منتديات اصحاب كول 2015  

 --الوصول السريع للأقسام--

الاغـانى والفيديو كليب تحـميل افـلام للبنــات فـقـط تحميل العـاب اسـلامـيـات
تعارف و صداقات
مقاطع فيديو كل ما يخص الموبايل الهكرز والإختراق اخبار الرياضة طب و صـحـه


العودة   منتديات اصحاب كول 2015

رد
 
أدوات الموضوع طرق عرض الموضوع
  #1  
قديم 08-05-2010, 03:52 PM
el_asley el_asley غير متصل
كول لسه طازه
 
تاريخ التسجيل: Nov 2007
المشاركات: 1
Newj هل أنت جوهرة ؟؟ - كلنا بنغلط ومش عيب إننا نغلط لكن العيب إننا مانستغفرش

انشر الصفحة على الفيس بوك
بسم الله الرحمن الرحيم
أختى العزيزة ..المسلمة..ممكن قبل ما تقرأى كلماتى ، تعرفى إننا كلنا بنغلط ، وكل أبن أدم خطاء ، ومش عيب إننا نغلط ، لكن العيب اننا منستغفرش ونتوب لربنا ونرجعله ، ومش عيب كمان إننا نسمع للنصيحة ، وهى مش نصيحه أد ما هى تذكرة ، وقال الله ((وذكر فإن الذكرى تنفع المؤمنين)) ، فممكن بعد إذنك تسيبيلى عقلك وقلبك لدقائق معدوده إنك تقرأى هذه الرساله وتقفلى موبايلك وتقطعى الاتصال عن كل من حولك ، ولازم تعرفى أولا إن ربنا بيحبك ، بدليل هيألك الظروف إنك تقرأى رساله بتفكرك بيه....



ندخل فى الموضوع ، أولا أعرفك بنفسك ،،، أنتى المرأة اللى ربنا خلقها ليسكن اليها الرجل ، وتكونى ليه الحضن الدافى وسط دوامات الحياه ، إنتى سر البقاء ، انتى اللى الاسلام رفع قيمتك ، وخلاكى جوهرة غاليه ، علشان يوصلها الشاب مننا ، لازم يدفع التمن ، انتى مربية الاجيال ، بصلاحك صلاح الامة ، وبفسادك ضياع الامة ، انتى خير متاع الدنيا لو كنتى صالحة ، انتى شعاع الحب والحنان والجمال ، يعنى أنتى جانب من أهم الجوانب الضرورية لصلاح وفساد الحياة .


ومشكلة بتقعى فيها أختى المسلمة ، ألا وهى فتنة الزينه ، وفعلا النفس البشرية لأى بنت تحب تكون جميلة ، وكل الناس تبص عليها ، فأنا معاكى ان الزينة والاستايل حلو ، زى ما المخدرات حلوة والكدب حلو ، تخيلى ان شباب كتير مشكلتها مع ربنا لبسك..فعلا شباب كتير نفسهم يرجعوا لربنا بس مش عارفين يغضوا بصرهم عن جمالك ومفاتنك ، اللى بصراحة...وانا أسف فى الكلمة ...بقت (فور فرى) لأى حد مجانا ، واللى هى ربنا كرمك بيها وجملك وخلاكى أحلى من بنات كتير ، وكل ده مفروض لراجل واحد ، هو جوزك...مش تكونى لكل الناس ، وأنا عايز أتكلم على البدى الكارينا ، البدى المذهل ، اللى حل كل مشكلات البنت اللى مفروض إنها محجبة ، وخلاها تلبس كل لبس البنات الغير مسلمة ، واللى هو الطريق المعاكس لشرعنا اللى بيقول (لا يصف ولا يشف ) طيب إزاى وهو يصف ويشف ، أنا عارف ان تقريبا مفيش بيت مسلم مبيخلاش من الكارينا ده إلا من رحم ربى ، فياريت تفكرى كويس وتقوليلها : يترى ده يرضى ربنا ورسوله ، ويترى ده ينفع مع الحجاب ، ولا ده تحايل على ربنا؟؟؟



الكارينا ده لازم تعرفى إنه تزوير فى أوراق رسمية ، حاجة المفروض إنها بتتلبس علشان تغطى وهو فاقد لوظيفتة الاساسية ، انا بكتب والله الكلام ده خوفا عليكى من عذاب ربنا ، لأن الموضوع ده مش سهل .
يقول رسول الله صلى الله عليه وسلم : « كل أمتي يدخلون الجنة إلا من أبى ، فقالوا يا رسول الله : ومن يأبى ؟ قال : من أطاعني دخل الجنة ، ومن عصاني فقد أبى » (البخاري).

وقال أيضاً صلى الله عليه وسلم : « سيكون في آخر أمتي نساءٌ كاسياتٌ عارياتٌ ، علي رُؤُسُهنِّ كأسنمةِ البُختِ ، العنوهُنَّ فإنهن الملعونات » (صحيح) ومعنى كاسيات عاريات أي كاسيات في الصورة ، عاريات في الحقيقة ؛ لأنهن يلبسن ملابس لا تستر جسداً ولا تخفي عورة ، فالغرض من اللباس الستر فإذا لم يستر اللباس كان صاحبه عارياًَ. وهذا ينطبق تماماً على كل الملابس الضيقة والمفتوحة. ومعنى على رؤسهن كأسنمة البخت: أي يصففن شعورهن من فوق رؤسهن حتى تصبح مثل سنام الجمل .

وقال الله تعالى : { يا أيها النبي قل لأزواجك وبناتك ونساء المؤمنين يُدنين عليهن من جلابيبهن ذلك أدنى أن يعرفن فلا يُؤذَين } وهذا أمر صريح من الله تعالى بالحجاب وأتى في صورة أمر إلى النبي لأهميته ، فلو لم يكن الحجاب الشرعي أو الزي الإسلامي ذا أهمية كبيرة -كما يظن البعض - فهل يأمر به الله على هذا الشكل؟ وإذا كان الظاهر غير مهم فهل يأمرنا ربنا بأشياء غير ضرورية ؟!!

وكمان طلع البنطلون الكارينا ، علشان يكمل المسيرة ، والجزمة البيلارينا علشان تكشف الرجل ، وبدلنا الحجاب الاسلامى بالحجاب الاسبانش، وكأننا بناخد تعاليم ديننا من الموضة والتطور ، ده غير التشبه بالرجال من لبس البنطلونات ، قال رسول الله صلى الله عليه وسلم : عن أبي هريرة رضي الله عنه قال : « لعن رسول الله صلى الله عليه وسلم : الرجلَ يلبسُ لِبْسَةَ المرأةِ ، والمرأةَ تلبس لِبْسَة الرجل » رواه أبو داود بإسناد صحيح ، وصححه الألباني .

وقال رسول الله صلى الله عليه وسلم : « ثلاثٌ لا يدخلون الجنة ولا ينظر الله إليهم يوم القيامة: العاق والديه ، والمرأة المُتَرَجِّلة المتشبهة بالرجال ، والدَيُّوث » (الحديث صحيح)
، ده غير (البيرفيوم) الروائح والعطور ، واللى أحنا كلنا عارفين حكمها بالنسبة للمرأة إنها حلال لجوزها وفى بيتها بس ، لكن بره بيتها ....
قال رسول الله صلى الله عليه وسلم : « أيما امرأة استعطرت ثم خرجت ، فمرت على قوم ليجدوا ريحها ؛ فهي زانية » رواه أبو داود ، و النسائي .




ياااااااااااه ، والله حاجات كتير فاكرنها سهله بس هى مصايب ، وأنا عارف والله انك ...أختى المسلمة...نفسك تلبسى زى ما ربنا عايز ، بس كل البنات فى نظرك لبسه كده ، فأحب أفكرك بقول ربنا (( وإن تطع أكثر من فى الارض يضلوك)) يعنى أكتر الناس اللى حوليكى فى الدنيا واللى هما الغلط ، لو سمعتى كلامهم هيضلوكى عن طريق ربنا ، فأسمعى كلام ربنا ورسوله ، ومتخليش الشيطان يزينك فى نفسك ويقولك إنك باللبس ده هتكونى جميلة وهيوصلك لإبن الحلال ، فهقولك ما عند الله لا ينال إلا بطاعتة ، ومن ترك شيئا لله عوضا الله خيرا منه ، أحسبيها صح ، وأعرفى إن اللى كرمك بالجمال قادر يسلبه منك ، أو يوصلك للعنوسه ، وهو على كل شىء قدير .
كنت مره فى درس فى جامع ، وكان أخر الدرس الشيخ بيستقبل الاسئلة ، فكان من وسط الورق اللى وصل للشيخ ، واحد كاتب يا شيخ أدعيلى إنى أعرف أغض بصرى وحسبى الله ونعم الوكيل فى كل متبرجة وقالها ثلاث مرات، والله سمعت كلماته وكأنه بيعيط قدام عينى من كتر ما هو عايز ربنا ، بس فى صخرة فى طريقة ، والصخرة دى لبسك ، فبالله عليكى ، راجعى حساباتك ، وتخيلى أنتى ونازله من بيتك ولابسه لبسك لو انتهى أجلك بيه ، يترى تحبى تقابلى ربنا بيه ؟؟ وبالله عليكى ما تكونيش سكينة على رقاب الشباب المسلم ، ومتبقيش سلاح الشيطان ضدنا


وهنيئا لكى لو أتخذتى قرار التوبه إن ربنا يبدل سيئاتك حسنات
اللهم وأرزق بنات المسلمين طهارة مريم عليها السلام ، اللهم زينهن بالعفة والحجاب فقد أضروا بالشباب
اللهم وأرزقهن بأزواج صالحين وأجعلهن صالحات تائبات غير متعطرات ولا متبرجات
وصلى اللهم على محمد وعلى اله وصحبه وسلم وأخر دعوانا ان الحمد لله


لمشتركي الفيس بوك فقط : شاهد اقوي مواضيع منتدي اصحاب كول الساخنة بالأسفل - للاشتراك بصفحتنا على الفيس بوك ليصلك كل مميز اضغط لايك ( Like ) >>>>>

رد باقتباس
  #2  
قديم 08-05-2010, 03:59 PM
+
دودي1996 دودي1996 غير متصل
 عضو ماسى+شاعر كول
 
تاريخ التسجيل: May 2009
المشاركات: 6,261
افتراضي رد: هل أنت جوهرة ؟؟ - كلنا بنغلط ومش عيب إننا نغلط لكن العيب إننا مانستغفرش

ايوة والله تعبير جميييييل جدا

الجوهرة بتبقى غالية فمحفوظة

بجد تسلم يامان

توبيك هااااايل


رد باقتباس
  #3  
قديم 08-05-2010, 04:05 PM
+
تيتو789 تيتو789 غير متصل
اعضاء اصحاب كول المتميزين جدا
 
تاريخ التسجيل: Aug 2009
الإقامة: om eldoniaa
المشاركات: 5,538
افتراضي رد: هل أنت جوهرة ؟؟ - كلنا بنغلط ومش عيب إننا نغلط لكن العيب إننا مانستغفرش

توبيك جميل جدا

تسلم يا غالى


رد باقتباس
رد

أدوات الموضوع
طرق عرض الموضوع



الساعة الآن: 08:47 PM.

رسائل - الابراج

اجيال نيوز
Powered by vBulletin V3.8.7. Copyright ©2000 - 2015 Jelsoft Enterprises Limited