شباب اليومين دول

[Angel of dreams]

شباب اليومين دول
(خيبه تقيله )
اليكم نقل حى للواقع المخزى لشباب اليومين دول :
حمادة : شفت اللى بيحصل للفلسطينيين ......... احنا لازم نعمل حاجه يا ميزو !
ميزو : عندك حق بقولك ايه ...... ماتيجى نهب هبه على جامعه عين شمس دى المظاهرات على ودنه
حماده : عين شمس ايه يا قله جامعه القاهره اشد .. دى مدعكه هناك اهو نخرج الكبت اللى هيقتلنا ده
ميزو : قشطه كلم شيرى و بيرى و شاهنده و شلتهم و انا هكلم هوبه و باقى المقاطيع ياااااااااااه اخيرا حاسس ان بقى فيه قضيه مهمه فى حياتى هنوريهم احنا نقدر نعمل ايه (موسيقى تصويريه : القدس دى ارضنا )
حماده : الو ............. ايوه يا شيرى ... ازيك ؟ هو ار يو دوينج توداى ؟
شيرى ( تبكى ) : نوت باد شايف اللى بيحصل للفلستينيين .. حرااااااااااام .. مش معقول العالم يسكت كده .....!!!
جماده : علشان كده انا بكلمك ... لازم نعمل حاجه احنا هنروح بكره جامعه القاهره علشان نشارك فى المظاهرات ايه نظامك ؟؟؟؟؟؟
شيرى ( بتتشحتف ) : شغاله تبعا ( اللى يشوفك و انتى صاحيه من النوم يقول شغاله فعلا ) .......و هكلم باقى الناس هتتقابلوا امتى ؟؟؟
حماده : بكره على تسعه كده عند كنتاكى عباس متتاخريش
شيرى : تسعه مش هينفع روحوا انتوا و انا هاخد تاكسى و احصلكوا
حماده : تاكسى ايه انتى بتستعبطى ..... انتى صاحبه عيال و لا ايه ..... ماتروحيش فى تاكسى لوحدك طبعا هنعدى عليكى بالعربيه و نستناااااااااااكى ( لا راجل ياااااااااض )
ميزو : خليها تيجى بالديرتى الجينز علشان البهدله ( لا نبيه ياااااااض )
شيرى : اوكى سى يو تومورو بون وى ( الله يرحم ستك ستوته )
حوار حول المقاطعه ( ربنا يقطعهم )
حماده : هتروحوا بكره المظاهرات ؟
ميزو : لا فى عرضك ده انا كتفى وجعنى طحن من العصايه اللى اخدتها امبارح و بعدين الشيخ سيد بيه على كيفهم قال المظاهرات حرام علشان جايه من التظاهر يعنى الايحاء بغير ما فيك يعنى كدب يعنى حرام ( حرمة عليك عشتك )
شيرى : لا مش تالبه ناخد زنب انا كمان سمعت الشيخ المفتى ابو فتوى السكره بيقول ما هو حرام فهو حرام و ماهو حلال فهو حلال و خد فتواك على هواك ...!!!! ( و اتمنى لو انساك )
حماده : يعنى ايه نسكت ....!!! احنا لازم ناخد موقف الناس بتموت هناك و احنا اعدين ساكتين هنا ....!!! بقولكوا ايه ايه نظام المقاطعه ؟؟؟؟؟
بيرى : صح احنا لازم نقاطع كل المنتجات المصريه علشان الحكومه تسمعنا ( يا منجى الوحش من الجحش )
ميزو : قصده المنتجات الامريكيه يا قله
بيرى : ماشى اى حاجه مش فارقه
حماده : يعنى نديها مؤمن و كوك دور و كويك و سمايلز و بلاش بيتزا هت و كنتاكى و ماك دونالدز
ميزو : طيب و الساقع ( عفريت ياضضضضضض يا ابن .......... تانت فكيهه )
حماده : اديها فيروز و شويبس
شيرى : هو بيجيب الكلام ده منين ؟؟؟!!!!!!!!!!!!!!!!!!
بيرى : اراهنك بيشرب بيريل ......!!!!
شيرى : تيب بلاش بيتزا هت اكل بيتزا فين يعنى ؟؟؟؟؟؟ مقدرش ابتل البيتزا اى لايك ات سو ماتش ( الله يرحمكم يا فتيات فلسطين )
ميزو : المهم التلفزيون هيصور عندنا فى الايه يو سى عايزين نحضر اعلام و يفط و كمان عايزين علم اسرائيل نولع فيه
شيرى : ياااااااااه انا سخنانه موت عايزين نسبت للعالم ان احنا مع الفلستينيين (سخنانه يا حلوه اعمليلها كمادات توتى فروتى يا تهانى )
شاهنده : باى زا واى احنا عاملين عندنا حفله لصالح ضحايا فلسطين هتبقى فى لوس اميجوس و مينيمام تشارج 90 جنيه و الدخول كابلز
حماده : كتير اوى 90 جنيه
شاهنده : يا اخى بقولك علشان التبرعات ايه انت معندكش دم ؟؟؟؟؟!!!!!!!
( صحيح انت ايه بتقولك لوس اميجوس و كابلز و رقص و هتهيص كله فى سبيل فلسطين { انا لله و انا اليه لراجعون }
ميزو : كنت هنسى صحيح الخميس اللى جاى بليل التلفزيون هيصورنا و احنا بنعبى التبرعات فى العربيات و المخرج قالى عايز ناس كتيره علشان هيبعتوه قناة الجزيره قولوا لكل اللى تعرفوهم عايزين عدد كبير
حماده : و ياترى التبرعات دى هتوصل ؟؟؟؟؟؟
ميزو : و احنا مالنا يكشى يولعوا فيها احنا مالنا احنا عملنا اللى علينا ( هو ميزو ده دلع مزرااااااااحى !!!!!!!!!!!!!!!! )
شيرى : ايوه انا سمعت الشيخ محمد حكايه بيقول التبرعات اهم من الجهاد و الجهاد مش وقته اساسا
ميزو : حد فيكوا يعرف مكان نجيب منه الغطره الفلسطينيه ؟؟؟؟؟
بيرى : هاهاى انا عندى خمسه جبتهم من دهب لما كنا مع بعض السنه اللى قفاتت ( دهب و ما ادراكى مادهب العيب مش عليكى العيب على الاريال اللى رباكى و ظبطك و وجههك و بيستقبل كل الاقمار الصياعيه فى بيته )
بعد 3 اشهر من الاحتياج الاسرائيلى ( انسى يا عمرو ) :
حماده : بقول ايه ما تيجوا نروح سينما النهارده ؟
بيرى : ده فيلم حلو اوى لميل جبسون اسمه كنا جنود ........
شيرى : ده عن فيتنام ده تصويره جامد موت
حماده : بس ده امريكى احنا مش مقاطعين ؟؟؟؟؟؟؟
ميزو : يا عم انت لسه فاكر
بيرى : و بعدين ده فيلم و فلوسه رايحه لمصر و بعدين السينما الامريكيه اقوى و احلى سينما اصلا
شيرى : ايوه مامى قالتلى انها سألت الشيخ ابو فتوى و قالها ما دام الفيلم مش خارج عن الحدود يعنى مش اكتر من 10 % بوس بس يبقى مش حرام
بيرى : طيب وقت الفيلم ده شامل المقدمه و النهايه و الاستراحه ؟
شيرى : هو قال ان لو السينما جمبك يبقى الوقت يبدأ مع بداية الفيلم لكن لو بعيد عنها يبقى من اول ما تنوى تروحى السينما ( اللهم لا تؤاخذنا بما فعل السفهاء منا ) ( ليس بعيدا ان نسمع هذه الفتاوى عما قريب )
بيرى : المهم هتتغدوا فين ايم سو هنجرىىىىىىىىىى
شيرى : بيتزا هت او ماك دونالدز
حماده برده مطاعم امريكيه
ميزو : يوووووووووووووووه يعنى احنا لما نقاطعها امريكا هيحصلها حاجه
حماده : مفيش غير الجهاد هو اللى هيحرر فلسطين
ميزو : مينفعش نجاهد قبل ما نغير نفسنا و بعدين مش الجيل ده اللى هيحرر فلسطين
شيرى : ايوه الشيخ محمد قال كده ( حلاوتك يا عم الشيخ )
ميزو : ها جاى معانا و لا لا ؟
حماده مع نفسه : ساعه لقلبك بقى
حماده : الهبه يا ولاد
ميزو : ايوه كده خليك جدع
بيرى : هاهاى طيب و الساقع ؟؟؟؟
كلهم بقى فى نفس واحدددددددددددددددد : بيبساوى على طوووووووووووووووووووووووووووووووووووووووووول

[عمــــــــرو]

جاتني فكره يا انجل انتي شربيني علبه كانز وانا اطلع مظاهره بس مش ورا الفلسطنين

ورا احلى بت ماشيه في الشارع :biggrin: ده هزار واوعى تقللي المهر :biggrin:

[Angel of dreams]

انت عارف انا ممكن اعمل فيك ايه لو بصيت لواحده تانيه

لا متقلقش مش هقلل المهر

[คђ๓є๔ ๓๏รtคŦค]

عمرو عمرو اقولك شىء من وراها اديلها المهر الشرعى ربع جنيه بس كفايه عليهاا

[عمــــــــرو]

اصل انتا مش واخد بالك هي الي هتدفعلي المهر

[MeMo]

شكرااااا جدا على الموضوع الرائع بتاعك وياريت متحرميناش من مواضيعك الحلوة...بااااى