منتديات اصحاب كول 2014  

 --الوصول السريع للأقسام--

الاغـانى والفيديو كليب تحـميل افـلام للبنــات فـقـط تحميل العـاب فضـائح فـنـيـه
تعارف و صداقات مقاطع بلوتوث
حوادث وجرائم وعنف الهكرز والإختراق اخبار الرياضة مـصـارعـة
مقاطع فيديو طب و صـحـه اسـلامـيـات كل ما يخص الموبايل اخبار الفنانين

دردش مع اصحاب كول و اتعرف على اروش صـبـايـا و شباب الان !!

 

 

 هام :- لايمكنكم رؤية المواضيع الا بعد الإشتراك بالمنتدي/ للإشتراك اضغط هنا / من فقد عضويتة

Missing Plug-in  هام : جهازك لا يمكنه تشغيل و مشاهدة الأفلام والفيديو بجودة عالية HD
X

العودة   منتديات اصحاب كول 2014 > =----> (المنتديـــات العــامـه) <----= > المـنـتــدي الـــعـــام

Notices

رد
 
أدوات الموضوع طرق عرض الموضوع
  #1  
قديم 07-12-2010, 12:10 AM
lplp83 lplp83 غير متصل
كول لسه طازه
 
تاريخ التسجيل: Oct 2006
المشاركات: 12
افتراضي قصتى مع الاكتئاب والتحسن والشفاء

انشر الصفحة على الفيس بوك
السلام عليكم ورحمه الله وبركاته


اخواتى واخوانى اعضاء المنتدى .....بعد تحيتى لكم اود ان اقول اننى انا ر-س صاحبه هذه الرحله شخصيا وليس نقلا عن منتدى او ماشابه


انا عندى 23 سنه - غير متزوجه


بالنسبه لرحلتى من الاكتئاب المحقق والمدمر الى الامل والتخلص من الاكتئاب بشكل شبه نهائى الى هذه اللحظه
وهذا اقسم بالله العظيم بفضل الرجوع لله تعالى مع تعدد محاولتى استخدام طرق كثييييييييييييره الا انها لم تفعل مع شىء


قصتى ..
انا تعرضت لابتلاء ربنا يعلم بيه بان وقع على ظلم باللسان على لسان ناس واستمروا فيه لمده تقريبا خمس سنوات لدرجه وصولى به لعقده نفسيه وتحطم واكتئاب ولازمت فراشى ليس مرضا عضويا او شعور بالم جسدى وانما هو الم نفسى بحت وكان يومى النوووووووم الكثير مع البكاء خلال ذلك النوم المتقطع ..اهمالى صحتى ودراستى ليس من حيث الاستذكار ولكن من حيث الذهاب لكليتى وكذلك عدم الاهتمام بمظهرى كعادتى
وليلا نهارا اتذكر قول اولئك الناس وابكى ووصلت لمرحله ياس ربنا عالم بيها وظننت اننى سينتهى بى المطاف هنا فى هذه الدائره وانتهت سنوات دراستى بالكليه وانا على هذا الحال لا ارى نفسى ولا حالى وكل نظرتى لنفسى اصبحت سلبيه لدرجه غير عاديه ......ووصلت لمرحله التفكير فالانتحارعن طريق اخذ دواء بكميات كبيره كى انهى حياتى ..وكنت انظر لزجاجه الدواء كثيرا ويداى تمتد اليها بنيه الانحار كى اخلص من حياتى ولكن من داخلى قلت هل ساخسر دنيتى واخرتى وكنت اكتفى عند التفكير بالانتحار باخذ ادويه منومه كى انام وانسى نظرتى لنفسى وماحدث لى ....وبجانب ماحدث لى اخوتى فالله فقد مررت ايضا بالانخداع فى اصدقائى الذين لم يقفوا بجانبى بل وزاودونى جرح بتصرفات صعبه جدا وكنت احبهم كثيرا
وكذلك لم اجعل اسرتى تشعر بما انا فيه وبالتالى لم يقدم لى احد المساعه ولم يراعى احد ماانا فيه ونحن نعلم بان ليس هناك بيت خالى من المشكلات وهذا كان يضغط على اكثر واكثر واصبحت انزل فى وزنى ووجهى بدات تتلاشى به روح المرح والشباب ..... واكرر استمر هذا الوضع لاكثر من 5 سنوات متتاليه


ولن اقول لكم لم احاول خلالها الوقوف مره اخرى فقد حاولت وكلما كنت احاول الخروج مما انا فيه كان يشتد الابتلاء باننى كلما استطعت النهوض يحدث شى ما يرجعنى لنقطه الصفررررررررر...واحاول واقع ....واحاول واقع
الى ان ظهر على العصبيه المفرطه فى البيت والبكاء لاتفه الاسباب ونقص الوزن واخيرا قلت لهم فى المنزل عن حالتى وقلت لهم انا بحااااااااااااااااااجه لدكتور نفسى والا ساموت قهرااااااااااااااااا


وبالفعل ذهبت لدكتوره نفسيه وتحدثت معها بكل صراحه ...وقلت لها الن تعطينى ادويه قالت لا ساتحدث معكى فقط فانتى شابه ولا اريد اعطائك اى ادويه ولا حتا منومه .وجزاها الله خيرا فى هذه النقطه وان ماحدث طبيعى بان يصل بكى لهذه الحاله لانه يصعب تحمله .. ولكن...عملها معى كدكتوره كان روتينى فقط تقول كلام نظرى وتطلب منى مواجهه المواقف بطرق انا فعلتها ...تحسنت بعض الشىء وليس كثيرا ابدا ورجعت مره اخررررررررررى لحجرتى ولم اعد اذهب اليها تانى لان ماكانت تقوله لى كنت اقولوا لنفسى فلم اجد عندها الجديد



فوقفت مع نفسى ابحث كيف ارطب فقط هذا الجرح والقهره اللى جوايا


فقررت حفظ القران الكريم لاننى لم اكن اقرا القران كثيرا ونادرا ما امسك المصحف فتذكرت " الا بذكر الله تطمئن القلوب " ...وتذكرت " ومن يعرض عن ذكرى فان له معيشه ضنكا " فقررت ان اداوى نفسى بالقران وكمان فرصه اتعرف على شيوخ واناس متدينين يعينونى على طاعه ربنا وبالفعل ذهبت للمدرسه وخلال فتره حفظى للقران ظهر تحسن غرييييييييييييييب ليس كاملا كى لا اكذب ولكن تحسن فى حالتى النفسيه بحيث لا اكون مدمره فقط اشعر بداخلى بحزن ولكن ليس بالصوره التى كنت عليها وكنت اصلى القيام فى الثلث الاخير لاننى عندما حفظت القران هذا جعلنى استطيع ان اقوم بالليل وان اشعر بالسعاده وانا اصلي القيام لدرجه اننى فى مره من المرات اتذكرها صليت بجزء دون ان اشعر بقدماى وكنت ابكى كثيرا واقول يااااااااااااارب من غيرك حاس بيا وعالم انا حاسه بايه ..طب مييييييين غيرك اشتكيلوا ويفهمنى يااااااارب ...ياااااااااااارب ابتلائى صعب اوقفوا او اى حد يوقفوا بس انتا خلقتنا وخلقت السماااااااااا والارض والكون داه كلوا من بشر وجماد وحيوان ...فاكيد يارب مشكلتى ولا حاجه بالنسبه لملكك وانتا الكريييييييييم والرحيم قاااااااااااااااادر تكرمنى وترحمنى ياللى ارحم علينا من الام على ابنائها يااااااااااااااااارب ...متسبنيش يارررررررررررب انا فتحت عينى عالدنيا لاقتنى فابتلاء ومش عارفه يارب انا عملت حاجه بتعاقبنى عليها ولا داه ابتلاء ...يااااااااااااارب لو عملت حاجه سامحنى عليها داه انتا غفور رحيم واكيد كنت صغيره مادركتهاش ولو ابتلاء ارجوووووووووك يارب انا تعبت ارفعوا عنى وارحمنى ياااااااااارب ...ياااااااااااارب انا بحبك متسبنيش داه انتا القادر يااااااارب متسبنيش ياحبيبى انا مش عارفه يارب المشكله تتحل ازاى عشان ادعى بالحل بس انتا قاااااااااادر تخلينى بكره بلا اى مشكله داه انتا الخالق الرحيييييييييييم الكريييييييم ......وكنت اناجى الله بهذا الكلام ودون تكلف نهااااااائى كنت ادعى بما يجول بداخلى وباللغه العاميه فى السجود وحتا بدون صلاه وانا جالسه وانا ماشيه ..وتعلقت بقيام الليل هذه الفتره ...وكان قد حدث معى موقف لا انساه بخصوص القيام فانا هذه الفتره واظبطت على القيام وفى فتره قطعت هذه المواظبه وانا كنت احفظ القران بشرايط الكاسيت بان اسمع الايه واردد ورائها... وعندما قطعت القيام فاذا بى اشغل القران كى احفظ قبل ذهابى للمدرسه واذا بالايه " ومن الليل فاسجد له وسبحه ليلا طويلا " اول مافتحت الشريط لاقتها فاندهشت وقررت ان ارجع الشريط وكلنا نعلم اننا اذا رجعنا الشريط مش شرط يجيب الايه بالظبط من اولها او عالجزء اللى عايزاه ..لا اللى حصل جاب على الايه بالظبط " ومن الليل فاسجد له وسبحه ليلا طويلا" فبكيت وقررت ان ارجع الشريط مره ثالثه فاشتغلت الايه من اولها بالظبط فبكييييييييت وصليت بعده العصر تقريبا وكنت ادعى ربنا يسامحنى ويهدينى ......وجاء رمضان الذى بعده فعلا اقسم بالله العظيم انتهت المشكله بعدوا ومن جزورها ...فكنت خلال هذا الشهر المبارك اصلى التراويح والقيام فى المنزل وادعى بحرررررررررقه واقول يارب متسبنيش وكنت بقول اللهم اجعل الحياه زياده لى فى كل خير واجعل الموت راحه لى من كل شر ....وكنت بقووووول معقول يارب خلقتنى فالدنيا عشان من ساعه ما اوعى عليها اتعذب معقوووول يارب ...اكيد يااااااااااااارب لا واكيد هتكرمنى ...يااااااااااااااارب انا تعبانه اووووووووووى ..يااااااااااااااااااااارب اللى حوليا بيعرفوا ويشفقوا على تعبى بس اللى يحس بيا انتا يااااااااااااااااااااارب ..يااااااااااارب انا شايفه نعمك على ناس كتير وداه بيدينى امل.....يااااااااااااااااااااااارب قوينى برضاك وكرمك ..انا بجد تعبانه ..هتسبنى يارب؟؟؟ هتسبنى ؟؟؟؟ ......كانت كل دعواتى بالصيغه دى بعيده عن اى تكلف بكلموا وجوايا كان يقين بانوا سامعنى وانوا اقرب الى من حبل الوريد وحاسس بقلبى والتدمير اللى كنت فيه ووجع الرووووح اللى كنت فيه ....والله وانا بكتب كلامى داه حاسه باحساس غريب.... انا دلوقتى تمام ومشكلتى اتحلت بس عارفين ..".لذه المناجاه ساعتها ورقه القلب مع ربنا ساعه المشكله كانت نعمه كبييييييييييره "...وتبقى اجمل واجمل لو استمرينا بعد المشكله فى المناجاه بنفس رقه القلب ويقيييييييييين بان ربنا موجود وسامعنا وجنبنا جدااااااااا.اااااااااااااا.وحاسس بينا جداااااااااا .ااااااااااااااااا..
المهم بعدر مضان وبالتدريج والله على ما اقوله شهيد اقسم بالله مشكلتى اتحلت وجزريا ....وداه بعد 5 سنين عذاب وجرح انا بعتذر لعدم كتابه المشكله تفصيلا لانى لو كتبتها ممكن افتكر وانجرح تانى وابكى واتعب وكمان بها تفاصيل شخصيه ... وانا خلال اكتئابى كنت دائما احاول الخروج بنفسى من الاكتئاب والان احاول عدم الرجوع للاكتئاب ...وكلامى لكم اخواتى....لننننننننن يساعدكم احد ولا هيشعر بكم احد "بنى ادم زيكوا "..ولو شعر حد بيك اووووووووووى عمروا ماعندوا القوه يخرجك مما انتا فيه بالنسبه للاكتئاب..... انتاااااااا او انتى يجب ان تحاولى تخرجى بنفسك ولو لم تحاولى صدقينى لن تستطيعى الخروج ...اعطى لنفسك امل حتا ولو بشىء وهمى وصعب تحقيقه مفيش حاجه بعييييده عن ربنا ابدا ...بس من جوا كل واحد لازم يبقى عندى دافع نفسى اساعد نفسى بس مش عارف اخلق الدافع داه يبقى خلاص ادعى بس من جواك عايز تخرج مالاكتئاب ..مش مستسلم ووصلت خلاص لمرحه حب هذا الوضع لان فى بعض الحالات الشخص من استسلامه بيشعر بلذه فى بعض الاحيان بهذا الوضع وداه نتيجه للاستسلام ......


المهم انتهت مشكلتى ولكن ظلت جراح اصدقاء عمرى مستمره ....وكانت بمثابه خيط بيرجعنى للورا تانى لان اه انتهت المشكله بس الانسانه من جواها لسه مش قادره تخرج من الحزن ولا تتخلص مما سببه لها الاكتئاب ومازالت لاتستطيع الضحك او الهزار او او.....لم يكتفى ربنا برحمتوا بانوا انهى المشكله ..فنفس الوقت اللى اصحاب عمرى جرحونى فيه رزقنى ب 3 صديقات ف 3 بلدان انا كثيره السفر فيهم بحيث عند تواجدى فى بلد الاقى فيها صديقه ووفيه جدااااااا....وحب بدون مصالح واسر محترمه جدا واقسم ان صداقه واحده فقط منهم كفيله بان يقول الشخص انا محظوظ فى الصداقات وهم يحبوا لى كل الخير وبجانبى طول الوقت ...شفتوا كرم ربنا ....واثناء حالتى باننى لا استطيع الضحك او ماشابه مع الناس ولست بحالتى الطبيعيه فقد وجدت من يقول لاخوتى نحب اختكم رنا ....وكنت بستغرب جدا داه انا حتا لابضحك ولا بهزر ....وكنت بفرح اوووووى بالحب داه لان كان بيحسسنى ان بعدى مكرهش حد فيا كنت بقول اد ايييييييييييه يارب انتا رحيم وانا ف بعض حالات اكتئابى كنت احيانا بقعد اعترض بينى وبين نفسى واقول ليه كدا يارب بس...وارجع استغفر لانى بشر ممكن اغلط غظب عنى .....بس ربنا حلييييييييم وكان بيسامح ومغضبش وفعلا تاكدت ان اذا احب الله عبدا ابتلاه لان ربنا بيحب يسمع بكاءه وسجوده بين يديه .....وبعد سنوات الكليه قمت بعمل التمهيدى للماجستير وربنا يعلم عدتها ازاى لان لسه مكنتش فى سلامه نفسيه...وداه كان مسببلى طول الوقت اعياء جسدى يعنى اتعب من اقل اقل مجهود وكانت احدى صديقاتى الثلاثه كلما كنت ابكى من التعب لاننى لم اتحمل مجهود السنه كانت تشد ازرى ووصلت لمرحله انها كنت تقوم بترتيب ابحاث الكليه لاننى كنت وصلت لمرحله من التلغبط والنسيان السريع وكانت جزاها الله خيرااااااااا ترتبهم لى وتقول لى هذا كذا وهذا كذا ...شفتوا ربنا بيداوى كمان وبيعوض وعديت التمهيدى بنجاح ....وفاتت بعدها سنه اخذتها راحه من المذاكره وخلالها رجعت اكون علاقات اجتماعيه بالتدريج واقول لنفسى حاولى ان تعيدى البسمه لوجهك كى يحبك الناس وكنت حتا لو مش مبسوطه ومش قادره اضحك ابتسم واتكلم برفق مع من حولى ...واسال عن كل الناس فى كل المواقف فرح او حزن واساندهم وحبهم لى بدا يشعرنى باننى لم اخسرهم وبالتالى يحسن من نفسيتى تدريجيا ....وكنت ايضا فقدت الثقه فى نفسى ...حتا هذه داوانى الله فيها ....فكنت نائمه فى وقت الظهر واذا بواحده قريبتى والله العظيم من بعيد ومليش علاقه بيها خالص ...بتتصل وبتقولى رنا تحبى تشتغلى ...قولتلها ماشى جابتلى شغل مسؤوله عن مكتب علاقات عامه ولما روحت كنت فاقده الثقه اوووووووى ف نفسى ومتلجلجه هذا على غير طبيعتى ولكن الاكتئاب والعزله سبب لى ذلك فاذا بمديره الشركه كانت مدربه تنميه بشريه فحاولت معى بالتدريج واعطائى كتاب لتنميتى بشريا وعلمتنى كيف اكون ثابته واقف امام الناس واتحدث بلا خوف او تلجلج وهذا ماحدث ..ودلوقتى لو مين قدامى الحمد لله رب العالمين استطيع التحدث وبلا اى خوف....سبحانك ياااااااااااااااارب حلتلى مشكلتى وبدلتنى احسن من اصدقاء عمرى وداوتنى ف ثقتى بنفسى اللى كانت راحت ...وحتا النسيان الذى كنت امر به تلاشى بالتدريج واصبحت انسى بشكل طبيعى مثل باقى الناس وليس بشكل مبالغ فيه مثل فتره اكتئابى ...وجعلى لى اصدقاء يحبونى وبجانبى طول الوقت .....والله العظيم يااخوانى ربنا كريييييييييييييييييييييم جدا ...ومخلقناش يعذبنا ابدا ...وانا والله العظيم لو حكيت قصتى بجد عباره عن جرح غاااااااااااااااااااائر جوايا بس ربنا داوانى منوا وبيعوضنى كل يوووووووم بجديد وحسن ظنى بربنا محصلش وردنى فيه والله كنت بحسن الظن واقول هيكرمنى هيكرمنى وفعلا سبحان الله ببقى ف بيتى وبلاقى الشغل بيجيلى وحاجات ماشاء الله جميله ...عشان ربنا كربيم اوى ياجماعه بس
بيحيب يسمعنا واحنا ساجدين ليه نناجيه وندعى
وانا حاليا الحمد لله رب العالمين والله على ما اقوله شهيد خرجت من الاكتئاب وحاليا انا باحثه ماجستير ف احدى الجامعات وحياتى استقرت بفضل الله سبحانه وتعالى واضحك وابكى بشكل طبيعى وسط الناس ليس بكاء مبالغ فيه ولا ضحك مبالغ فيه الحمد لله وتعلمت من اكتئابى الكثييييييييير اهمها بجد الاحساس بالبشر والناس وان ممكن اوى انسان يبان قدامى ف احسن حال ومن جواه هو محطم ...فبدات ارفق بكل من حولى مهما بدوا لى .....واحافظ على كلماتى وان لا اجرح احد حتا ولو جرحنى اقول بينى وبين نفسى معلش هنسى ان شاء الله بس مش هجرح لانى جربت الجرح


وانا ف حاله الاكتئاب كنت قلت ياااارب اعدك باننى اذا خرجت من حالتى ونجحت فسوف اكتب فى هذا المنتدى رحلتى لان قسم المسانده النفسيه كنت ادخله كثيرا وكان يهون على قراءه مشكلات غيرى فاقول الحمد لله الحمد لله
منقول ...منتدى الاستاز عمروخالد( قسم المساندة النفسية)


لمشتركي الفيس بوك فقط : شاهد اقوي مواضيع منتدي اصحاب كول الساخنة بالأسفل - للاشتراك بصفحتنا على الفيس بوك ليصلك كل مميز اضغط لايك ( Like ) >>>>>

رد باقتباس
  #2  
قديم 07-12-2010, 01:20 AM
+
go0ogo0o go0ogo0o غير متصل
كول بيبتدي يشارك
 
تاريخ التسجيل: Jul 2010
المشاركات: 57
افتراضي رد: قصتى مع الاكتئاب والتحسن والشفاء

بجد انا مش عارفه اقول ايه الموضوع رائع جدا ووالله اثر فيا اوي ويارب يجعلوا في ميزان حسناتك لكل انسان يقتدي بيكي في التصرف الجميل ده
وربنا يهدي ويصلح حال كل المسلمين يارب
انا مهما قلت والله ما هقدر اوصف اللي حسيته لما قرات الموضوع ده
وربنا يكرمك ويسعدك في حياتك كلها


رد باقتباس
  #3  
قديم 07-12-2010, 04:41 AM
+
kaka10ammar kaka10ammar غير متصل
كول ذهبى
 
تاريخ التسجيل: Jul 2010
المشاركات: 398
افتراضي رد: قصتى مع الاكتئاب والتحسن والشفاء

موضوع جميل جدا
مشكور


رد باقتباس
  #4  
قديم 07-12-2010, 11:17 PM
+
واحد من كول واحد من كول غير متصل
كول  اخر حاجه+ عضو مميز بقسم الصور والجرافيكس


 
تاريخ التسجيل: Jun 2010
الإقامة: Outside the orbit of a planetary
المشاركات: 5,607
افتراضي رد: قصتى مع الاكتئاب والتحسن والشفاء

السلام عليكم ورحمة الله وبركاتة

شكرآ لكي اختي

والحمد لله علي شفاءك من الاكتئاب

ووفائك بوعدك لربنا وشكرآ


رد باقتباس
رد

أدوات الموضوع
طرق عرض الموضوع



الساعة الآن: 10:20 AM.

2014 - برج الحوت اصحاب كول رسائل
رسائل عتاب برج السرطان برج الحمل

Powered by vBulletin V3.8.7. Copyright ©2000 - 2014 Jelsoft Enterprises Limited