتنى من كل الناس اللى حوليا بنظرة من عينها ( سكوووووووت ) ( بصراحة الواد ثبتها تثبيتة نااااااااااار ) عمرو :- ساكتة ليه ياسمين :- مش عارفة اقولك اى عمرو :- انت ليه عملتى كدا ياسمين :- خايفة عمرو :- من اى ؟؟ ياسمين :- منك عمرو :- منى انا طب ليه !! ياسمين :- خايفة يكون اول حب ليا اكبر جرح ليا عمرو :- طول ما انت معايا ما تخافيش من اى حاجة عمرو :- لانى عمرى ما ها اخلى العيون دى تدمع دمعة واحدة لان ما فيش اى حاجة فى الدنيا تستاهل دمعة واحدة من عيونك واوعدك انى عمرى ما ها ازعلك فى يوم ياسمين :- ماشى عمرو :- ماشى اى ؟؟ ياسمين :- ما انت عارف كل حاجة ( بضحكة خفيفة ) عمرو :- انا عاوز اسمعها منك ياسمين :- على فكرة ماما نايمة وخايفة تصحى وبابا زمانه جى عمرو :- ما انا مش ها اقفل غير لما اسمعها منك ياسمين :- عمرو انت بتحبنى بجد عمرو :- يا لهوى كل ده ولسة بتسالى دلوقتى عمرو :- اعمل اى عشان تصدقى انى دايب فيك ياسمين :- ولا حاجة عمرو:- طب بقى اسمعها منك ياسمين :- وانا كمان عمرو :- انتى كمان اى ؟؟ ياسمين :- يلا بقى عشان ماما ما تصحاش ياسمين :- تصبح على خير عمرو :- وانت من اهله يا اجمل ملاك شفته فى الدنيا وعمرو ما كنش عاوز يحط السماعة ابدا من ايده وطلع الولهان برة وكله شوق عاوز يكون اخر صوت سمعه هو صوتها واول ما طلع قدام السنترال سمع ( يا غزال يا غزال اى الاوام ده ارحمنى بقى وحن علينا ) والخطيب ميت على نفسه من الضحك الخطيب :- اهو كدا من ساعة ما انت ما دخلت عمرو شده من قفاه عمرو :- حرام عليك يا جدع ضيعت اجمل لحظة فى حياتى انت اى حيوان ما بتحسش حودة :- يا جدع سيب كدا بس ده البت كانت ها تيجى انتى يا مزة استنى انا جى اهو الخطيب وعمرو :- ههههههههههههههههههههههههه
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين •°o.O Ahmed Tony O.o°• التعديل الأخير كان بواسطة : a alex بتاريخ 09-19-2009 الساعة 03:14 AM.
|
|
#6
09-18-2009, 04:03 PM
|
||||
|
||||
|
الجزء الخامس
كنا انتهينا فى الجزء الرابع ان عمرو كلم ياسمين وكان فرحان جدااااااا __________________لانه حس انها مستلطفاه وانه طلع ضرب حودة هههههههه صعبان عليا الواد يلا بقى الحلقه الخامس روح عمرو وكل اللى بيحلم بيه انه يروح ينام عشان يحلم باجمل عيون وارق ابتسامة واروع صوت روح وبيتمنى ان محدش يصحيه من حلمه الجميل اللى بقاله كتير بيحلم بيه ونام عمرو على صوت الست ياما عيون شغلونى لاكن ولا شغلونى الا عيونك انت دول بس ال خدونى وبحبك امرونى امرونى احب لاقتنى بحب لاقتنى بحب وادوب فى الحب .......... ونام عمرو وطول الليل بيحلم بحبيبته وصحى عمرو من نومه على صوت تغريد العصافير وكأن الدنيا كلها فرحانه علشانه حس عمرو ان ده احلى يوم نام فيه من مدة طويلة اوى وفكر عمرو ياترى يتصل بيها ولا لا فقرر انه يتصل ويصبح عليها ويعمل فيها الواد الرومانسى الجامد اوى اخد الموبايل بتاعه واتصل الووووو قفل السكة عمرو :- اى ده !!!!! ده شكله صوت امها !!! اكيد هى فى المدرسة دلوقتى ؟؟!! ربنا يستر وخرج عمرو راح كليته وفى اخر اليوم اتصل بيها عمرو :- الو ياسمين :- الو عمرو :- عاملة اى ؟؟ ياسمين :- الحمد لله ,,,,,,,,,, وانت عامل اى ؟ عمرو :- مافيش احسن من كدا حاسس انى اسعد واحد فى الدنيا ياسمين :- ( ضحكة خفيفة ) .. للدرجادى عمرو :- واكتر من الدرجادى كمان انتى مش متصورة انا بحبك قد ايه ؟؟ ياسمين :- قد ايه :- عمرو :- قد عمرى ولو انه صغير اوى عليك ولو اتمنيت انه يطول فيطول عشانك انت وبس وعشان احبك انت وبس ياسمين :- يسلام انت بتجيب الكلام ده منين عمرو :- ده بس عشان بممووووووت فيك ياسمين :- طب انا عاوزة اسالك سؤال !! ( من اولها اسئلة ) عمرو :- ايه هو ؟؟  ياسمين :- مش انت قولتلى انك فى كلية عمرو :- اه ياسمين :- يعنى بتشوف بنات كتير واكيد فيهم الاحلى منى و....... عمرو :- بس عرفت انت عاوزة تقولى اى اشمعنا انت يعنى ؟؟ ياسمين :- اااااااااه عمرو :- اولا هما مش احلى منك ولا حاجة انت اجمل واحدة انا شوفتها فى حياتى كلها ولو لفيت الدنيا كلها مش ها الاقى الاجمل منك ....وثانيا الحب مش بأيدينا ولا باختيارنا ( سكوووووت ) عمرو :- طب ممكن انا اسالك سؤال ياسمين :- اتفضل عمرو :- انت حبيبتى قبل كدا ياسمين :- لالالالالالالا ,,,,,,,,,, انا اساسا اول مرة اكلم حد عمرو :- والله يا ياسمين وانا اول مرة احب فى حياتى وماكنتش اعرف انى ها ابقى مدهول كدا فى الحب وانى اللى ها احبها ها تبقى احلى واحدة فى العالم كله ياسمين :- ههههههههههه مش اوى كدا يعنى يا بكاش عمرو:- والله العظيم بتكلم بجد عمرو :- بحبك ياسمين :- وانا كمان عمرو :- يا لهوى انا مش قد كدا انا ممكن اموت منك ياسمين :- لا بعد الشر عليك عمرو :- هو انت عيد ميلادك امتى ؟؟ ياسمين :- اشمعنا عمرو :- عادى بسال ياسمين :- 1/4 عمرو :- لا بجد والله ياسمين :- والله بجد فيها ايه عمرو :- والله العظيم انت 1/4 ياسمين :- اه انت مستغرب كدا ليه ؟؟ عمرو :- ههههههههه اصل انا كمان مواليد 1/4 ياسمين :- هههههههههه بجد عمرو:- اه والله العظيم شوفتى بقى اللى احنا شبه بعض فى كل حاجة حتى اليوم اللى اتولدنا فيه !!! يعنى احنا مخلوقين لبعض من قبل ما نشوف بعض عمرو :- على فكرة انا اتصلت الصبح وتقريبا مامتك هى اللى ردت عليا ياسمين :- واى اللى حصل ؟؟ عمرو :- لا ولا حاجة انا قفلت السكة ياسمين :- وكدا تقفل السكة فى وش ماما هههههه عمرو :- طب وانا كنت ها اقول اى ياسمين :- على فكرة ماما طيبة جداااااااا وانا مش بخبى عليها اى حاجة خالص عمرو :- يعنى انت قولتيلها ياسمين :- لا لسة بس اكيد ها اقولها لانى ماينفعش انى اعمل اى حاجة من وراها عمرو :- طب ولو رفضت ياسمين :- ها احاول معاها ,وعلى فكرة كلنا كدا حتى اخويا عمرو :- اخوكى باسم ياسمين :- انت تعرفه عمرو :- ااااه يعنى صحاب نص نص ماهو معايا فى الكلية ياسمين:- يالهوى ونكمل فى الحلقة 6
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين •°o.O Ahmed Tony O.o°•
|
|
#7
09-18-2009, 04:05 PM
|
||||
|
||||
|
الحلقة السادسة
الحلقه السادسه عمرو :- وفيها اى اتخضيتى كدا ليه ؟؟ ياسمين :- طب ولو عرف عمرو :- وهو ها يعرف منين وحتى لو عرف انا ها افهمه وبعدين يعنى هى حلوة ليه ووحشة لينا ...,,,, طب ماهو كمان بيحب وعايش قصة حب ياسمين :- بس هو حاجة وانا حاجة ياسمين :- انت لو عندك اخوات بنات كنت هاترضى انهم يكلموا حد عمرو :- اولا انا عندى اخوت بنات بس لسة صغيرين , ,ولما يكبره يبقى ربنا يسهل ياسمين :- لا ها ترضى ولا لا قول ؟؟!! ( اى السؤال المحرج ده ) عمرو :- بصى يا ياسمين مش كل الناس ذى بعضها انا الحمد لله واثق من نفسى وعارف انى عمرى ما ها اضرك فى حاجة وعمرى ما هاذيكى ( هرب من السؤال بمعلمة ) ياسمين :- (تنهيييييييد) عمرو :- مالك ياسمين :- مافيش عمرو :- طب ممكن بقى اسمع منك كلمة بحبك ياسمين :- دلوقتى عمرو :- اه طبعا امال بكرة ههههههههههههه ياسمين :- لا طبعا انا مش ها اقولهالك غير لما اتاكد مية فى المية انك بتحبنى عمرو :- انت كل ده ولسة ما اتاكديش ياسمين :- يعنى ومش ..... (بوم اتقفلت السكة على ودن عمرو طبعا عمرو فهم ان فيه حد دخل عليها ) اتصل بعديها بشوية عمرو :- الو ياسمين :- الووو عمرو :- اى فيه اى اللى حصل ياسمين :- لا والله النمرة غلط ( وبردك قفلت السكة ) شك عمرو شوية بس يمكن فيه حد جمبها وفقد الامل انه ممكن يكلمها تانى النهاردة وكمل اليوم مع صحابه وحكلهم على اللى حصل وكله تمام ومرت الايام فى سعادة وسكينة لحد ما ياسمين قالت لعمرو انها حكت لمامتها عنه وان مامتها عاوزة تكلمه طبعا عمور استغرب من الموضوع ده وكان كل مرة بيقولها ماشى بعدين طب هو انا اقولها ايه ؟؟ عادى كلمها وانت ها تعرف وكان عمرو قلقان اوى من الموضوع ده بس اكيد هى لو ماكنتش عاوزة تخلى بنتها تكلمنى اكيد كانت منعتها وهو ده اللى كان مصبره ومطمنه وفى يوم كان عمرو بيكلمها وفجأة ياسمين :- على فكرة ماما عارفة انى بكلمك دلوقتى وهى عايزة تكلمك عمرو :- طب ياسمين ..... ياسمين :- خد ماما معاك (((يا خرابى على الزنقة ))) مامتها :- السلام عليكم عمرو :- وعليكم السلام ( ضاااااااااع الواد ) مامتها :- اذيك يا عمرو عمرو :- تمام الحمد لله اذى حضرتك مامتها :- الحمد لله مامتها :- ياسمين كانت حكتلى عنك وبصراحة كدا انا قولتلها انها ما تكلمكش تانى بس هى مش راضية وانت عارف بقى دماغها ناشفة هههههههههههههه عمرو :- اه مانا عارف طب وحضرتك ليه كدا ؟؟ مامتها :- ياعمرو انت ذى باسم ابنى وعارفة انك بدرى عليك صح ولا لا ؟؟ عمرو :- مش بدرى ولا حاجة انا قدامى سنتين واتخرج من الكلية وسعتها ممكن انى اتقدم لياسمين وبعدين ياسمين لسة صغيرة مامتها :- يااااااا يا عمرو ده انت لسة عاوز تكون نفسك ولسة قدامك جيش وموال هههههههههه طب وليه حضرتك ها تعقدينى (( الواد جاله احباط )) ههههههههه عمرو :- انا بس اتخرج من الكلية وربنا يحلها ولا فيها جيش ولا حاجة باذن الله وبعدين انا بحب ياسمين وهى كمان بتحبنى ,, وباذن الله نكمل مع بعض مامتها :- مافيش حاجة اسمها حب فى الزمن ده انت بس علشان شايف ياسمين حلوة شوية فمعجب بيها مش اكتر عمرو :- لا والله العظيم انا بحبها بجد وعمرى ما اقدر اتخلى عنها ولا انى استغنى عنها فى يوم (( وفضل عمرو كلمة من هنا وكلمة من هناك يقنع بيها والدة ياسمين بكلامه )) (( وفعلا نجح فى انه يقنعها )) ( مقنع اوى الواد ده ....طالع لى ) واثناء المكالمة كان سامع صوت ياسمين جمب مامتها وهى بتقول قفشات وبتعلق على كلام مامتها ذى خلاص بقى عقتى الواد كفاية كدا اشمعنا يعنى باسم وكان بيضحك عليه هو ومامتها وبعد ما المكالمة ما انتهت حس عمرو ان الدنيا بدأت تضحكله وان هم من على قلبه انشال واول ما روح بيته اتصل بيها تانى واتكلموا مع بعض عن كلام مامتها واى هو رد فعلها على كلام عمرو بس الواد كان ذى الاسد واقدر انه يقنعها بكلامه ويثبتلها انه قد المسئولية وقد كل كلمة بيقولها وقالت ياسمين لعمرو ان مامتها معجبة بشخصيته وبكلامه وانها عاوزة تشوفه وانها حكتلها على موضوع الدرس اللى بيروحه عشان خاطر عيونها وانها ممكن تطب فى اى لحظة قال يعنى عاوزة تطمن عليها بس هى ها تيجى عشان تشوفه مش اكتر واطمن عمرو لكلام ياسمين وانتهى اليوم بسلام لحد ماظهرت مشكلة جديدة وهى ان باسم شك ان اخته بتكلم حد فى التليفون و...... تنتهى الحلقة على كدا ااااااااااااااا ونشوفكم على خير مع يوميات عمرو وياسمين فى الحلقه السابعه
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين •°o.O Ahmed Tony O.o°• التعديل الأخير كان بواسطة : a alex بتاريخ 09-19-2009 الساعة 03:22 AM.
|
|
#8
09-18-2009, 04:07 PM
|
||||
|
||||
|
الحلقة السابعة
الحلقه السابعه كنا انتهينا ان عمرو ظبط كل حاجة مع مامتها وانها اتاكدت ان عمرو ده شخصية كويسة وابن ناس وانه مش بيلعب ببنتها ذى شباب اليومين دول (( فاهمنى طبعا اا )) كل شئ كان تمام وفى يوم كان عمرو بيكلم ياسمين وديه كانت المكالمة ووووو نسمعها سواااااااا عمرو :- وحشتينى ياسمين :- انت اكتر عمرو :- بجد والله انا نفسى اشوفك ياسمين :- يسلام انت لو كنت عاوز تشوفنى بجد كنت زمانك جيت الدرس عشان تشوفنى بس انت بقى اللى ما جتش عمرو :- والله يا ياسمين انا عندى اليومين دول امتحانات وبتاع ونفسى اشوفك بس مش قادر انزل ياسمين :- لا خليك فى مزاكرتك احسن ,, وكفاية عليا انى اسمع صوتك كل يوم عمرو :- يا لهوى اهى الكلمة دى عندى بالدنيا وما فيها انا بموت فيكى يا ياسمين ياسمين :- بس انا اكتر عمرو :- اكتر ايه ؟؟ ياسمين :- هههههه ما انت فاهم وعارف كل حاجة عمرو :- بس انا عاوز اسمعها منك ياسمين :- ما انت عارف انى مش بعرف اقول الكلام ده عمرو :- طب ما انت اول واحدة اقولها بحبك وبموت فيك يا ياسمين وربنا يخليكى ليا يا رب يا اغلى عندى من الدنيا ومافيها ياسمين :- بجد يا عمرو يعنى انت بتحبنى ذى ما بحبك عمرو :- بصراااااااااااااااااااااااااااااحة لا ( يا خرابى اعترف الواد ) ياسمين :- ايه ......!!!!!؟؟؟ ( راح ف دهية عمرو :- اكتر بكتييييييير اوى منك ( حرام عليك نشفت قلب البت ) ياسمين :- حرام عليك فجعتنى عمرو :- ليه هو كل ده لسة شاكة فى حبى ليك ياسمين :- ليه هو انا لو شاكة كنت كلمتك ثانية واحدة عمرو :- يا واد يا جامد والنبى عسل يا خواتى ياسمين :- بس بقى عشان فيه موضوع مهم عمرو :- خيييير ياسمين :- باسم اخويا بدء يشك فيا وكل شوية الاقيه ماشى ورايا فى الشارع ويعملها صدفة وكل شوية يقولى انت بتكلمى مين فى التليفون وكدا يعنى ...... ولولا ماما كنت زمانى روحت فى داهية عمرو :- ربنا يخلهالنا يا رب لحد ما اقدر اجى لحد عندك واطلب ايدك من باباكى واقوله يا عمى انا بطلب ايد بنتك ياسمين وعاوزها تكون مراتى وام عيالى لحد ما اموت ياسمين :- بعد الشر عليك ده انا اموت وراك وبعدين كل سنة وانت طيب عمرو :- يااااااا ده احنا عيد ميلادنا كمان 3 اياام ( 1 /4 ) كل سنة وانتى طيبة يا قمر ياسمين :- على فكرة ماما عملالك مفأجاة عمرو :- اى هى ؟؟ ( استر ياللى بتستر ) ياسمين :- ما تبقاش مفأجاة ((( وتمر التلات ايام اوااااام ))) ويوم عيد الميلاد الصبح موبايل عمرو بيرن عمرو :- الو ياسمين :- الو صباح الخير عمرو :- صباح النور يا روحى وحشتينى اوى رغم انى لسة سيبك فى الحلم ياسمين :- ههههههههههه ياسمين :- وكنت بتحلم بايه بقى ؟؟ عمرو :- بيكى انت وبس ياسمين :- كل سنة وانت طيب يا عمرو عمرو :- وكل سنة وانتى طيبة يا ياسمين ونفضل مع بعض على طول لاخر يوم فى عمرنا ياسمين :- يا ريت يا عمرو على فكرة ماما جمبى وعاوزة تكلمك عمرو :- اوك ماشى مامتها :- ازيك يا عمرو عمرو :- الحمد لله حضرتك عاملة اى ؟ مامتها :- الحمد لله كل سنة وانت طيب عمرو :- هههههههه وحضرتك طيبة يا رب مامتها :- انا عندى مفأجاة ليك عمرو :- اه ما ياسمين كانت قايلالى بس مش راضة تقولى اى هى المفأجاة مامتها :- طب انت فاضى النهاردة بليل عمرو :- ولو مش فاضى اكيد افضى نفسى مامتها :- طيب الساعة 7 استنانا قدام الدرس عمرو :- اشمعنا مامتها :- ها تعرف فى وقتها وعشان نشوف حل لموضوع باسم عمرو :- اه اكييييد ( وانا كنت ناقص ) ويعدى النهار وطبعا عمرو لبس الحتة اللى عل الحبل وجلجل شعره ورش كالونيا وحضر هدية جميلة جداااااا لاجمل بنت فى الدنيا حبيبته اللى فضل يحلم بيها طول عمره ويشوفها فى احلامه خلاص شاء القدر انه يجمعه بيها ويشوفها قدامه ذى الملاك ما يقدرش يوصف لسانه اللى شايفاه عيونه لانه يفوق اى جمال شافه فى الدنيا وقف قدامها مش عارف يقول ايه ؟؟ مش عارف يعمل ايه ؟؟؟ عاوز يبصلها وبس يمكن يشبع منها ..... مش عاوز يضيع ولا ثانية قدامها ياااااااااااااه كلام كتير جواه عاوز يقوله بس اكيد الزمن مش هيكفى حبه ليها هى كمان كانت مش عارفة تنطق ولا كلمة مش عاوزة ترفع عينها من عليه ..... عاوزة تعوض كل ثانية مش بيبقى قدام عنيها ...... نفسها تقوله بحبك يا عمرو وياريت ماتبعدش عنى ولا ثانية بس مش قادرة ليه مش عارفة وفجأة تنقطع لحظة الرومانسية ...... مامتها :- ازيك يا عمر ( ده وقته يا شيخة ) عمرو :- الحمد لله حضرتك عاملة ايه ؟؟ مامتها :- كل سنة وانت طيب عمرو :- وحضرتك طيبة ياسمين :- كل سنة وانت طيب يا عمرو اتفضل لفة باين من شكلها انه دبدوب عمرو:- وانت طيبة يا ياسمين وبرده كل سنة وانت طيبه اتفضلى وداها هديته واديته هديتها واتمشوا لحد كافيه وهناك كانت المفاجأه.................
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين •°o.O Ahmed Tony O.o°•
|
|
#9
09-18-2009, 04:09 PM
|
||||
|
||||
|
الحلقة الثامنة
الحلقة الثامنة كان فيه مفاجأه مستنية عمرو كانت اخت ياسمين وصحبتها مروة قاعدين وفيه تورتة جاهزة للشمع طبعااا عمرو استغرب عمرو :- ايبببه ده ؟؟ ياسمين :- ايه رايك فى المفاجأه بقى ؟؟ عمرو :- بقى كدا ما تقوليش ياسمين :- كل سنة وانت طيب يا عمرو ويا رب كل سنة نبقى مع بعض عمرو :- بحبك اوى يا ياسمين بموووووت فيكى وراح عمرو مع ياسمين يطفوا الشمع وهابى بيرث داى وكله تمام والاكل كفى المعازيم والحمد لله واقعد عمرو مع والدة ياسمين يتكلموا وياسمين طبعااااا مضايقة لان المفروض اليوم ده يبقى عمرو معاها هى وبس وعمرو قاعد على ناره وكل يبص لياسمين ونفسه يكلمها بس مش بايده مامتها :- طب وانت ها تعمل اى فى موضوع باسم عمرو :- بصراحة مش عارف .... بس عاوز اروح اكلمه وانا ها اقدر اقنعه مامتها :- طب ازاى مش ها ينفع عمرو :- لا انا ها اعرف بجد والله اتفاهم معاه وبعدين ما هو كمان بيحب وحكيلى على كل حاجة مامتها :- يعنى ما افتحش معاه الموضوع انا عمرو :- يعنى شوية من عندى وشوية من عند حضرتك .................... وماصدق عمرو ان والدة ياسمين انشغلت مع مروة وجرى على ياسمين ياسمين :- ما لسة بدرى خليك شوية كمان وانا سيبنى واقفة كدا لوحدى عمرو :- طب اعمل اى ما انا لازم كنت اتكلم مع مامتك ياسمين :- كل ده كلام على ايه يعنى كل ده !!!! عمرو :- لو ما كنتش مامتك كنت قولت من طريقة كلامك انك بتغيرى عليا ياسمين :- انا بغير عليك من الهوا مش ها غير عليك من ماما ( ده الواد علقها بيه جامد جدااااااااا ) ولو اعرف اخليك ما تشوفش غيرى ها اعمل اى حاجة عمرو :- طب ما انا فعلا ما بشفش غيرك وبعدين تصدقى انا كنت لايمكن اتصور انك بالجمال ده ياسمين :- ميرسى عمرو :- على ايه ديه الحقيقة انت ما فيش حد فى جمالك ياسمين :- مش يمكن انت بس اللى تكون شايف كداااا عمرو :- كفاية عليا انى اكون الوحيد اللى فى العالم اللى يشوف الجمال ده بزمتك مش يبقى ربنا بيحبنى لو خلانى من وسط الكون اللى يتمتع بجمال ذى ده ياسمين :- ههههههههههههههه عمرو :- يا خرابى ده ايه السكر ده ياسمين :- ههههههههه على فكرة انا لايمكن انى كنت اتصور ان ممكن اقعد معاك فى مكان واحد ونتكلم مع بعض عمرو :- تصدقى بقى انى كنت بحلم باليوم ده وكتير كنت اتمنى ولو للحظة انى اشوفك صدفة فى الشارع مش انى اقعد معاكى واتكلم كمان عمرو :- مش ها تريحينى بقى وتقولى بحبك ياسمين :- لالالالالالالا عمرو :- طب ليه كداااااا ياسمين :- مش عارفة بسسسسسس بجد مش عارفة ليه !!!!! عمرو :- طب لو قلتلك انى بموت فيك وفى جمال عنيكى ونفسى اسمع منك كلمة بحبك يا اغلى واحلى انسانة فى حياتى ولو ما قولتليش دلوقتى بحبك ها يبقى ده اتعس عيد ميلاد ليا ياسمين :- بقى كداااااا اتعيس عيد ميلاد وانا معاك عمرو :- طب ما تكملى فرحتى وتريحينى وتقوليلى بحبك ياسمين :- امممممممممم بحبك استريحت عمرو :- ايه ؟؟؟!!!!!!!! تاااااانى كدا ياسمين :- بحبك والله العظيم بحبك انت وبس عمرو :- يا لهوى ده انا ممكن اموت من الفرحة تانى كدا الا اكون بحلم ياسمين :- بحبك يا عمرو عمرو :- بموت فيك يا ياسمين يا روح قلب وعقل عمرو يا كل كيان عمروياسمين :- بس كدا عشان انا دلوقتى اسعد انسانة فى الدنيا عمرو :- لا طبعااااا عشان انا اسعد منك بكتيييييير اوى اوى اوى واتمنى ان العمر يقف فى اللحظة ديه وما يمشيش وافضل معاك بقيت عمرى كله وفجأة النور يقطع ........ قصدى والدة ياسمين تطب عليهم فجأة وتقطع احلى لحظة فى حياتهم وكفاية كدا بقى ونكمل المرة اللى جاية سلااااااااااااام
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين •°o.O Ahmed Tony O.o°• التعديل الأخير كان بواسطة : a alex بتاريخ 09-19-2009 الساعة 03:32 AM.
|
|
#10
09-18-2009, 04:10 PM
|
||||
|
||||
|
الحلقة التاسعة
الحلقه التاسعه السلامو عليكو عاملين ايه ...؟؟!! النهاردة الحلقه التاسعه........ ونخوش بسرعة ....... ^ ^ كنا وصلنا لاحلى لحظة رومانسية بين عمرو وياسمين لحظة الحب والعشق بين الطرفين اللحظة اللى قالت فيها ياسمين واخيرا لعمرو انها بتحبه وبتموت فيه ويمكن اكتر كمان ما هو بيحبها .... خلص اليوم بسرعة بالنسبة لياسمين( دايما اللحظات الحلوة بتخلص هوااا ) واول ما روحت اتصلت بعمرو اتكلموا شوية وقالته ان ده كان احلى يوم فى حياتها وانها كانت اسعد انسانة فى الدنيا عشان كانت مع حبيب قلبها وال انتظرته طول السنين يخطف قلبها عمرو هو كمان كان اسعد انسان فى الدنيا طبعا عمرو ما يقدرش يعدى يوم ذى ده على كدا حب يشارك فرحته صحابه واللى كانوا سبب فى انه يكلمها اتصل بحودة والخطيب واجتمعو واتمشوا على البحر وحكالهم عمرو على اللى حصل...... وكانو فرحانين علشانو جدااااااااا بيتمشوا على الكورنيش وحودة كالعادة بيمارس موهبته فى فن معاكسة البنات حودة :- شايف ياض البنت اللى ذى البدر اللى هناك ديه الخطيب :- هههههههه ... يا عم سيبها ديه ماشية مع حمار بدل ما ييجى يضربنا عمرو :- لا والنبى يا حودة مش طالبة نضرب النهاردة خااااااااااااالص حودة :- يا جدعان ضرب اى وبتاع اى ساعة الضرب ........الجرى نص الجدعنة حودة .......الخطيب ....... عمرو هههههههههههههههه الخطيب :- انت بالنسبة لك الجرى كل الجدعنة حودة :- يااااااااااااااا لهوى انت واخد بالك من الجيبة اللى هناك ديه الخطيب :- ههههههههههههههههه يبنى بس وجعتلى بطنى هههههههههه واستمر حودة على كدا طول السهرة وضحك وهزار وعاش عمرو احلى يوم فى حياته واللى بيه تبدأ حياته وتعدى الايام وتروح وفى يوم كان اصعب يوم على قلب ياسمين والساعة 8 بيرن موبايلها شافت رقم عمرو جرت على الموبايل وبكل لهفة وشوق بترد عمرو :- الو ياسمين :- ازيك...................... وحشتنى عمرو :- كويس ( صوت الواد متغير ) ياسمين :- مالك فيه ايه صوتك متغير !!! عمرو :- لا ابدا مافيش ياسمين :- لا فيه قول مالك عشان ما تقلقنيش عليك عمرو :- فى موضوع كدا بس مش عارف اقول اى ؟ ياسمين :- لا قول يا عمرو عمرو :- ياااااااســـ مــــ ين ياسمين :- نعم عمرو :- احنا مش ها ينفع نكمل مع بعض ياسمين :- نعم عمرو :- اسمعينى بس للاخر وسيبينى اتكلم ..............انا عارف ان الكلام اللى ها اقوله صعب عليكى ..................... بس انا اسف يا ياسمين ياسمين :- عمرو انت عارف انت بتقول ايه ؟ عمرو :- سامحينى ..................ويارب تقابلى الانسان اللى يحبك اكتر منى و يخاف عليكى ادى ياسمين :- عمرو ليه كل كداا......!!!!..... بدأ صوتها يبان عليه دموعها ياسمين :- اسف سلام يا ياسمين (((((((( وقفل السكة )))))))) ياااااااااااااااااااااااااااااااااااااااا اصعب لحظة فى حياه ياسمين ..........طبعا ما سكتتش .......اتصلت بيه تانى كنسل .........وقفل الموبايل جرت ياسمين ودموعها مالية عنيها على مامتها تقولها اللى حصل ومش عارفة تتكلم ......... حاسة ان روحها بتطلع منها الانسان الوحيد اللى حبته بيقولها ما ينفعش نكمل مع بعض وبدون سبب طول اليوم عمرو قافل الموبايل وبليل ........... مروة صحبتها بتروحلها البيت وجواها كلام كتير مش عارفة تبدأه منين ............لقت ياسمين فى حالة عمرها ما شفتها فيها ولا كانت تتخيل انها تشوفها كدا ذى الاطفال بتبكى على حبيبها اللى راح منها............. بين يوم وليلة بعد ما شافت معاه اسعد ايام حياتها وكانت الكارثة الاكير مروة :- ما تبكيش عليه هو اساسا ما يستهلكيش ياسمين :- انا بس عاوزة اعرف هو عمل كدا ليه ؟ مروة :- انسيه بقى ........... عمرو ما حبكيش ولا عمره ها يحبك نزلت كلمات مروة على ياسيمن ذى الصاعقة مش عارفة تقولها اى ولا اى ياسمين :- فيه اى اللى حصل ! مروة :- عمرو لسة شايفاه هو والخطيب راكبين عربية ............ الخطيب سايق وعمرو قاعد هو وواحدة ورا يااااااااااااااااااااااااااا المصايب كلها بتيجى فى وقت واحد حبيبها طلع بيخونها ......... لا ده حتى ما حبهاش ...........وفى اشد لحظات احتياجها ليه ....... نسيها ومع واحدة تانية اتجنت ياسيمن وعاوزة تكلمه باى طريقة فكرت ....... اتصلت ب سلمى ( اخت المن ) صاحبهم الرابع ياسمين :- ازيك يا سلمى عاملة ايه ؟ سلمى :- الحمد لله مالك صوتك فيه حاجة متغيرة ياسمين :- لا ابدا تعبانة شوية سلمى :- لا الف سلامة عليكى ياسمين :- محمد اخوكى موجود سلمى :- محمد اخويا !!!!!! .......وانت عاوزاه ليه !!!!! ياسمين :- موجود ولا لا ؟؟ سلمى :- لا مش هنا ياسمين :- امال فين ؟ سلمى :- اكيد مع شلته هو وراه غيرهم ياسمين :- انت تعرفيهم كويس يا سلمى سلمى :- اه اخويا دايما بيكلمنى عليهم ..........ليه ؟؟ ياسمين :- بيقولك ايه سلمى :- يعنى انهم على طول فى سهر وخروج وبنات فى الكلية وهزار وضحك ولعب وكدا ........... عايشين حياتهم يعنى ياسيمن بتكلمها وبتخبى دمعتها لا يبان عليها وبتقولها اوك ها اكلمك تانى وتقفل السكة ومامتها قاعدة جمبها وبتقولها مامتها :- خلاص بقى اوعك تجيبه سيرته تانى .......انسيه ذى ما نساكى ..واوعك تندمى عليه... ياسمين :- طب ليه يا ماما عمل كدا ؟ بقى ده ذنبى انى حبيته ؟ مامتها :- خلاص بقى ربنا يسامحه واهو عنده اخوت بنات ياسمين :- بس انا متاكدة انه بيحبنى ذى ما بحبه كفاية بقى يا ياسمين اديه طلع كداب وابن ............ وانا غلطانة من الاول وكفاية لحد كدا والحمد لله انها جت على اد كدا وبتسيبها وتمشى وياسيمن ما تلاقيش حد يمسح دمع عنيها وتقعد تفكر فيه معقول ما حبنيش ,.................. طب ازاى ده انا كنت حاسة كل كلمة بيقولها ........طب ليه عمل كدااااا ...طب ليه قالى انه بيحبنى وضحك عليا ليه ...... و ليه ...... وليه ...........؟؟؟؟؟؟؟؟؟ والف سؤال بيدور فى دماغها وماحدش يقدر يجاوبها غير واحد بس حبيبها عمرو اللى ماحدش عارف هو فين دلوقتى وووووووووووووووو يخلص الحلقه التاسعه على اصعب مشهد فى حياه ياسمين صدمة حياتها فى حبيب قلبها ونكمل المرة الجابة مع الحلقه العاشره استنوووووووووووووووووونااااااااااااااااااااااااااا اااااااااااااااااا
__________________
مصر مصر مصر
بلدنا مش كورة دى فى القرآن مذكورة سنظل الافضل .**. رغم كيد الحاقدين •°o.O Ahmed Tony O.o°•
|
|
| أدوات الموضوع | |
| طرق عرض الموضوع | |
|
|
Tags:-افلام,اغانى,تحميل اغانى,تحميل افلام,تحميل فيلم,تحميل اغنية,الجديد,الجديدة,تحميل البوم,طرب,صور,صور الفنان,صور الفنانة,موقع فيلم,العاب,لعبة,تحميل لعبة,برنامج,تحميل برنامج,رقص,فيديو كليب,تحميل كليب,تحميل فيديو,بلوتوث,صور الفنانة,فضائح,فضيحة,فضائح فنية,صور الفنانات
| مواقع دردشة | مواقع افلام | رسائل | مواقع بنات | صور | تحميل العاب بنات | مواقع اغانى | مواقع اسلامية | افلام عربية |
| 2009 | اقسام الدليل | مواقع صور | مواقع برامج | مواقع العاب | مواقع فيديو | مواقع شات | دليل مواقع | افلام اجنبية |
 |
Powered by vBulletin V3.8.4. Copyright ©2000 - 2009
العرض العادي
